مجموعة من ابو ذيات عراقية را تعجبكم

[محمد المسعودي وو]

بعد ما اذكرج بحالي و اشعرج
انا بنثرج جنت نغمة و شعرج
تلاكن حظي و عيونج و شعرج
سواد و صار يومي اظلم علية

أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه

على ضيم الهوى ياروحي علمي
بيهة ارفعت من هاليوم علمـــــي
سألتها المستوى كالتلي علمــــي
سادس ومنو الينشد عليـــــــــــة

حلو يلشعرچ مفلفل فلافل
وحك عيناج عن حبچ فلافل
ولو العشرةوياج صمون وفلافل
دجاج تصير ومطبك سويه

يباري المرض هد حيلي وهدني
ولامرة ابتعد عني وهدني
ارشدني لرحمتك يارب وهدني
طريح فراش والونه خفيه

اعلن يا گلب حبك وشيعة
واتبع راي كل مخلص وشيعة
عيب حچاية السنة والشيعة
الوطن لاهل الوطن كلهم سوية

يردلهه شعر خرافي من صدك هذا


انا الشيعي الحزين ابزغر سنـــــــي
اعض ايدي ابندم ونكسر سنــــــــــي
من صار الجتل شيعي اعله سنــــــــي
ولمحتل أمنيته اصبحت هـــــيه

يا امريكا المخطط ضاع وتشتت
ويا بوش النذل همك التفريق وتشتت
ترة الشيعي سني بعدة ما تشتت
عراقيين مو بس بالهوية

ارد اجرحن ايدي والرجل والهام
واقرة قصايد عالشگَة والهم
واغني لكاظم وحاتم والهام
كلش صعب يا عين فراگَچ علية

مرة مرة
البخت وياي مايوم عدل مرة
ودنياي صارت مو حلوة مرة
مثل مريض بسل محد يمرة
ولحد ينشد عن حالتة الردية
من مواضيع أحمد العرااقي في المنتدى
0 ابو ذيات عراقية تحياتي محمد المسعودي

[babil]

مشكور اخي على هذا الجمال بما قلت

مع الاشارة الى وضع الابو ذية في المكان الخاص بالشبكة في هذا الرابط الثقافي
http://www.iraqcenter.net/vb/8/

[طرفة ابن العبد]

زنجيل ابوذية باللهجة المصرية http://www.youtube.com/watch?v=9wYHL...rom=PL&index=4

[اسماعيل عبد]

تسلم وصح لسان الشاعر على
هذي الابيات الحلوه يا بو جاسم
محمد المسعودي الورده
والله نورتنا حقيقة وبيات بيها معنى
وتخلى اليقراها ينتقل مع معاني القفل
لكل بيت من ابياتك الشعريه
اكرر لك اعجابي وتقديري واتمنا ايضا مشاركاتك تستمر بل تواكب بلا انقطاع

رحم الله والديك وهذه تحية مني
اسماعيل عبد //بغداد