مســـــــــــــــج عبوات : مساجله ممتعـــــــــــه

[عباس الركابي]

هم قصف هم عبوات .... هم تبچي طفلــــــه
وچماله فوگ الظيــم .... كل لحضه جفلـــــه


هم قصف هم عبوات .... كله اعله راســـــي
وچماله فوگ الظيــم .... مذبوحه ناســــــي


هم قصف هم عبوات .... هم انتحــــــــــاري
وچماله فوگ الظيــم .... يطلعلي جــــــاري


هم قصف هم عبوات .... وين انتگـــــــــبل
وچماله فوگ الظيــم .... راح انتخــــــــــبل


هم قصف هم عبوات .... يرجى الكتــــــابه
وچماله فوگ الظيــم .... كلهم عصــــــــابه


تحياتي لكم ارجو المشاركه هنا اخوانــــي
عباس الركابــــــــــــــــــــــــــــــــــــــــي
.................................................. .............

[علي السعدي المسيباوي]

احسنت اخي الر كابي على هذا الشعر الرائع

سأكتب ان شاء الله يعجبك

هم قصف هم عبوات ابچي الدمع دم
وچماله فوگ الضيم صار العمر هم

هم قصف هم عبوات وعيوني دمعت
وچماله فوگ الضيم هم روحي طلعت

هم قصف هم عبوات كتلو اهلنه
وچماله فوگ الضيم مردونه كلنه

هم قصف هم عبوات هم الشعب راح
وچماله فوگ الضيم ماضني ارتاح

هم قصف هم عبوات امريكه ذوله
وچماله فوگ الضيم شاعلي چوله

هم قصف هم عبوات هم انكتلنه
وچماله فوگ الضيم حبسونه كلنه

هم قصف هم عبوات زرعولي بمبه
وچماله فوگ الضيم وكلوني عنبه

دگ صارت امرادم


تحياتي

علي الخطاط

[jiwari]

الاخوه عباس الركابي وعلي السعدي
شكرا لكم على هذه المساجلة الرائعة


وان شاء الله تعجبكم مشاركتي

هم قصف هم عبوات ضربوني بوري
وچماله فوگ الضيم ساحگني لوري

[علي السعدي المسيباوي]

اهلا بك اخي الجواري هنا بيننا ماشاء الله هاي في البدايه وهيج
تكتب تحياتي لك


هم قصف هم عبوات ينزف جرحنه
وچماله فوگ الضيم بالغربه طحنه

هم قصف هم عبوات جرحو وطنه
وچماله فوگ الضيم حطنه وكتلنه

هم قصف هم عبوات ضربوني طلقات
وچماله فوگ الضيم دگ انفجارات

هم قصف هم عبوات حسرتنه حسره
وچماله فوگ الضيم بعظامي كسره

هم قصف هم عيوات وين الظماير
وچماله فوگ الضيم ظل عقلي طاير

هم قصف هم عبوات وين الحكومه
وچماله فوگ الضيم شگگ اهدومه

هم قصف هم عبوات هذا الوهابي
وچماله فوگ الضيم باگو ترابي

هم قصف هم عبوات كلهم عليه
وچماله فوگ الضيم كالو خطيه

هم قصف هم عبوات باليني بلوه
وچماله فوگ الضيم حطني اعلى علوه

هم قصف هم عبوات برنو رماني
وچماله فوگ الضيم حطني وعماني

هم قصف هم عبوات دم الشعب سال
وچماله فوگ الضيم خلوني عطال

هم قصف هم عبوات يم الوزاره
وچماله فوگ الضيم يوميه غاره

تحياتي

[zaynab]

الأخوه عباس الركابي وعلي الخطاط والجواري ..
عاشت ايدكم وصح لسانكم ..وصف دقيق ومحزن للوضع الحالي للعراق الحبيب .

[علي السعدي المسيباوي]

الأخوه عباس الركابي وعلي الخطاط والجواري ..
عاشت ايدكم وصح لسانكم ..وصف دقيق ومحزن للوضع الحالي للعراق الحبيب .

السلام عليكم اختنا العزيزه
شكرا لك
نرجوا المشاركة معنا
لان كلنا نفس المعاناة

هم قصف هم عبوات فوگاها نكتب
وچماله فوگ الضيم ذبوني بالحِب

[عباس الركابي]

شكرا لكم اخوتي واخواتي على مشاركاتكم الجميله وابداعتكم
.................................................. ..........................................

هم قصف هم عبوات .... هم انتعــــارك
وچماله فوگ الظيــم .... گالولي جارك


هم قصف هم عبوات .... هم ضلمه عدنه
وچماله فوگ الضيــم .... باگو بلـــــدنه


هم قصف هم عبوات .... والحر اجـــانه
وچماله فوگ الضيــم .... يكتل شتـــانه


هم قصف هم عبوات .... هم راح اسافر
وچماله فوگ الضيــم .... رادو دفـــــاتر

تحياتي لكم عباس الركابــــــــــــــــي

[علي السعدي المسيباوي]

[align=center]هم قصف هم عبوات وشوكت تصفه
وچماله فوگ الضيم ساستنه تحفه

هم قصف هم عبوات نار اعلى من نار
وچماله فوگ الضيم سوونه طشار [/align]

[align=center] [/align]