شعر شعبي(ملعون الوكت)

[صبيح الساعدي]

ملعون الوكت
عمــــــية محدّدة فرسَك يحــــمدان .. ذبّ عنانـها ولا تلـكد عليـــــــها
خلص طورك حسافة تعيش ندمان .. باولها إشفت وتشـــوف تاليــــها
ظل الوكت تلعب بـــيه طيـــــطان .. مثل هوش المسَربه وتاه راعيها
خرســان والتدلـي الدرب عمــيان .. كـــلي اليا درب يــلي تـدليـــــها
تــلوذ الخايــفة والبخت ميـــــزان .. تشـرد من خيال الخوف جـاويها
وينك يا عـلي يا مرهـب الجــــان .. عطشـانـه الفـواطـم من يرويــها
بعد نعـش الحسن للحــكم نيشــان .. وبعد زينب ذليـلة الشـمر سـابيها
وبعد طفل الحسين يصيح عطشان . وبــعد دَكّــة يـزيـد وبعـد ساقيها
وبعد شنهو البـعد يا عالي البنيان .. آخـر هل كواسـر من يلاويــها
دنــيانــة جــانت احـلى بســــتان .. وجَّـت يا حسـافــة ومن يطفيـــها
صفت تلَّة وعليــها اتحوم غربان .. حـراميـها أمـس واليــوم حاميها
وك سـيدنا اليشـور طلع شيـطان .. خُـم اعمامــته وتـلكة البطل بيها

والبقية تأتي
1/3/2010

[Al-Nawab]

[motr]السلام عليكم
صح لسانك
اشو البقية ما نزلت؟ شنو الوحي لم ياتي لحد الان؟؟اهههه
تقبلوا تحياتي وحترامي[/motr]

[المجراوي]

دنــيانــة جــانت احـلى بســــتان .. وجَّـت يا حسـافــة ومن يطفيـــها
صفت تلَّة وعليــها اتحوم غربان .. حـراميـها أمـس واليــوم حاميها
----------
رائع بكل معنى الكلمة
وننتظر منك البقية