[align=center]شمالهه الوادم تصفط بالكلام
رجع بشار ابن برد اويه الرشيد
اعمه گلبه وجاس كل بطنه الحرام
يالرعيع التمدح بهذا الگصيد
عاد شيخك يرگص مشيطن تمام
وانته دولار الترس جيبك أكيد
عفيه هنياله ابحضن عرضك ينام
وروحوا دگو طبولكم برض الصعيد
رگعة البابوج ترهم للعمام
وگصوا من جلودكم والبس جديد
هيه بصمة عار سموهه الوئام
والبدون اليوم جابتلك وليد
يارعيع المانفع منك كلام
وينفع اشما ايدي دگت عالحديد
وسفة المارده حيف اعله الزلام
حيف ماتگطع لسانك والوريد
تالي خل نقره وعله الدنيه السلام
اليوم يتسلط علينه ابن العبيد
علي السعدي المسيباوي
هذه القصيدة ردا على قصيدة مشير السعيدي
[/align]
راعي اليَفنـَه
ـــــــــــــــــــ
هَسَه لازِم نِبتِدي إنصوغ إلكَلام
إوهَسَه لازِم دورَة إلتاريخ تِفتـَر من جديد
إوهَسَه لازِم ياعَرب يـِسدي إلوِئام
لأن زايد عاد سالِم يـِلوي بـِچفوفه إلحديـد
فـَرَح لازِم ثـَلِث تِشهر مانِنام
شموع نِعلِگ من دبي لآرض إلصعيــــد
مِن سِلـَم زايد يـِنـَع غِصن إلسلام
راعي يَفنـَه إومَرجـِلـَه إورايٍ سِديــــــــد
إليوم لازِم ورد نِفرِش لِلهُمام
طِلگـَت إلدنيا إلعَسيرَه إوأنجـِبَت زايد وليد
شيخ زايد مَنتـَه حاكم إنت قِديس إوإمام
مِن عُمَر راضِع صَفاتـَك بالعدل طـَبعَك عنيد
إنت مِنـَك تِهتِدي إملوك إوعِظام
مِنهو ساوه أسياد غيرك بالعبيــــــــــــــــــد
إنت شَمعَه إبعَصر مِعتِم بالظلام
إلماحِوَه أفكارك خِسَر خايـِب بَليـــــــــــــــد
إنت من تِحچي هِدي إبنطق إلكَلام
لأن حَچيَك نَبع زَمزَم بالوريــــــــــــــــــــــد
صَفگـَه صَفَگنا إلحِچَوا غيرك قِيام
مانِزِل نِگاط بَس نِسمَع رِعيـــــــــــــــــــــــد
إنصوم حُبَك سَيدي إبمَعنى إلصِيام
إوفَرض سادس حَبَك إلمسلِم يـِزيــــــــــــــــد
إنت بالمحِنَه فِريضَه وإنت بالمَلعَب حُسام
إنت وكت إلجود حاتِم وإنت حيدر بالشِديـــــد
إنت ماتِثنيك آهَك خلها آهَك لِلزِلام
إنشيل آهاتـَك بـِدالـَك نِفدي كِل آه إبوَريــــــد
إنت مَورِد للضَمايـِر مِبدِر إوكامل تـَمام
إنت بَس إنت ولينـَه إو والي غيرَك مانِريــد
كِلها صَلـَتلـَك أجانِب وإلعَمام
إوكِلها دِعيَت رَبها إلـَك عمُرٍ مَديـــــــــــــــد
ياعَظيم إلماعَرَف عُمرَه إلخِصام
إليوم ثالِث عيد لـَجلـَك كِل سِنـَه إلعيدَك نِعيد
بالشَرَف مولاي تِستاهِل وِسام
مَنتـَه بَروزتـَه إبصِفاتـَك مِنـَك إشيـِنقـَص يـِزيد
مشير السعيدي