حوارية بين جسد الامام الحسين (ع) ورأسه الطاهر (عليهما السلام )
[frame="7 80"][align=center]قصيدة للشاعر الحسيني مهدي شبيب المسيباوي جزاه الله خير جزاء المحسنين
حوارية بين جسد الحسين عليه السلام ورأسه الطاهرين
المســـــــــــتهل
عفتني امگطع ومذبوح ..................... اون وسهامي دمتني
مشه وياك العزه والنوح ................... وآنه الخيل داستني
.................................................. .............................
الـــــــــــــــــنص
خذوك امن النحر مذبوح ................ وآنه مسبّح ابدمي
خذت حيلي ورحت يحسين ............. عفت اسهامك ابصدري
رحت والنوح راح وياك ............... وآنه اموسد ابهمي
امگطع والچفوف وياي ................ وانته اعله الرمح مدمي
عفتني بياذنب وتروح .... والوياك مردتني
مشه وياك العزه والنوح وآنه الخيل داستني
.................................................. ........................
رحت مني وعليك ايدير ............ دمي وغارگه ايامي
مهموم وعقيله وياك ............ تلطم سابيه ايامي
صافن عالرمح يحسين ............. وآنه امكسره اجدامي
عفتني ويه الخيم مطروح .......... والعباس جدامي
عفتني مگطع ومطروح والتربان غطتني
مشه وياك العزه والنوح وآنه الخيل داستني
.................................................. .........................
رحت وياك من شالوك ........... روحي اتعلگت بالراس
فروك ابطبل يحسين ............ تتفرج عليك الناس
صابر والعقيله وياك ............. تومي اتحشم العباس
عزاها الكفيل الطاح .......... راعي الجود والنوماس
غرگانه ابدمعهه اتنوح بالعباس عزتني
مشه وياك العزه والنوح وآنه الخيل داستني
روحي وياك من فروك .......... يبچي اعله الرمح وتنوح
شالوك ابشمس وادير ................ وآنه بلا چفن مطروح
بيش ابچي ودمعتي وياك ........... وآنه من النحر مذبوح
خذوك من الجسد يحسين ........... گلُي بيا عرف مسموح
نايم بالطشت مفجوع وآنه اجروحي دمتني
مشه وياك العزه والنوح وآنه الخيل داستني
.................................................. .........................
رجعت الكربله ومهظوم ............ زينب جابتك ليه
اگوم ابيش واتلگاك ............ وگفلك وين رجليه
انشدك وين طاح الجود ............. وين چفوف راعيه
وين اتسلبت يحسين ............. بيتك وين تاليه
غافي بلا غطه ومذبوح والعدوان سلبتني
مشه وياك العزه والنوح وآنه الخيل داستني
[move=up][align=center]خادم خدمة الحسين مهدي شبيب المسيباوي
نسألكم الدعاء[/align][/move][/align][/frame]
رد مع اقتباس
المشاركة الأصلية كتبت بواسطة علي الخطاط
[/align]
