يبو فاضل..دشوف الطف..ردت تشتعل بالنار

[محمد العبدالله]

[align=center][grade="8B0000 FF0000 FF7F50"]يا أبا الفضل العباس

شعر شعبي : روافد الياسري[/grade]
قمر هاشم
صبح وجهك
هذا لو شموس أنوار

حرت والله
وشوصفنك
بيك وتاهت الأفكار

شوصفك وأنت
ما موصوف
حسنك عدّه عل الأقمار

مثلك بالفلك
ما صح
ولا مثلك إجه ولا صار

يبو فاضل إلك بالروح
ألف تذكار

أريدن شوفتك يمته؟؟
ازورن حضرتك يمته؟؟
وگلك بالجره والصار

يبو فاضل
عطاشه نريد
چفك تروي الخطار

يبو فاضل
كتلنه الضيم
شيعة وهلغدت طشار

يبو فاضل
نريد نرد
يمك ننشد الأشعار

يبو فاضل
حشه تخلي
محبك هايم ومحتار

حشه تخلي
اليودك
لا وطن لا دار

حشه تخلي
غريب اليحكم الأمصار

يبو فاضل
دشوف الطف
ردت تشتعل بالنار

شوف النجف والكوفه
شوف بكربله إشصار
يبو فاضل
دگوملها
وحشم غايب الأمة

وگله يبن
حامي الجار
شوف الظلم
عدّه الحد تره ظلمه

گله گوم صفيها
طالت والله هلغمه

گوم وصيح يالثارات
وأجمع بينه الچلمه

سنين وننتظر
جيتك
تتأخر شني الحكمة ؟؟؟

شمات الغدت تضحك
علينه بغدر ملتمه

روافض هليسمونه
بكفر گامو ينعتونه
كلها علينه متحشمه

يبو فاضل شگلك
والمصاب لحلينه يهدمه

هتكو كل ستر إلنه
وما ظلت بعد حرمه

لا طفل السِلم منهم
ولا شيخ السِلم جسمه

ولا حره تصيح الآه
گصص لا غيره لا ذمة

يلومونه نحب حسين
مالامو يزيد
إلي هدر دمه

يلومونه نريد حسين
مالامو شمر
من حَرّگ خْيَمّه

يلومونه نصيح حسين
مالامو ذاك إلي
ذبح طفلَ الرضيع
وخلاهه تنوح
من القهر أمه

غمه الدنيه من خلت
خسيس اليشمخ بخشمه

وغمه الدنيه من خلت
يزيد اليشمت بحرمة

2

يبو فاضل
خلص صبري
يمته لصحنك أتعنه

واشمن ريحتك
وأبجي
واجرن يمك الونه

يبو فاضل
قسه دهري
الغربة بضيم خلتنه

حياة وبلبعد
منريد
ماإلها أبد معنه

يبو فاضل
شفنه دروب ما تنشاف
وضعنه بلوفها وتهنه

وشفنه من الظلم اشكال
تعذيب وچتل شفنه

لچن بالبال هدفنه يصيح
شعار حسين ما عفنه

هيهات ونذل هيهات
هذا الي يوحدنه

ويظل بالبال
رسم وجهك
يزهي چلبدر چنه

ويظل صوتك صوت الحگ
يهز الروح بالمحنه

ويظل صحنك
حنين الروح
ذاك البيه مرتعنه

ما عنده ذخر بالضيج
بس محبتك عدنه

يبو فاضل
نِحِنْ ونّوح
نريد لديرتك ردنه

نريد لحضرتك ردنه[/align]

[نصير المهدي]

شعر جميل .. ولكنه يقفز من العدو الجاثم على الصدر .. والذي يسفك الدماء .. كل يوم وليلة .. الى عدو وهمي .. وحي على السلاح .. من أجل الرد على العدوان الامريكي .. بذبح السنة ..

[محمد العبدالله]

عفواً أستاذ نصير المهدي...

لا أفهم من القصيدة ماذهبت إليه...

حشه تخلي
غريب اليحكم الأمصار

يبو فاضل
دشوف الطف
ردت تشتعل بالنار

شوف النجف والكوفه
شوف بكربله إشصار

ففي هذه الأبيات ما أفهمه هو إشارة إلى الأمريكان، فهم الغرباء الذين يحكمون العراق اليوم، وهم الذين أشعلوا الأوضاع في النجف وكربلاء واليوم في الكوفة...

يلومونه نحب حسين
مالامو يزيد
إلي هدر دمه

يلومونه نريد حسين
مالامو شمر
من حَرّگ خْيَمّه

كما أفهم من هذه الأبيات (وقد يكون فهمي قاصراً) أن الشاعر يشير إلى قضية طلب أمريكا للسيد مقتدى حياً أو ميتاً...

[نصير المهدي]

أحسنتم اخي الكريم .. يبدو اني قفزت الى مقطع آخر .. فشغلني عما اوردت .. لك جزيل الشكر ..

[safaa-tkd]

الرّسالة الأصليّة كتبت بواسطة محمد العبدالله


أن الشاعر يشير إلى قضية طلب أمريكا للسيد مقتدى حياً أو ميتاً...

الأخ الكريم محمد عبدالله ربما يبدو ما تفضلت به صحيحاً و لكن الذي يكتب بأسم روافد الياسري يقصد غير ذلك و كما يقال (المعنى بكلب الشاعر) و الشاعر يحمل مقتدى الصدر و أتباعه كل ما جرى على النجف و كربلاء و لا يتحدث عن الأمريكان.

لأنه و بكل بساطة ضد مقتدى الصدر و جيش المهدي و الصدرين.

و هذه أحدى قصائده التي تشير الى ذلك:

إلـى الـمـنـتـظــــر

كَوم يالمهدي
وشوف إلي جرة
بجيشك تنادهت كل عربانها

كَوم شوف
بحضرته حيدر علي
صارت سيوف وتحد باسنانها

كوم مرجعنه
بخطر يا سيدي
كَامت تهمش عليه صبيانها

كَوم دار العلم
تنخاك وتصيح
صار جاهلها غفل سفانها

حتى وادي الموت
ما منهم سلم
انسحلت الأموات من أجفانها

هذا آدم يهتف
بوادي الغري
وصوت نوح يردد بآذانها

يطلبون العدل
منك والظهور
كَوم وارفع رايتك لعنانها

كَوم مادام
الظلم حده عله
تروعت يبن الحسن نسوانها


كَوم يالعادل
واحكمنه بعدل
ورجع لشيعة علي إيمانا

تنصف المظلوم
وللظالم تذل
وتهدم عروش الكفر وأركانها

تاهت الحسبه
علينه واظلمت
منهو شاريها ومنو وزانها

شوف حيدر
حضرته بلايَ صلاة
كتلو بجمعة رجب إنسانها

كتلو بكتله
صلاة المؤمنين
وهتكو بذاك الصحن أركانها

روعوا أمي
وأخوتي والأهل
باسمك يصيحون يا عنوانها

هاي أرض العلم
مهتوكه تون
باكَوا الحضرة وصحن كوفانها

سيدي فتنه
يردون وحرب
صارت بحومة علي ميدانها

سيدي وجوه
الذي ما تنعرف
رفعت بمكر وجذب قرآنها

سيدي باسمك
يصيحون وبري
منهم أسمك يا فخر أكوانها

سيدي ولاية
علي هلتنتخي
كَوم وافتح يلولي بيبانها

السفينة التاهت
بدرب الخطر
تظل حاديها وتظل ربانها


روافد الياسري

[line]

و أعتذر عن نقلي لمثل هذه الكلمات و لكن كما يقال (ناقل الكفر ليس بكافر)

[محمد العبدالله]

شكراً لك أخ صفاء على التوضيح.. قد يكون للشاعر موقف من السيد مقتدى، ولكني لاأفهم من كلماته تبرئة الأمريكان...

أما بالنسبة لـــقولك:

لأنه و بكل بساطة ضد مقتدى الصدر و جيش المهدي و الصدرين

لا أظن أن الشاعر ضد الصدرين، ويمكنك مراجعة قصيدته على الرابط التالي:
http://www.iraker.dk/poom/17.htm


ملاحظة:
أنا لست في مقام الدفاع عن الشاعر لأنني بكل بساطة لا أعرفه والقصيدة التي نقلتٌها هي أول ما أقرأه له على الرغم من أني لا أميل إلى الشعر الشعبي، ولكن القصيدة جميلة.