يوجد عراقيون في ايران

[kingmaker]

السلام عليكم ورحمة الله

شلونكم اخوان؟
ان شاء الله الكل بخير ومرتاحين
اخوان تدرون اكو عراقيين يعيشون بايران؟
شلون كان اغلب ممثلينا في الحكومة يعيشون في ايران مهزومين من البعث الصدامي
اليوم اكو عراقيين في ايران
زين
شنو حكمكم على العراقيين بايران؟
خونة؟
عملاء؟
باعو البلد؟
متونسين؟
عايشين احسن عيشه؟




اني طالب عراقي بايران
واتعجب على الحكومة العراقية لا دايرتلنا بال لا احد معبرنا
لا فد يوم سوولنا اجتماع بالسفارة تعرفو علينا بصورة لائقة

وبقية الطلاب الاجانب اصدقائي بكل مناسبة عزيمة ببيت السفير
ولما يحتاجون شي يتصلون بالسفارة
والهم تمثيل
وسفرائهم يتصلون بالوزارات يتابعون امورهم
واحنا العراقيين ما النا غير الله (ونعم بالله) ومنظمة ايرانية (متبنية ) الطلاب العراقيين
ولذلك ما حاضر وياهم اجتماع واحد لانه الحمد لله ما مستحق الصدقة

بس والله الموضوع يحز بكلوبنا نشوف السفارة العراقية بايران ما تمثلنا
ولا حتى مهرجانات او فعاليات ثقافية
الايرانيين ما يدرون بغداد بالكاظمية لو الكاظمية ببغداد لو محافظتين


الاضرب انه لمن يطلع مسؤل بالحكومة او الامم المتحدة ما يحجي غير عن اللاجئين بسوريا والاردن
واللي بايران؟ مو عراقيين ؟ مو لاجئين؟
لو لانه مظلومين ومو بعثية؟
زين الامم المتحدة من ازلام صدام
انتو حكومتنا شبيكم؟ نسيتو نفسكم؟ مو احنا مثلكم والزمن دوار

يا ريت صوتي يوصلهم

[ammar]

اخويه ، هم الي بالداخل منسين عاد الي بايران !

[babil]

البعيد عن العين بعيد عن القلب.
اذا كان وزير المهجرين ترك اخوانه الذين هجر معهم عام 1980 وتبرع بدعم المهاجرين من القتلة البعثيين بسوريا ووفر لهم حتى ضعف البطاقة التموينية التي لاتصل الى العراق بالداخل وكل هذا بحجة المصالحة وياليت غزرت بيهم..
ذنب الكلب البعثي يبقى اعوج.

فيااخي المهجر بايران انتم منسيون ويتم ذكركم فقط بالمناسبات حينما تكون هناك حاجة لذكركم ..
خلو عينكم بعين الله ومثل ماربكم حفظكم 30 سنة بغربة مع الايرانيين الي محد يجرعهم.
وكلوا امركم الى الله وهو خير ناصر للمظلومين وبيوتكم للعلم مازال يقطنها بعثيون ولاتتعب نفسك بذكرها لان هيئة نزاعات الملكية ( الدائرة المختصة باعادة بيوت المهجرين ) اغلب موظفيها بعثيون ومغتصبين لبيوتكم لذلك حتى القانون الذي عملوه سنوه لصالحهم.. .
ولاتبالو بتصريح سياسي اذا قال انكم استوطنتم ولاتريدون العودة او ممكن ان تعودوا دون ذكر ماهية العودة وباي وثيقة واين تسكنون..

لاتعتمد على الساسة لان السياسة اساسها خساسة.

اما عن اسألتك فانتم عراقيون ولانكم وقفتم ضد رب البعث انتهت بكم الامور خارج البلد .
ولانكم شيعة امر الفلتة الضرورة ازلامه بتعقب حركاتكم وترحيلكم ومنح بيوتكم للسفلة اللقلقية من الشيعة الموالين له.
ان حزب البعث كان عنصريا وكلن يخشى الشيعة من التجار وابعدهم لكي لايمولو ثورة بخياله ضده.
ظروفكم اسوا من اخوتكم بالعراق فما هو متوفر عندكم يغيب عن اهلنا بالعراق ولكن هذا ليس معناه ان تبقوا مهجرين غصبا عنكم سياتي يوما ما ... عراقي ابن حلال ويتفرغ لقضيتكم ويتابع بيوتكم المسلوبة وينتصر لكم على القتلة وياخذ لكم بثأر اولادكم الذي غُيبوا بسجون البعث بفعل تقارير كتبها كلاب البعث.

بالمختصر انكم منسيين لانكم شيعة لااكثر وليس هناك من يلعلع بصوتكم عكس الرفاق القتلة الذي ذبحوا العراقيين وهربوا الى سوريا والاردن فهؤلاء هنا اصوات تنادي بحقوقهم عكسكم حيث لارجل دين ولاسياسي يذكركم بشئ ..

الشكوى لغير الله مذلة.

[الظالمي2]

خويه الحكومه مهتمه بالمهاجرين بسوريا والدول العربيه بالنسبه للبعثثين الملحق العسكري بكل سفاره عراقيه بكل دول العالم يتابع وضعهم واكو كتاب من مجلس رئاسة الوزراء تعمم على السفارات بخصوص البعثيين
الاجئيين البيران مضمون ولائهم للعراق الجماعه يريدون يرجعون البعثيه ورجعو قسم منهم من الاردن وسوريا
وانطوهم هديا بالعافيه
تحياتي

[kingmaker]

السلام عليكم ورحمة الله

اخي عمار اني الحمد له مكتفي ومتمكن الى حد ما احنا ما رايدين منهم مساعدة لكن خلي تكون السفار ة العراقية تمثل العراقيين

يا اخي والله لو تباوع على السفارة العراقية خلال ساعات الدوام الرسمي وتباوع على ممحل صمون ما تفرق لانه الثنين عليهن سره بنفس الخربطة

[kingmaker]

اخي بابل
كلامك 100%
لكن انا عائلة امي مسفرة
اما انا فقبل سنتين سافرت الى ايران لاكمال دراستي الجامعية
لانه بيتنا في العراق بمنطقة خطرة وما الى ذلك

لكن انا معك املاك جدي التي سلبت
لم نستطع ارجاع الا البيت بعد سنوات طويلة من المحاكم
وبعد ان عوضت المحكمة غاصبي البيت بما يساوي قيمته الحالية مع انه تكلكوه بدون بدل بدون بدل
يعني هدية من صدام!
لكنهم مظلمون فبعد ان اعتادو البذخ هل نستطيع استرجاع حقوقنا لا والله بل يجب ان نسقيهم دمائنا
فهم من حزب البعث الصدامي بالنسبة لنا اما بالنسبة لحكومتنا الرشيدة فهم في مقام الانبياء

حكومتنا تراضي البعث والقتلة والقاعدة على حساب الشيعة والمظلومين من السنة
اما حكومة كردستان فقد انتصرت لابنائها او على الاقل حاولت

انا لله وانا اليه راجعون

[kingmaker]

خويه الحكومه مهتمه بالمهاجرين بسوريا والدول العربيه بالنسبه للبعثثين الملحق العسكري بكل سفاره عراقيه بكل دول العالم يتابع وضعهم واكو كتاب من مجلس رئاسة الوزراء تعمم على السفارات بخصوص البعثيين
الاجئيين البيران مضمون ولائهم للعراق الجماعه يريدون يرجعون البعثيه ورجعو قسم منهم من الاردن وسوريا
وانطوهم هديا بالعافيه
تحياتي

اي اخوية مو صدام ظلمهم ووزعلهم اراضي وبيوت وسيارات
وتعودو على الصرف
بس احنا اللي صدام ظلمنا هم تعودنا على انه ننظلم

بس احنا النا الله

حتى ما فد يوم مسؤل عراقي كال اكو مهاجرين عراقيين بايران
اللهم الا المجلس الاعلى مرتين على حد علمي وزع 100$ لكل عراقي
امتنعت عن اخذها لانه حالها حال الصدقة

[عراق الجديد]

بسم الله الرحمن الرحيم

السلام عليكم ورحمة الله وبركاته

اخي العزيز لا تنقهر لان اهم شيء هو المئة عام الاولى الذي خلص منه 30 سنة فبقت بعد 70 سنه من تخلص هذه المدة كلها سيكون من يفكر بان هناك مظلومين في العراق
واذا انت خال املك بوزير الهجرة والمهجرين فانا اقول لك يا اخي العزيز انسى الموضوع لان وزير الهجرة والمهجرين تابع لحزب الفضيلة وما يسوي شي الا الفضيلة ايكلولة

لكن اخي انتبه الى كلامي :
في سنة 1991 ارادوا الامريكان احتلال العراق لكن المانع امامهم هي انتفاضة 15 شعبان 1991
فوجدوا احسن طريقة للتخلص منها ان يرجعوا صدام الى الحكم لكن وفق شروط
والشاهد على كلامي في ذلك الوقت كان ممنوع ان تقلع اي طائرة في العراق
لكن سُمح له ان يطير الطائرات ويقمع الانتفاضة

ثانيا يسلم العراق لهم بعد فترة على شرط ان يسمحوا له ان يدخل احزاب مع السلطة
بعد سقوطه وخير شاهد على ذلك قيادة بعض البعثيين لاحزاب في العراق امثال المطلك وخلف العليان وطارق الهاشمي و...
وللعلم اذا بحثت انت في قوقل "عمالة صالح المطلك" تثبت كلامي
وهناك كلام اخر حول الاحزاب الشيعية الجديدة التي تولدت في العراق بعد السقوط
لا مجال لذكره هنا


اما قضية بيوت العراقيين المسفرين او بالاحرى مظلومين قرار 666 الذي اقره مجلس قنادر الثورة ومفاده التالي:
كل من ليس له ولاء الى الحزب والثورة تسحب عنه الجنسية ويطرد خارج العراق


كان اللازم ان يكون ارجاع البيوت بقرار كما اخذت البيوت بقرار لكن ...

البعثية لحد الان في كل الدوائر موجودن
فالى الله المشتكى ...