حلم .......
[align=center]
حلم
من حالة يأس
ومن حالة الخوف
رسم كلبي علحايط ذكرياته
رسم لوحة حزن
والباقي بس موت
فرصة ما لكة يفرغص حياته
وظلت بي مساحة
شوية تكفي الاووف
كبل ما يموت مو باكو رفاته
بعد ما خلصت
ظلن بعد لوحات
واريد ارسم و اعبر عن طموحاته
ماخذني الوكت
واني ارسم دموع
ونسيت ارسمله شفه تبوس ضحكاته
نسيت ارسم حديقة
وساحة العاب
من يلعب طفلنه يناغي اهاته
نسيت ارسم وجوه
بيهة راحت بال
لان ماظل شبر خالي بمساحاته
كل قبور صار
وكله شايف موت
وين ارسم بعد فحوة امنياته
هو انباك كله
وصار بي فرهود
حتى التيل علنو بي وفاته
ترك شغله الحقيقي
وبالصور ظل محتار
وويانه على كيفه تاته تاته
ماظل بي بعد
مترسة الحيطان
هواي احزاب بس كلهن سباته
ياهو الي يجي
يحجي شعارات
وقبض ماكو شكلك من شعاراته
كلها تريد كرسي
منو بحال الناس
والكلك جذب مو ذني مالاته
الماعنده حزب
افضله خلي يموت
يظل عمره قصر ما لحك الفاته
باوعت السما
شفت النجم سهران
واكف للوطن يدعي بصلاته
وشفت انا القمر
وبيه صورت اهل البيت
تاكدت الوطن بعده بحياته
صحت الله و اكبر
فزيت من النوم
شميت الوطن بسته بلهاته
وبعد ما نام
الا و تربتي وياي
حتى وية النجم احضر صلاته
حتى وية النجم احضر صلاته
جواد الفراتي
22/3/2008 [/align]
رد مع اقتباس
