|
-
زهيريات اهلنا ألطيبين
بالحرثه ضاع الجدم ياهيه ** يابردي
بصيف المكابر علي رديت ** يابردي
ابرد ولا اثمرت بالوكت ** يابردي
ابجرفك يدجله هلي واحباب الي ** يحنون
وشماة بجفوفهم من مد معي ** يحنون
للنار ماظن هلي هامتهم ** يحنون
والحال مدري علت بغيابي ** يابردي
*******
عيوني مشوفه ألج حلي ألشعر ** وأنسلي
انتي ابدلال او غنج وانه احتمس ** ونسلي
خلان جانوا امس لو دلهمت ** ونسلي
واليوم ضاك الخلك راحن ليالي ** السمر
سمرت جرح الكلب مانفع بيه ** السمر
من البيض ما حصلت شمحصل امن ** السمر
يا دموعي ما ظل صبر عوفي الجفن ** وانسلي
*******
يا هيله ما بلكلب من المصايب ** وجل
محمود عمر أ لبشر كلمن أ بساعه ** وجل
رمان خدك عذب أ حمد أ بطعمه ** وجل
تكعد أ في أ لنخل وانه أشتكي ** من برد
والوكت يا منيتي يبرد أ بكلبي ** برد
أنشد على خلتي اْ ويا يوم أ حظى **برد
كلهم تره أ شتتوا سيحان ربي ** وجل
*******
ياماي رمان خدك للمحب ** ورد اله
وغتاض من كل الورد جي ازهرت ** وردله
غصبن عليه أ بتعد عن الهوى ** وأردله
ياهيه يا صاحبي اوفي النخل ** فيه
الشوك صار أ فرسي اوليل أ كطعت ** فيه
البحر لو صادفك بجف العزم ** فيه
وان جان وكتك تعس يمكن تعس** وردله
*******
يا منهل الروح روحي لو ترد **منهلك
ما جان طول العمر شكوى انبدت** منهلك
تدري بهلاكي وتناشدني بدهر **منهلك
منهو الك غيري وغيرك ما هلكني ** احد
واهلك رموني بتهم من نار هجرك ** احد
سلمت امري وامرك وامرهم بيد واحد ** احد
منك عسى الله ياخذ حوبتي ** ومنهلك
********
[frame="8 98"]
الحياة ساقية وزهرة وبلبل والبشر إزائها عين وقلب فمن عكر الساقية وقطف الزهرة وأمات البلبل كان عبئا ثقيلا على الحياة حيث لا إذن ولا قلب ولا عين ومن استيقظ وتمتع بها وجدها جميلة مستبشرة فان شاء غديراً رقراقاً كان ذاك وان شاء سعيراً لاهباً كان هو ولكل امرئ ما نوى. ابو عمار الربيعي[/frame]
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|