يا موطني ! ليش إنتَ مِن دون الدول ؟

[أبو الحارث]

البارحة شِفت الوطن … بالطيف إجاني البارحة !
ﮔـِتله هلا و مية هلا .. يا بو الخيول السارحة !
مديت إيدية تسالمه .. شِفت الـﮓـلب ﮔـبل الـچفوف تصافحه !
شلونك ﮔـِلت يا موطني .. و ظنوني چانت سارحة !
و إنـﮔطـع وسطي من الخجل .. و عيوني ظلت شارحة !
ﮔا ل اطمئن يا ولدي .. كـَفـَّتـنا هِي َّ الراجحه !

ﮔـِتله اللي يرد يا موطني .. لحظنك الذاك تسامحه ؟
ﮔا ل اللي يرد و اللي يحن .. ذنوبه كِلهِن طايحه !
بس اللي يخون أمّـيـته .. ما يسوى نقرا علَ روحة الفاتحة !

ﮔـِتله بعد عندي حـچي يا موطني .. بغِزر الدموع المالحة !
ﮔا ل إحـچي كول شما ﮔلت .. طبع الوطن مثل الأبو .. واجب عليك تصارحه !

ﮔـِتله يُبَة يا موطني .. ليش إنت من دون الدول .. صاحت عليك الصايحة ؟
و ليش إنت من دون الدول .. أطفالك الحلوين بالدم سارحة ؟
و ليش إنت من دون الدول .. بكل بيت عندك نايحة ؟
و ليش إنت من دون الدول .. ناسك تصبح نازحة ؟
و ليش إنت من دون الدول .. جيرانة كلها تواكحه ؟
و ليش إنت من دون الدول .. يا ثور بالعالم قوي .. تركض عليه تناطحه ؟

ما تـﮔللي منهو الخَبـُّـلَك يا بو العقول الراجحة ؟

شفته ابتسم لمن حِـچى .. و جاوب إجابة واضحة !
ﮔا ل اعتقد يا ولدي .. المشكلة مو بالوطن ..

المشكلة الحجاج هوَّ الذّابحه !

يبقى الوطن هو الأصل .. و الناس هيَّ الرايحة !
كفكف دموعك يا ولدي .. أدري بغريب الدار شوﮔه الجارحة !
و أدري بغريب الدار كلما يعتلي و كلما صعد .. و شما كسب .. خسران كل مارابحه !

حتى الطيور إلها وطن .. تهاجر .. لكن لمّا يهزها الشوﮔ ترجع فارحة !
و حتى النخيل إلها وطن .. ما تـنـشتل إلا بأرضنا المالحة !

بس إحنا نبقى لشوكت يا موطني .. نحلم وطنّا نصافحة ؟
خلاف الوطن .. تبقى البشر .. مثل البهايم دايحة !


و البارحة .. شفت الوطن .. بالطيف إجاني البارحة !



----------------------------------------------------
( عباس شيشان )

[سهل]

قال الأمام علي عليه السلام
"خير البلاد ما حملك"

وقال أحمد مطر

ابي الوطن
أمي الوطن
رائدنا حب الوطن
نموت لكي يحيا الوطن
يا سيدي انفلقت حتى لم يعد
للفلق في رأسي وطن
من وطن يؤويه في هذا الوطن
اي وطن؟
الوطن المنفي
أم منفى الوطن
أم الرهين الممتهن
ام سجننا المسجون خارج الزمن
نموت كي يحيا الوطن
كيف يموت ميت
وكيف يحيا ما اندفن
نموت كي يحيا الوطن
كلا...سلمتَ للوطن
خذه واعطني به
صوتا اسمه الوطن
ثقبا بلا شمع اسميه الوطن

قطرة احساس اسميها الوطن
كسرة تفكير بلا خوف اسميها الوطن
يا سيدي خذه بلا شيئ
فقط ..خلصني من هذا الوطن

أبي الطن
أمي الوطن
انت يتيم ابشع اليتم اذن
أبي الوطن
امي الوطن
لا أمك احتوتك بالحضن
ولا ابوك حن
ابي الوطن
امي الوطن
ابوك ملعون
وملعون هذا الوطن

نموت كي يحيا الوطن
يحيا لمن
لابن زنى
يهتكه ثم يقاضيه الثمن
لمن
لاثنين وعشرين وباء مزمنا

لاثنين وعشرين لقيطا مؤمنا
يتهمون الله بالكفر واشعال الفتن
ويختمون بينه بالشمع
حتى يرعوي عن غيه
ويطلب الغفران من عند الوثن
هل هو هذا ما تسميه الوطن
تف علىهذا الوطن
والف تف مرة اخرى
على هذا الوطن

من بعدنا يبقى التراب والعفن

نحن الوطن
ان لم يكن بنا كريما آمنا
ولم يكن محترما
ولم يكن حرا
فلا عشنا...ولا عاش الوطن.