الصدر مظلوم مثل أبو اليمه / لطمية
[align=center]الصدر مظلوم ... مثل أبو اليمه
كتب بدمـــــوم ... للبشر أسمــه
ياشيعة هذا الدين * كل ما تمر أسنين * يحتاج المضحين
مثل أبو اليمه
********************************************
(1)
ألك يالواعي أبينلك بألـــــــــــم وأحزان
وقائع تشبه أرض الطف بأرض كوفان
قصــــــت منبر وجمعة ولبس أجفــــان
ومثل ماظـــــل وحيــــد حسين بالميدان
بنفس سيف الذبح نحر السبط من جان
ذبحـــــوا بي صدرنه وذبحــــوا القرآن
الطبع بالناس ... تطلب الراحــــــة
الصدر وسيوف ... وحدة بالساحة
نادة لجميع الناس * واليمتلك أحساس * وين الﮕمر عباس
مثل أبو اليمه
(2)
لون عندك عقل وإتميز الحاصــــل
أخذ حذرك وأبد لاتتبع الباطــــــــل
شوف الأكبر بطف والدة إيقاتـــــل
وأنصف لو ردت بالأكبر إتماثـــــل
مؤمل بالفداء لمنهجه أيواصــــــل
رسم بالدم صور للواعي والجاهل
مؤمل صار ... يشبه الأكبر
ألك تذكار ... قارن المنظر
وحكم ضميرك زين * هاي الشجاعة منين * من جدة أبو الحسنين
مثل أبو اليمه
(3)
يالفكــــــرك سليـــم وتتبع الفطـــرة
رصاص ومصطفى أتلﮕاهن بصدرة
وقارن مــــــوقف القاسم نذر عمـرة
يشبه مصطفى القاسم نفس صبـــرة
ونفس دم الجرة بالطف على الغبرة
جرت بالكوفة مثله أدمـــــوم للعترة
نفس هالدور ... مــــــــــوقف إتكرر
بﮕلب مسرور ... مصطفى إستبشر
فكرك سليم وشوف * منهو الصدر معروف * بالدم كتب الحروف
مثل أبو اليمه
(4)
أضن موقف حبيب وعابس إتذكــرة
وعلي الكعبي أخذ من عابس العبرة
بنفس موقف حبيب إتحزم بصبــــرة
يدافع عن حسين العايش بعصــــــرة
ونفس نار الخيم بالجمعة متوجــــرة
حرم وأيتام نشوف بساحة الثـــــورة
المخيم جان ... تلتهب نـــارة
هدم حيطان ... رجعت الغارة
وبالكوفة صار النوب * قصت كسر اللﮕلوب * وراح الصدر مصيوب
مثل أبو اليمه
(5)
بعد موقف حسين ومنبر أطفوفه
رجع منبر طفوف بمسجد الكوفه
خاطب بي ضمير العايش بخوفه
لجن ميت ضمير الوحده أيعوفه
ومثل موقف يزيد الحشد أسيوفه
خاطبهم حسين بكربله أنشوفـــه
الحسين أهناك ... واﮔف بوحده
الصدر ناداك ... ظل مثل جـــده
وبلبسه للأجفان * تشهدله أنس وجان * دم الصدر بركان
مثل أبو اليمه
(6)
رجع موقف أسير بلوعة الأصفـــــــاد
هالموقف يشيعة بهالعصر ينعـــــــــاد
نشوف المقتدى ونتذكر السجـــــــــاد
لمن سار أسير بصحبة الأحفــــــــــاد
ومثل ما بالطفوف إتسلبت الأجســـاد
أضن جمعت صدرنه السلبوهه أوغاد
مواقف شوف ... كلهه معروفـــه
وغدر بسيوف ... طغمه مكشوفه
ونفس الضحايه أهناك * نتذكر أنه أوياك * صوت الصدر ناداك
مثل أبو اليمه
(7)
يهل عفت الصدر وحدة وصرت خصمه
سعير النار يتاني الجسمك أيضمـــــه
لون ﮔلت الصدر مو أعلم بعلمــــــــه
أضن خط الحقيقة أتوظح بدمــــــــــه
صرت خاين ترة إنته لحرمت الأمــــه
مثل ما جان أبو سفيان وبظلمــــــــــه
أبو سفيان ... بيهم أتجــــدد
مثل ما جان ... يكره الأحمد
صوت الصدر مسموع * خلي القبر ممنوع * رايت فخر مرفوع
مثل أبو اليمه[/align]
رد مع اقتباس
[/align]
المشاركة الأصلية كتبت بواسطة علي الخطاط
