|
-
آ ياليل
[align=center]
آ ياليل
******[[/align]/align][align=center]
آ ياليل وشمرّت سوالف بيك *** واكثرها انحچت وي وجّت اللاله
اتراوالي تشع حسراتهم ياليل ** وذكر ماجرى اعلى افلان ومثاله
مرّت بيه ظلمه اسـنين ماتنقاس **** مايعرفها بـس العايـش الحاله
حط بيه الوكت فاله ام ثلث شاخات * ولاتچوه التسنده وينفض الفاله
مافك منّه ياخه عتّه حد وحيل ** أهو الطگّه اعلى راسه ورد توچّاله
بس عـظ اعلى شـافه ولاوگع للگاع * ويسمع بالظلام اصوات تتعاله
گالوله بطر هذا الصواب البيك ******* والراد السـلامه يلوذ بخیاله
طبعاً هذا حال الراد بـس ايعيـش ******** والماله معالم محّد ابحاله
اهو العايـش صدگ موبـس يعد ايّام ** كون الناس يوم الضيج تعناله
وتعـرفه يليل وبيّن بممشـاه ******* ولا دوّر ذراك ويحتمي بجاله
من يسـمع الهاهـو ينتفـض بالحال ****** والراده لگـاه باوّل الخيّاله
هاي اوصاف من ینگال عـنّه افلان*ويعاني اشكثر حتى ايعرف حاله
من طبع الچوالي اتصير منحر روج **** والچالي يهابه الراد يدناله
بكل فزعه يصير افلان دون افلان** شـتحطها مراجل لو عزم شـاله
چم واحد وگع وصوابه موجر بيه **** يركض ليه الماينخاه وتچّاله
وچم معروف ناذر عمره للطيبات *** ويد الماتعـرف الطيب تغـتاله
والگربه يليل اصلاً موده اتريد ***** وبلايه گرابه الود فرض حاله
وبهذا المجال اذكر بعض حالات ** طبعاً كل شخص معروف بفعاله
منهم لوتوجله العـشـره عن الليل ***** ضل ودّه يحطلك چیله چتاله
ومنهم يفرك ايده ويحترگلك شوگ **** من عمره يحطلك لو تهياله
يغرگ جفن عينه اعليك وانت ابعيد* كل لحظه التمر لازم تجي اباله
هذا الجازي حدّه شـما تحط اوصاف ** ماتگدر تقـيّمله الوفه الشـاله
والمثله يليل الكلّه ود وخلاص ***** يرسـم كل معاني الطيب لجياله
ومن هذا تحـس وادم بعدهي بخير****عـلها ماخلت من عـنده ومثاله
يعـل ماتخله منّه ولا من امثاله [/align] [/align][align=center]ابوماجد الزيادي[/align][/SIZE][/FONT][/COLOR][/align]
-
[align=center]صح السانك كلمات من الواقع
المرير وتشبيه دقيق[/align]
-
[align=center][/align]الف شكر لك اخي حسين خليل على كلماتك الطيبه
المواضيع المتشابهه
-
بواسطة العابرة في المنتدى واحة الحوار العام
مشاركات: 1
آخر مشاركة: 16-01-2007, 09:42
-
بواسطة بنت النجف في المنتدى واحة الصوتيات والافلام
مشاركات: 0
آخر مشاركة: 27-04-2005, 12:46
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|