محتار اشوصفك

[عيال الظالمي]

اكتب اهواي الشعر يم وصفك اكتب وشك
يجويني حيل القلم وبنـارك انه احترك
....................
يالتمشي برويحتي وامعلك اكليبي
رجعلي شوفي تره ما وجد ادريبي
امشي اعلى عطرك دبج ويهزني ريح العشك
............
من احضنك بالحلم تتعطر اثيابي
ومن احضنك بالصدك يحترك كل مابي
ابقه آنه جومة خفت بس من تجيني اعتلك
يحبيبي من اوصفك جمر اعلى خد معتلك
...............
عمر المضى ابعشرتك ابظيمه احلى عمر
مره ارسمك عالورق شفة ورد تنكسر
اومره الثمك بالجفن ومره الثمك بالحلك
اولمن اريد اوصفك اكتب اشعاراً وشك
........................
الله يامبسمك من تجبل امن ابعيد
شهر الفضيلة استحه ودثر ايامه العيد
العيد اجه ابضحكتك بانن اسنونك فرك
جا ليش انا امن اوصفك دمعي اعلى جفني يطك
...............
يجويني حيل القلم ابوصف العيون احتار
ادري بالنرجس صلف بضلوعي دوية نار
العشك لوعة وامل دمعة اعلى جفن الصدك
وشما اريد اوصفك يم وصفك اكتب وشك
.................
لو شاف انا ماشفت ما غنى ياس الهدل
جلجل ظلامه الشعر اوجتفي الجوي انهدل
لفيت بيه ركبتي اوزخ الموده رشك
..................
من عاف دمي العرك كلت اوصفك بالشعر
وانسجب حبر القلم خط القلم نحتضر
محلاني اموت ابعشك بس لايموت العشك
وسلون انا اوصفك اويمته اكتب اوما اشك
............
جنه اليموت ابعشك محلاه موت العشك
تبجي عليك اشكثر نرجس اوسود اوزرك
وتشيعك لابتك وكلوبها تحترك
او من ترد تكتب شعر اة تشخط ورقها اوتشك
.............
رمضان \2009

[زعيم الرومنسية]

كلمات روعه صح السانك