 |
-
 هوسات الخطة الأمنية
[align=center]شد اعلى الرهبنه اوباگ ضحك الناس
اودوك ابليس وابنه العرج بي دساس
واثبت لايهزك بالفعل وسواس
شعبك عينه اعليك ابشعبك گرة عينك
ـــــــــــــــــــ
عين الشعب ليكم ياليوث الجيش
شبحه اوضاگ بيها امن الارهاب العيش
بالخنياب گَيش لاتصيد ابگيش
اشما يتلاوح صيدك غطه اوغط اوياه
ـــــــــــــــــ
عفيه الشرطه عفيه الگاع تنخاكم
شعبكم يالنشامه يلوذ بحماكم
اگصوا اوي اليريد ايطول وياكم
اسباع اولاد الملحه اويمكم يخرس واويها[/align]
يا محوّل الحول والاحوال ، حوّل حالنا إلى أحسن الحال......
-
[align=center]
كل الشكر لك عزيزتي مناز ار
تقبلي تحياتي
[/align]
-
حياك الله عزيزتي
هاي قصيدة عن الخطة للشاعر مشير السعيدي
[align=center]شد برچاب خيلك گوم واحدي العيس
شعبك بين اديك انتخه اوياك ايگــــــوم
بغداد السلام انذبح بيها الطيف
بز عين الذبحها اوخل دمعها ادمــــــــوم
قدوه الحسن خله اوي السياسه اوياك
اوسل حسين سيف ابرگبة المتهــــــــوم
وَشِركل لسنها العل العراق اطول
اوخل ينتحر بيده البلحقد ملغــــــــــــوم
لاتلفت رگبتك لليصيح اعليك
مبخوت الزمط من يلتفت منـــــــــــدوم
مد اثنين اديك اوي الجنح والتاب
اوگص اثنين اديه العاكسك بالعـــــــــــوم
افطن للوجوه البدت يمك راي
وافرز من حچيها العسل عن الثـــــــــوم
رش عطر السلام او شمم الغافين
فزز من حِلاله اعلى الخيانه النــــــــــــوم
لاتگطم الحيه اوتلتهي اوي الذيل
راس الحيه يلدغ حتى لو مگطــــــــــــوم
هَشِم راس الافعه اتامن اوترتاح
اوسمها ابسم ضرسها الچنت بي مسمـوم
رف يعگاب جنحك خل يهفي الناس
واطرد من سماك امخنثات الحــــــــــوم
العب ياصگرها الوكت دار اوياك
نِش غربانها النعگت عليك ابشـــــــوم
ياشاهين غطهم بالضحه الوضاح
خلها اتشوف باوذان الظهيره انجـــــوم
فز الخوف بيهم وانزو الرعديد
طفحت والگلوب ابطارف الــــــزردوم
طگهم وانا اعرفك بالزماط اهديب
اصيل اعلى العراق امن الزغر مفطوم
راضع من ثدايه الگاع غيره اوباس
يالگلبك خريطه الوطن بي موشـــــوم
توضه امن الفرات اودجله لوصليت
اوصوم اعلى العراق اشما يطول الصوم
بس اومي ابيمينك واشر اعلى الموت
نركس بالمنايه ابلا چفن واهــــــــــــدوم
دمنا ايهون لوطرف الوطن ينداس
بعيون الزلم صوره الوطن مرســـــــــوم
شرطه اوجيش شدوا راية العباس
هد اوهذا يومك يبو اسراء اليـــــــــــوم[/align]
يا محوّل الحول والاحوال ، حوّل حالنا إلى أحسن الحال......
-
اسباع اولاد الملحه اويمكم يخرس واويها
[align=center]
 [/align]
-
[align=center] عاشت أيدج أختي الفاضلة
أنه أدري الطفوف بلا دماء أوهام ... ومانعرف كربله ولاطف بدون حسين
وأنه أدري الشريعة أشتاكت لعباس ... وأنه أدري الفرات أشتاك للجفين
وأشوف الحسرة بعيون العراق ... لأن أدري الوطن مشتاك للصدرين
وأذا مو ثالث صدر من نبحر السفان ... أذن خل نقره الفاتحة وأيس أمن الدين
المسيباوي
يبو صالح يمهدي المنتظر ... أنريده بحماك خط آل الصدر
منقول [/align]
-
[align=center]صدرنه المايهاب الموت .... سل سيفه وتعانهه
حطم عفلق وشارون .... وين الخيل منواها
ها .. اهلا بالشايل چفنه ماهاب امريكا
منقول ايضا [/align]
-
حيا الله الاخ خضير وعلي وعاشت ايديكم
يا محوّل الحول والاحوال ، حوّل حالنا إلى أحسن الحال......
-
[align=center]الگدرّنه اشتبه بينه وغلط بالعد
مثل مرحب وي الكرار لمن رد
دون الوطن نوگف چالرواسي وسد
ومثل العشرين انسويهه
منقول
امريكه نست احنه عراقيين
نست حرب الرميثه وثورة العشرين
الرارنجيه بعدهي اشما تمر سنين
وبالمتحف موجوده الفاله
منقول [/align]
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
[/align]
