|
-
حلم يقظه
لملمت العمر سجه وعليه تفوت
وتجي انته بقطارك تسحك الغافي
نايم جنت واحلم يوصل العيد
يجي يمشي الفرح لحبابي دافي
ما أدري الحلم ينكلب يقظة يصير
وأصير سنين سجه وللقوافي
الغلط بيه أصيغ العمر بس للدوس
وأذا راح العمر كلي شتشافي
جمعت وقسمت وطرحت ذاك الفات
وصفالي من العمر لحضة تجافي
ما اريد البقالي واخذه انته النوب
واخذ شماردت مني عوافي
جنت عطشان تشرب من نده العين
وأكَل للعين خل يشرب الصافي
واذا جوعان اكل البقه من الروح
شما تاكل احس تلتذ شفافي
ثاري انته التصير اهموم الايام
وتسحك عل ظهر ماكلت كافي
ياخنجر زمن لاح الكلب وجلاي
وكل حقدك طلع مابعد خافي
ضنيتك محبه تلوذ بيهه الناي
واجيت اركض كبلهم جدمي حافي
وغمضت ولكيتك حلم ينعاد
ولنك سهم دنيه بكلب غاغي
ولنك سهم دنيه بكلب غاغي
سعد عبد محمد(سعد الغريب) الديوانيه
3/1/2008 الخميس الحاديه عشر ليلاً
-
بارك الله فيك اخي سعد الغريب
وانشاء الله نرى منك المزيد
تقبل فائق الاحترام
-
شكر واحترام
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|