على رئاسة الوزراء ، صراع كبير بين عادل زوية وبيان جبر

[الحبابة]

إجتمع أعضاء الهيئة العامة للمجلس الأعلى الإسلامي مؤخرا في مقر المجلس لمناقشة من يرشح لرئاسة الوزراء في الإنتخابات المقبلة خاصة أن فرصة عادل عبد المهدي لطرحه كمرشح للرئاسة من قبل المجلس الأعلى أصبحت ضعيفة لأسباب عديدة أهمها حادثة مصرف الزوية ، وعدم وجود تأييد أمريكي له وإنحسار شعبيته ، ووجود عدم تقبل أو إعتراض على شخصه من قبل شركاء المجلس بالإئتلاف الوطني ( الجعفري والتيار الصدري والهايس ) ، الأمر الذي دفع بيان جبر لطرح نفسه كمرشح للرئاسة . رغم أن سمعة جبر تظل متأرجحة بسبب حادثة سجن الجادرية وفرق الموت ( بغض النظر عن حقيقتها )، وأخيرا هروب ولده مع مدير مكتبه والملايين من الأموال بعد فضح الصفقات والعقود في وزارة المالية.

اللي يريد مصدر الخبر ، يروح لمقر المجلس الأعلى ترى صايرة لخّة

[فدك الزهراء]

[align=center]اي والنعم, هنياله العراق اي والله ابعادل وجبر
بعد وين اتريدون اتوصلوه للعراق مو كافي نهب وقتل [/align]

[jadri]

ألاثنان لايصلحان لقياده ألعراق .وسيكون من ألأفضل للمجلس ترشيح
أحمد ألچلبي .

[صبيح الساعدي]

ليش أمس ما سمعت الخطاب ... اللي بيه كال المتحدث غفر الله ذنبه ( ليش دائما تتكلمون عن السلبيات مو أحنا هواي سوينالكم انجازات رائعة مثل اعطيناكم الحرية اللي كنتم محرومين منها وكمتوا تسبون بالشارع وما نحجي وياكم واعطيناكم الديمقراطية حتى سايق الكيه يوكف بنص الشارع ويقبط السيارة وأبو اللبلبي يسد الرصيف وما نحجي وياهم بعد شتريدون أكثر ) طبعا هذا الكلام موجه للشعب المغلوب على أمرة شعب الواق واق فنقول شكرا لك أيها المتحدث بأسم الحرية وبأسم الديمقراطي اسمح لي أن أسألك كم من الأموال جنيت وكم من مؤسسة في الخارج بنيت وكم وكم ...
ونقول ربنا أعطهم ما يتمنون لنا وأزد عليهم لباس التقوى والورع فأنه سيقربهم من النار حتما ويبعدهم عن الجنة لزما اللهم وأرحم الواقواقيين أجمعين وشكرا

[حسنين الشهيد]

والله خوش حجي رشحو أحمد الجلبي أحسن بهواية ولو اني احب بيان جبر بس مو خوش ولد عندة وعساهه أبختة

[الساجد العابد]

يابة لافلان ولاعلان


بس ابوهم المالكي

وماينطيهة

[حسنين الشهيد]

ماكو هيج حجي كلهه للمالكي لولا أحمد الجلبي الخيار الأنسب بهالمرحلة لأنو جاب الأمريكان ويستاهل الرئاسة

[الحبابة]

اي بس هسة صولاغ هو لازم الدخل ..منو يجيب البطانيات للمجلس إذا ماخلوه بدل زوية.

[babil]

عزيز صولاغ لازم ميزانية آل الحكيم وكل مشاريعهم واستثماراتهم من ايام المعارضة وللان بيده ..
يعني صولاغ وزير مالية آل الحكيم قبل اين يكون وزير مالية العراق.
والظاهر المجلس صارت قضيته مثل خلالات العبد..
كل يوم يقلبهن هذه نشفانة وهذه لا وبالنهاية .. يطلعن كلهن ناشفات..

[روح البصره]

صولاغ في برنامج الخط الساخن على العراقيه (لانستطيع التخلص من البطاله الا اذا اصبح انتاج العراق من النفط 6 مليون برميل باليوم وستكون ميزانية العراق 250 مليار دولار ) قمة العبقريه من السيد جبر صولاغي يعني يطلع نفط ونصرفه على الرواتب والاستاذ صولاغي شغلتة بس يحسب وارد العراق وصرفيات العراق والعراق واكف بمكانه اذا صار رئيس وزراء اعتقد راح نرجع الايام الحصار منا لحد ما يصير انتاج العراق 10 مليون برميل يله يبدي يصرف
الله و اكبر بيمن ابتلينه ما ادري

[نصير المهدي]

داود باشا .. وسبعاوي وعلي حسن المجيد وطه الجزراوي .. وهادي العامري وباقر صولاغ وحيدر العبادي وصباح الساعدي وبهاء الأعرجي ورضا جواد تقي وغيرهم ممن هم على شاكلتهم .. كلهم من طينة واحدة وكأن العراق لا ينجب رجالا .. المهم هو أن الخلل والعيب في النظام السياسي الذي بناه الأمريكان بعد إحتلال العراق .. وهو نظام هش وضعيف ولا يمكن أبدا أن يقود دولة .. ثم أن باقر صولاغ ليس وزيرا للمالية في حكومة فؤاد السنيورة .. الحكومة تتحمل المسؤولية متضامنة .. فخطأ المالكي يحمله صولاغ .. وجرائر صولاغ يحمل مسؤوليتها المالكي .. وقضي الأمر الذي فيه تستفيان ..

[المتيقن]

داود باشا .. وسبعاوي وعلي حسن المجيد وطه الجزراوي .. وهادي العامري وباقر صولاغ وحيدر العبادي وصباح الساعدي وبهاء الأعرجي ورضا جواد تقي وغيرهم ممن هم على شاكلتهم .. كلهم من طينة واحدة وكأن العراق لا ينجب رجالا .. المهم هو أن الخلل والعيب في النظام السياسي الذي بناه الأمريكان بعد إحتلال العراق .. وهو نظام هش وضعيف ولا يمكن أبدا أن يقود دولة .. ثم أن باقر صولاغ ليس وزيرا للمالية في حكومة فؤاد السنيورة .. الحكومة تتحمل المسؤولية متضامنة .. فخطأ المالكي يحمله صولاغ .. وجرائر صولاغ يحمل مسؤوليتها المالكي .. وقضي الأمر الذي فيه تستفيان ..

عاشت ايدك اخينا ولولا المحاصصة البغيضة لكان ماكان .ونبشركم سوف ترجع نفس الوجوه وعاش العراق الجديد

[babil]

اليس هذا هو العبقري " عبقرينو المجلس "
صولاغ الذي وضع ميزانية العراق لعام 2009 على اساس سعر برميل النفط 140 دولارا بينما نصحه الدكتور مهدي الحافظ بان لايحتسب هذا السعر على اساس انه سعر غير معقول واذا برأي الحافظ يكون سديدا وتهبط اسعار النفط الى 60 دولارا..ويتصخم وجه صولاغ المجلس..
حينها احتار عبقري المجلس كيف يغطي عورته.. فلجا الى ميزانية تكميلية لاتغطي العجز..

نصيحة لصولاغ ارجع اطبع جرايد واعمل "معارض لنفسك" وخليك على تزوير الجوازات لان كما تعلم فيها لقمة طيبة.

يارجل بعبقريتك كان خليت العراقيين يموتون جوع .. " صدق روحة الفلتة وزير مالية "..
وتذكرته يوم كان وزير داخلية مكيف وضحكته مالية بوزه .. يتحدث عن خطة الرعد وسأله المذيع وبعدها شنو قال اكيد خطة البرق للتصدي للمجرمين عباله البعثية رح يسكتون له..( بعد البرق والرعد نزلت قنابل وسيارات البعث الملغوم على راس العراقيين لان الفلتة صولاغ مصدق انه وزير..)