 |
-
 حكومتنه شغلها تنغص الأفراح فدوة تروح للطوبة الحكومات
كالو استرالي وما تفوزون حولنا اللعب جبهة بطــولات
عراقيين تدري الغيرة بالراس مو أهداف جابوا ( راشديــات)
ما نقلت لعب شاشة التلفاز ثق كلوبنه تحولت شاشــات
لان شفنه لعبكم موبالعيون شفنه اللعب بالدم والكريــات
الكل صاح انعم الله على اللواعيب جي بدلوا بالفرحة المعانـات
اخذ هيجي زلم صعدت بالأقدام بس النسّتك كل الجراحــات
حكومتنه شغلها تنغص الأفراح فدوة تروح للطوبة الحكومات
شعارات الكذب فازت على الناس والمنتخب فاز بلا شعـارات
لا سنــه ولا شيعة اللي يلعبون بعراقية الحجي مو بالديانات
محاصصة الطوائف تفشل بهاي لان ما دوروا كـرسي وزارات
نصرهم موسوالف ع السلاطين بالفعل جابوا نصر مو بالمقالات
يخي هوارنا ونشأت وكــرار مسحوا كل تجاعيد السيـاسات
رجالات السياسة تهجم بيوت ويوزعون المصايب عالبيـوتات
وهذوله الكامو يوزعون الافراح وبنوا كل العراق بثلث نـجمات
لواعيب هم جابوا الكــوس كوس الفرح والحب والسعادات
ورصاصات الي جانت ترعب الناس هلاهل حولوا صوت الرصاصات
بعد ما انتخبهم كل الاحـزاب وارشح المنتخب بالانتخابـات
اسمه المنتخب وبغير تصويت ويقدملي بشرف احلى العطاءات
والمفروض كل مجلس النواب ويـه المنتخب ينطونه دورات
وحدة صف يعلمونه اللواعيب وسر فـن التعاون والمهارات
حرامات الي يذبحك قائد يصير ويقود اليفرحـــونك حرامات
شاعر فجروا بيه اللواعيـب شعري وصفكت حتى المنصات
احسّـن ما كتبت ابيات الاشعار دوّر بالشعر تلكاني الابيـــات
الشاعر احمد ماضي
قلعة سكر
-
ابو شهاب الوردة تسلم على النقل قصيدة رائعة
تسلم
-
شكرا اخي العزيز
الله يسلمك
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
