1+ 9 = 10
3+7 = 10
1+10 = هم 10
ترضون بهذا التقسيم
هذا حساب الدجالين
هذا حساب البايع دينه
ومايعرف يجمع رقمين
ليش امچلب بس بالعشرة
طلعته بيا جدول وين ؟
بس جدول عدنه وما يقبل
1 في 5 اتلاثين
تدري الواحد وين اتقسم
واتطشر دمه اعله الدين
بس ويه حسين ابن الزهره
من انجمعت بي الالفين
والواحد مالك يمسودن
صهيوني ايفلش بالدين
وانت مصلخ بس اتهوس
وكاسيتك صار ابفلسين
وانته اصيح يعادل ميه
ومن طگت تركض ميتين
متخاف ابشعرك من تكتب
ساعة ويدخل عزرايين
هم اتگله اعليهم بويه
لو تنشد عالشرده منين
يا واحد من عدهم يسوه
تكتبله وتمسح يومين
اتعلم لازم من تكتب
تعرف وين اتحط الزين
لا تجمع واتكسر بكيفك
واتفضل صادك عالعين
جوعان انته وبس اتهوس
كاتل نفسك عالفلسين
يا نايم باوع لحسينك
شلك بفلوس النوطين
راح انشوفك حب الزهره
وراح انگلك هذا حسين
وحسينك عاف اچوالاته
ويالفار امدد شهرين
هذا النجمته اوعليته
شوفه ابيا نگره ويا طين
هذا اليتحارش بالساده
وهذا الفلش گبت الدين
ما يدري ابعباس ايعور
من يزهگ يضرب عالعين
تاليهه استادك من سلّم
ما يندل الكفخه منين
الشاعر مهدي الشبيب المسيباوي
كتبت هذه القصيدة ردا على خضير هادي الذي يمجد الصنم العفلقي صدام عليه اللعنة حينما كان يقول ما معناه ( انت تعادل 10 بجدول الضرب )