ابو ذيه بالميمر

[علي السعدي المسيباوي]

الوكت غرّز بالظهر سلتنه
والدنيه ما يوم أبفرح سلتنه
انطيني جزنه من العنب سلتنه
بطلّنه خل جدر الشراكه أمفوّر


للشط أخذني من العطش وداني
والقاصي يتفرج عليّ وداني
يا دنيه بس لحظة فرح وداني
غمه البخت ما يوم زرعي خضّر



گلت آنه تانيت الفرج خلتنه
ودورنه ما بين اشكثر خلتنه
بس مالگينه اللي يسد خلتنه
جانه اليدّبچ عالسطح يتأمر


علي السعدي المسيباوي

[علي السعدي المسيباوي]

مساجلة الشاعر علي الجميلي المسيباوي


ياصاح وكتي وبالصبر ياريته
محتار ماشاف الدمع ياريته
چم ريت خلصنه العمر ياريته

يرحم بحالي مو دليلي اتفطر



مالوم واحزان الدهر هاونه
ما بين ها حسره العمر ها ونه
يادنيه ما شفنه الفرح هاونه

الناس صعدت وانه باقي اتحسر



دنياي ليام القحط عادتني
تدريني بس ميت عدل عادتني
يا حيف خوة هالوكت عادتني

ظليت خايف من خيالي اتحذر

علي الجميلي المسيباوي

[مرتضى ناصر]

[align=center]شكرا لك اخونا العزيز ..
شعر الميمر رائع .. لكن ترك للاسف [/align]

[مسكين الدارمي]

وديت ألف مر سا ل ألك يا غا لي

يا نا سي عهد ألشوك وأنت أكبا لي
أن جان زودك علسوا حل عا لي
دمع ألنوا ضر فوك زودك حدر

**
طول ألصبر من فركتك مليته
وطا ل ألجفا وبا ب العتب سديته
بسيل ألدمع جف عا ذ لي حنيته
وكلبي على لحظه أوصل يتحسر
**
لا يا حبيبي طولت با لفركه
ملهوف كلبي للوصل وألملكه
ضا ع ألعمر بهواك دمعه وشهكه
تتندم أنت يا حبيبي أو تخسر

*************
يا صا حبي بعد ألهجر ** مر بينه

ألغيرك على ادروب ألهوى **مر بينه

حلوك بعد ذا ك ألو صل **مر بينه

كا في ألتجا في وألهجر يا أ سمر

[نور على الدرب]

يا صا حبي بعد ألهجر ** مر بينه

ألغيرك على ادروب ألهوى **مر بينه

حلوك بعد ذا ك ألو صل **مر بينه

كا في ألتجا في وألهجر يا أ سمر
( حيا ألله ألشاعر أبو عمار ألربيعي ) وأليك هذا أللون من ألعتابه ::
يحادي ألزمل هونك ** لاتسربه
وتره كلبي أمانه ** لاتسربه
ولو سرك زمانك ** لاتسربه
تره سنين ألعمر كلهن سراب

[Al-Nawab]

السلام عليكم
احسنتم جميعا
بس فد سؤال بلا زحمه :يعني شنو شعر الميمر؟؟ وهل هناك فرق بين الحسجه والميمر ام انهما من صلب واحد؟ هل القافية مثلا مختلفة؟
تقبلوا تحياتي وحترامي