 |
-
 مساجلة بوزن المجرشة ( هزلية وبدون اي تجريح ) للجميع
[align=center]ملاطفه للجميع
اهنا يمن چنه وچنت جينه اوگفنه ابابك
ولف الجهل ماينسي شمالك نسيت احبابك
...............................................
اهنا يمن چنه وچنت .... مريت انه عالشبچه
والگيتك خضير بعد .... كاتب عليه ابحرگه
لو ما اگولن استحي .... وكلتك انه المرگه
وخليت بطنك تنفخ .... واشتم أنه عطابك
اهنا يمن چنه وچنت جينه اوگفنه ابابك
.............................................
اهنا يمن چنه وچنت .... زينب اجتي اتشارك
حسبالي تكتبلي شعر.... ويه الحرف تتعارك
كتبتلي رد كلش حلو .... مبارك عليهه مبارك
واقتبست الاخر حرف .... گلتلي شنهو اسبابك
اهنا يمن چنه وچنت جينه اوگفنه ابابك
................................................
اهنا يمن چنه وچنت .... تكتب منازار النه
طبعتلي ديوان الشعر.... جابتلي كومه وحفنه
والشبچه ثگلت هالوكت .... رايدلي آنه صفنه
تاليتي اكتب مجرشه .... وتسد علينه ابوابك
اهنا يمن چنه وچنت .... جينه اوگفنه ابابك
.................................................. .
اهنا يمن چنه وچنت .... والخادمه من تكتب
صارتلي فطحل بالشعر .... بالقافيه من اتهب
وانه انهزمت من الصبح .... ماظن بعد خويه انطب
تيهت وزن الشعر .... وما حاسب انه احسابك
اهنا يمن چنه وچنت جينه اوگفنه ابابك
والباقين بعدين
تحياتي وسلامي
يرجى المساجلة
علي الخطاط [/align]
-
اهنا يمن چنه وچنت .... تكتب منازار النه
طبعتلي ديوان الشعر.... جابتلي كومه وحفنه
والشبچه ثگلت هالوكت .... رايدلي آنه صفنه
تالي اصبحت منهزم .... وتسد علينه ابوابك
اهنا يمن چنه وچنت .... جينه اوگفنه ابابك
عاشت ايدك والله ابداع كل يوم مشاركة احله من الثانية
يا محوّل الحول والاحوال ، حوّل حالنا إلى أحسن الحال......
-
 المشاركة الأصلية كتبت بواسطة منازار
عاشت ايدك والله ابداع كل يوم مشاركة احله من الثانية
بالخدمه اني تدللون
-
[align=center]اهنا يمن چنه وچنت .... يخضير اكعد راحه
مو چنه اطفال وگمت .... قدمت الك تفاحه
وتكفخني كفخه بالعگد .... وتركض ركض بالساحه
وانه اشتريلك بطلت ... يل تنسه انته احبابك
اهنا يمن چنه وچنت جينه اوگفنه ابابك[/align]
-
[align=center]اهنا يمن جنه وجنت ونسبح سويه بالشط
يوميه ننظر عالجرف وبعينه انشوف البط
شو صنفتني بالشعر خطاطنا يابو الخط
يمكن تريد اشرد بعد والكلب ما يلفالك
اهنا يمن جنه وجنت جينه اوكفنه ابابك
طبعا اشكرك اخي على هذا الموضوع وهذه المساجلة وان شاء الله نستمر [/align]
-
اهنا يمن چنه وچنت .... زينب اجتي اتشارك
حسبالي تكتبلي شعر.... ويه الحرف تتعارك
كتبتلي رد كلش حلو .... مبارك عليهه مبارك
واقتبست الاخر حرف .... گلتلي شنهو اسبابك
اهنا يمن چنه وچنت جينه اوگفنه ابابك
شكرا لهذا الكرم الحاتمي من الشاعر علي لتوثيقه اسمائنا في الشبكه.
لكن للاسف لااعرف لماذا يطالب بحذفه !!!
[align=center]
 [/align]
-
[align=center]اهنا يمن چنه وچنت ــــــــــــــ ليش الگلب جرحيته
حسبالي ألك أكتب بعد ـــــــــــــ شنهو الذي سويته
طالب حذف ليش أشردت ــــــــــ بأسمك عليهه ألگيته
يمكن خفت مني ورحت ــــــــ تاليهه وتسد بابك
اهنا يمن چنه وچنت جينه او گفنه أبابك
الخطاط الغالي عالسريع كتبت أعذرني
المسيباوي[/align]
-
[align=center]السلام عليكم
اولا هذا لأبو رعشة ( الهزاز )
اهنا يمن چنه وچنت .... الدليمي هذا اليرعش
شو راسه يعزف عالطبل .... وصماخه گام ايكدّش
ذبانه لطشت بالوجه .... ويكشهه بيده كِش كِش
تاليته بزباله انوضع .... وبطلقه اظن اصوابك
اهنا يمن چنه وچنت جينه او گفنه أبابك[/align]
,,,,,,,,,,,,,,,,,,,,,,,,,,,,,,,,,,,,,,,,,,,,,,
[align=center]ثانيا هذا لعيونكم
اهنا يمن چنه وچنت .... ردت امسحه الموضوعي
صار العتب كلش قوي .... من خربطت مشروعي
عدى على خير الشعر .... خليته جوّه اضلوعي
وخطيتلك اجمل شعر .... ورد ألغي انته اعتابك
اهنا يمن چنه وچنت جينه او گفنه أبابك
اهنا يمن چنه وچنت .... للرد اضافة انطيته
وانطيته الوان وحجم .... صار وحلو وضعيته
والخاطر عيونك حله .... للواحه الك وديته
وشگد حلو تقره وترد .... تفتح اليه ابوابك
اهنا يمن چنه وچنت جينه او گفنه أبابك[/align]
-
المشاركة الأصلية كتبت بواسطة خضير المسيباوي
[align=center]اهنا يمن چنه وچنت ــــــــــــــ ليش الگلب جرحيته
حسبالي ألك أكتب بعد ـــــــــــــ شنهو الذي سويته
طالب حذف ليش أشردت ــــــــــ بأسمك عليهه ألگيته
يمكن خفت مني ورحت ــــــــ تاليهه وتسد بابك
اهنا يمن چنه وچنت جينه او گفنه أبابك
الخطاط الغالي عالسريع كتبت أعذرني
المسيباوي[/align]
[align=center]جميل اخ خضير عاشت ايدك كلمات رائعة
وهذا لأخينا الركابي
اهنا يمن چنه وچنت .... يم الركابي نگعد
والدنيه تمطر بالشته .... والجوّ علينه يرعد
شو خويه بعدك ماگلت .... كل الهله بالمسعد
وأعثر واطيحن بالعگد .... ونچبح آنه ابابك
اهنا يمن چنه وچنت جينه او گفنه أبابك
تحياتنا للركابي [/align]
-
[align=center]اهنا يمن چنه وچنت .... فدوه رحت لخضير
مثل البلابل لو فتن .... شعره حلو وشگيّر
شتگول خويه لو تجي .... وتمر علينه اتسّير
دعبله وانطيتك بعد .... مرجوحه الك والعابك
اهنا يمن چنه وچنت جينه او گفنه أبابك
سلامي [/align]
-
[align=center]( كومه له نيشتماني دشت عراقي ) ؟
اهنا يمن چنه وچنت .... ريسنه هذا الكردي
صايرلي دبلوم النكت .... ويذب علينه البردي
ينطي الرواتب يالبخت .... عايفني آنه الوحدي
الامريكي دولار استلم .... لعنه اعله ابوه الجابك
اهنا يمن چنه وچنت جينه او گفنه أبابك[/align]
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
