سقوط الموصل ومقاومة اهل الموصل لداعش , للذكرى ..فيديو

[مروان]

مقاومة منقطعة النظير

[محمد الربيعى]

لا أريد أنظر للفيديو لأنني شاهدته أكثر من مرة

تريد تذكرني بسقوط الموصل ها لو كانت عار فالعار على الذي رمانا بأحظانهم
سؤال واحد أسألك ليش الخونة والمتأمرين محد حاسبهم لليوم المسببين الرئيسيين لسقوط الموصل من قائد عمليات ومحافظ وضباط محد حاسبهم لليوم والقضية سدل عليها الستار ؟؟

[ضد البعثيين]

تريد تذكرني بسقوط الموصل ها لو كانت عار فالعار على الذي رمانا بأحظانهم

عمي هو احد رماكم لو انتو ميتين على داعش من اساسكم و الفرح على وجوه الكثير من الحاضرين دليل على حبهم لداعش و بغضهم لنا و بعدين يطلبون رواتب و تقاعد

[مروان]

الجماعة يقولون الموصل سقطها المالكي وحزبه ,
زين نريد نعرف هاي البربوك بالفيديو والحضور هم من حزب المالكي ؟؟؟
افتونا مأجورين

[محمد الربيعى]

عمي هو احد رماكم لو انتو ميتين على داعش من اساسكم و الفرح على وجوه الكثير من الحاضرين دليل على حبهم لداعش و بغضهم لنا و بعدين يطلبون رواتب و تقاعد

ويطلبون رواتب تقاعد ؟؟ خما من جيبك !! حقنا ونطالب به
هذا أنت أيضا ضد البعثيين !!
حسبالي عاقل شوف خلي أكلك أولا عن نفسي :
أولا أنا طيلة الوقت كنت متواصل مع الحكومة عن طريق النت وسجنوني الدواعش والله فكني منهم وكان رقبتي راحت لأنه أتهمونني أختراق مواقهم وجابوني للبيت مكتوف ومعصوب العينين وأخذوا لابتوبات البيت وعددها 5 وموبيلات جلاكسي عدد 3 وبقيت يمهم بالأمنية 27 يوم محتجز
منو كان ينفعني بذاك الوكت المالكي لو الجيش لو أنت لو منو! لا تتبجحون بسوالفكم
وشفت بعيني ما أريد أذكر أسماء لكن واحد أسمه سالم موتوه تعذيب شنو تهمته ( تجبيس ) أي يعطي أحداثيات يضعون خط بقلم خاص عل بيت الداعشي أو سيارته وتضربه الطياره وكنا نشوف بعينه يومية الطائرات الأميركية كانت تضرب بيوت معينه لقادة الدواعش حصرا وعشرات مثل هذا سالم كان بالموصل ولولا تعاون الأهالي لما تحررت الموصل بسهولة .
أنا ما وجدوا شغلات تجبيس بحاسوبي وألا كان ما بقيت سالم .
2- هو يا هو الدا يطالب غير الموظف المستمر بالخدمة قبل داعش وبعد داعش أو أحيل تقاعد زمن داعش والمحافظة كانت ساقطة ولا معاملة أحد يسوي وقطعوا من رواتبنا شبيدنا أحنا الموظفين .
3- ما نريد نطولها السالفة : كانت نتيجة خربطة وسوء تفاهم بين اهل السنة أو بين حكومة المحافظة وحكومة المالكي وما نريد نفسر أو نجد تفسيرات ( لأنه معروفة لكن البعض يغشم نفسه ) أي بكل الأحوال قضية سياسية وصار الصار وأكلها المواطن البريء الذي لا صوج ولا ذنب وراح نتيجتها خسائر بشر وأرواح والله لا ينجيه الكان سبب بيها حتى أنت وغيرك يكوم يعير . ... طبعا من عافنا لهؤلاء هو المجرم والعار عليه مو على الموظف الرايح وجاي لدوامه ......
بعدين أخوي خما من جيبك دا تعطينا رواتب إذا من جيبك أبد لا تعطينا وهذا الكلام مردوده عليك وعلى كلمن يردده ....
والله أنا من الناس أكره أهل الموصل خاصة القحية منهم لكن أهل الموصل بشكل عام أبرياء ونظيفين ما عدهم زغل مع أحد ...... أخوان أحنا يالله يالله نريد ننساها ونريد نفتح الصدور لبعضنا البعض وما نسيء الظن ببعضنا البعض وأنريد هذا العراق يسلم ما يومية بمحنة

ما أدري البعض محلمنا مانية عل التحرير والله عيب خما حرر ولاية أجنبية
والف مرة قلناها رحم الله والديه وبارك الله بيه كل من شارك وحررنا خما نكولها مع كل صلاه ...
شوف أنت ضد البعثيين ما مرة تشاحنت وياك لكن يبين أنتم الكعدة معاكم ما تنراد مثل ما كلتها مرة : بس أريد أعرف أنا شوكت تملقت لمراجعك ؟ يعني وللأسف أكولها زحمة سني يجلس مع شيعي أو أنتم جماعة الموقع هذا بالذات , وأنا كنت متوهم كل هذا الوقت وحسبالي بيت واحد .....
وأحسن شي واحد يعوفكم نهائي أحسن وكلمتك هاي أنا بعد ما ناسيها
أي أي راح أريحك من صدق وطز على مانيتكم
ولو يطلع بيدي وعندي صلاحية لكان حذفت كل مواضيعي من أول يوم

اخ محمد، اترك المنتدى و ريحنا

نحن في حالة حرب مستمرة و انت كل يوم تشتكي من المرض و عدم استلام راتبك التقاعدي و تذكرنا بالبعث و ايامه التعيسة

يا اخي روح و خلينا نرتاح

لا نريدك و لا نريد حبك لنا و لا تملقك لبعض مراجعنا

اتركنا لجراحنا فيكفينا ما حصلناه

الله وياك

[محمد الربيعى]

أحتاج الموقع أحيانا لطرح بعض الشغلات الخاصة أو العامة كقضية التقاعد مثلا لكن بعد هيج موقع كله حزازات وظن ومحاربه ما لازم .... الله الغني
أما ذوله التكول عنهم يبين الفرح على وجوههم أنا وعائلتي ( زوجتي وأولادي ) ما منهم وآلاف من أهل الموصل ما باوعت بوجوهم
ولعنة على أبوهم لا أبو أجداد أجدادهم .لكن دا تصير بوجهي وأشوفها صعبة ( ما أقبلها ولا أتقبلها )
والسوالف كثيرة لو أريد أسولف ما تخلص
أولها العركة المغرب مع ذاك الحديدي بأول الأيام أي في حزيران 2014 لمن تجادلنا أنا وهو وبرمضان وكانت الشمس على وشك الغروب قرب موقع لفصيل عسكري تركه الجيش وأنسحب وكانت آثار العسكر لاتزال موجودة والهمرات محركه وقرطاسية وأسماء وكنى
والله وبذاك المكان قلت ( ألعن أبوهم لا أبو حظ الجابهم )
رد قال أنت على منو ؟ قلت له على ذوله أهل اللحايا
قال : أنت والرافض سوى وما كنت أعرف بيه موالي لداعش القواد وتعاركنا
شوية اتعظوا شوية قدروا لحى الشرفاء
صحيح أنا أنقد نقد قاسي مرات بس ما أخلي بقلبي شيء
نعم ما أقبلها تلك الصورة المخزية في الفيديو
ومن أشوفها أنغث غيرتي ما تقبلها مجبور أعبر عن نفسي

[محمد الربيعى]

عمي هو احد رماكم لو انتو ميتين على داعش من اساسكم و الفرح على وجوه الكثير من الحاضرين دليل على حبهم لداعش و بغضهم لنا و بعدين يطلبون رواتب و تقاعد

لعد شلون الموصل سقطت مو الجيش عافها وأنسحب عيب هم ما نكولها أنهزم أربعة فرق بيوم وثاني ماكو
أشلون صارت جاوبني ؟ أو لا تجاوبني أنا تارك هذا المنتدى ولن أرجع له لو تملكوني ذهب
يجوز واحد راح يعلق ويكول إرهاب كان موجود أو يكول الموصل كانت ساقطة قبل ذاك الوقت
الكل كانت تدري أنه وضعها كان خطر لكن ما هو واجب الأمن والجيش ؟
هل الموظف يحمل كلاشنكوف وينزل للشارع هم راح الجيش يشك بيه ويكلوله أنت داعشي أو واحد راح يكول ولدك كانوا بالخارج ما أدري وين ... شتكدر تسوي ... أي واحد يحمل سلاح من كيفه الجيش رأسا يلزمه ويكول عنه داعشي ألتزمنا بالاوامر وما غادرنا بيوتنا والكدرنا نسويه نبلغ عن بيوتهم ومكاناتهم وهذا هو
والحاصل شلي بهل الربابه يومية ومدوخ راسي أنتم ما تكفون عن هل الكلام
في أمان يابه وهذا هو

[ضد البعثيين]

لعد شلون الموصل سقطت مو الجيش عافها وأنسحب عيب هم ما نكولها أنهزم أربعة فرق بيوم وثاني ماكو

الجيش احس انه في غدر و ترك المدينة قبل ان يصبح صيد سهل مثل ما حدث في سبايكر و غيرها

[محمد الربيعى]

الجيش احس انه في غدر و ترك المدينة قبل ان يصبح صيد سهل مثل ما حدث في سبايكر و غيرها

والله يا أخوي ولا تخلينا نعيد الجروح لكن حسب ما سمعنا عن سبايكر وكما بعض الأخوة من الشيعة أيضا تحدثوا حدثت غدر والخيانة من أمرهم الكردي على ما أظن .....
أحنا هاي السالفة صار بيها غموض وتكتمت عنها الحكومة المعنى توجد خيانات والله أعلم

[مروان]

يعني وللأسف أكولها زحمة سني يجلس مع شيعي
أو أنتم جماعة الموقع هذا بالذات ,
وأنا كنت متوهم كل هذا الوقت وحسبالي بيت واحد .....
وأحسن شي واحد يعوفكم نهائي أحسن وكلمتك هاي أنا بعد ما ناسيها
أي أي راح أريحك من صدق وطز على مانيتكم
ولو يطلع بيدي وعندي صلاحية لكان حذفت كل مواضيعي من أول يوم

هذه المرة العاشرة تقريبا تقول راح اترك المنتدى,
نتحداك وامثالك اذا دخل واحد وعلق في صفحتكم ,واستعمل اسلوبك
اسلوب الشتائم البذئ الذي تستخدمه ولا تطرده من صفحتك او منتداك ,
وانت هنا مضى لك سنوات لم تترك كلمة بذيئة او شتيمة شارع لم تستعملها ,
نأنف حتى من ذكرها ولكن موجودة في الحفظ لو تريد نذكرك بها ,
لاتأخذك حرمة او ورع او خجل ,
لاتفكر وتقول هنا مؤمنات سيدات ربما يقرأن هذه العبارات الفجة والكلمات التي تخدش الحياء ,
لاتفكر ان هناك اناس مؤمنين مبتلين بمشاكل
ربما شيوخ يقرأون كلماتك ومسباتك وشتائمك ..
لا نظن انك تدرك ما تكتب وما يصدر عنك ,
وفوق ذلك مرة تطعن بالحشد والكتائب والعصائب,
ومرة تتهمني باني غير عراقي او ايراني
ومرة تنزل فتاوى كاذبة وتبني عليها مواضيع وعندما يواجهك احدنا تطفر وتقول ( ها سنة وشيعة) ,
كل موضوع تدخله تحوله الى تقاعد وضربوا تقاعدي,
وجاي قص ولصق من صفحات البعثية بالفيسبوك
ومنزل منشوارت وصور مرة استهزاء برجال الدين ,
ومرة نشر فتاوى مزورة , يعني حتى المرحوم الوائلي ما خلص من سوالفك
ومرة ومرة وكل يوم شغب واللي يرد عليك
تشبعه شتائم لاذعة وكلمات سافلة ,
ومع هذا لم تُطرد من المنتدى والادارة تقرأ مشاركاتك وتاركة لك الامر , لعلك تفيق وتسترجع,
وكل هذا السماح والحرية بالتعبير السوقي المبتذل الساقط والشتائم والمسبات
ومع هذا يقول والله الجماعة طائفيين سنة وشيعة ..

يعني شلون تريدون تتوفقون ؟؟؟؟

[محمد الربيعى]

هذه المرة العاشرة تقريبا تقول راح اترك المنتدى,
نتحداك وامثالك اذا دخل واحد وعلق في صفحتكم ,واستعمل اسلوبك
اسلوب الشتائم البذئ الذي تستخدمه ولا تطرده من صفحتك او منتداك ,
وانت هنا مضى لك سنوات لم تترك كلمة بذيئة او شتيمة شارع لم تستعملها ,
نأنف حتى من ذكرها ولكن موجودة في الحفظ لو تريد نذكرك بها ,
لاتأخذك حرمة او ورع او خجل ,
لاتفكر وتقول هنا مؤمنات سيدات ربما يقرأن هذه العبارات الفجة والكلمات التي تخدش الحياء ,
لاتفكر ان هناك اناس مؤمنين مبتلين بمشاكل
ربما شيوخ يقرأون كلماتك ومسباتك وشتائمك ..
لا نظن انك تدرك ما تكتب وما يصدر عنك ,
وفوق ذلك مرة تطعن بالحشد والكتائب والعصائب,
ومرة تتهمني باني غير عراقي او ايراني
ومرة تنزل فتاوى كاذبة وتبني عليها مواضيع وعندما يواجهك احدنا تطفر وتقول ( ها سنة وشيعة) ,
كل موضوع تدخله تحوله الى تقاعد وضربوا تقاعدي,
وجاي قص ولصق من صفحات البعثية بالفيسبوك
ومنزل منشوارت وصور مرة استهزاء برجال الدين ,
ومرة نشر فتاوى مزورة , يعني حتى المرحوم الوائلي ما خلص من سوالفك
ومرة ومرة وكل يوم شغب واللي يرد عليك
تشبعه شتائم لاذعة وكلمات سافلة ,
ومع هذا لم تُطرد من المنتدى والادارة تقرأ مشاركاتك وتاركة لك الامر , لعلك تفيق وتسترجع,
وكل هذا السماح والحرية بالتعبير السوقي المبتذل الساقط والشتائم والمسبات
ومع هذا يقول والله الجماعة طائفيين سنة وشيعة ..

يعني شلون تريدون تتوفقون ؟؟؟؟

بسببك بالذات أترك المنتدى لأنه لم أعد أتحملك على حرف أكتبه تسويها ربابه وبالقوة تسويني غلطان وأساليبك الأستفزازية لا تنقطع ولا تنتهي وكيلك الأتهامات على أهل السنة لا تنقطع وألف مرة عدت عبارة واحد صعب يتحملها ( لو ما أحنا ولو أحنا أعراضكم ونسوانكم كانت صارت سبايا لداعش ) وعلى طول تعير
شنو أنت نبي من لعنة على مصنمك
ولولا محبتي للشيعة ولآل البيت لكان أرد عليك ألف مرة اشد قسوة من الكلمات التي تذكرها
أنت هذه ما تتصور مدى تاثيرها عند المقابل !!
وعلى طول متشكك وتستفز خما أنت نبي كافي عاد
وحفاظا لعرى الأخوة والصداقة التي تربطبني بكم جميعا أو بأخوتي الشيعة ( كل الشيعة صغيرهم وكبيرهم ) قررت من كيفي أترك المنتدى
نعم هذه ما أول مرة ولا رابع مرة من وراك أقول أترك المنتدى ( كلها من وراك ) ما كو أسبوع ما تسويلي رطينه وتبرأ نفسك وتذم بصاحبك كافي بس
هذا أخر رد لي كان لك بموضوع أخر كان النقاش حوله وتقوم تحول من مكان إلى مكان حتى تطلع نفسك بكل طريقة خوش أدمي وتشتت ( ليش ما أعرف سوالفك خما غشيم عنك ... كافي بس كافي صارت مسخرة

ها هي صفحة الشيخ الوائلي في توتر وموجود النص نفسه حرفيا
https://twitter.com/ahmad_alwaeli/st...85233918119936

اريد افتهم البوستر مال رجل الدين شنو موقعه من الموضوع حتى تضعه ؟؟؟؟ كلام مروان

ج :
شنو العلاقة من يطلعون دعاية خلال مؤتمر صحفي لرئيس جمهورية أو مسلسلات عن حاجات لا تخص كأن تكون مثلا عن أغذية أو مقبلات أو بيع سيارات وما شابه ؟ روح فسر بكيفك وظن بكيفك أنت شخص من طبعه الشكوك خما ما أعرفك
بعدين شنو علاقة مسيحي بمسلم
وأفرض أفرض المقصود بها رجل دين يعني ماكو عضو معين بالبرلمان معمم حتى أروح على ذولاك الذين لا أعرفهم وكاعدين بجامع أو حسينية ولا شايفهم ولا سامع بهم كالصور التي تجلبها عن ناس لا أعرفهم ....
هذولاك شلي شغل بيهم هل هم سنوا أو قالوا لرئيس هيئة التقاعد أقطع من المتقاعدين راتب أو اعاقوا أو افتوا ....
ليش تصير خبيث دائما
ما يفيد الخباثة تسري بدمك أنا أدري تحب المناقشة والجدال وما تكف عنها وتريد تسحبني !! أشلون واحد ملعب
إن بعض الظن أثم
أخوية مروان في أمان الله
بالله بس شوية عود خلي أثر للصداقة التي كانت بيني وبينك يوما وترى أكلك كلام :الما عنده أول ما عنده تالي ويجوز يوم نتواجه وأعزمك لبيتي ترى أنا ما من الناس الكلام وبس شايف وعايف ومرارات الدنيا كلها شفتها...... بس شكلك مرات الظرف غدار ومرات ما يطعن بيك غير الصديق
أقسم يمين الله كانوا البعثيين محاربيني لما كنت بالوظيفة بسبب وقوفي مع الشيعة من 2005 وبعدها ....
بس بعد للمنتدى ما أرجع نهائي جيت بس حتى أبري الذمه وهاي هيه وسلم لي على أخوي العزيز ( تيل ) وعلى أختي الحاجة منازار وعلى سيد مشحوف وعلى كل الأخوة

[محمد الربيعى]

هذه الصورة موجود رابطها فوق ومرة أخرى أنقله وبالحرف الكلام تحت موجود بالصفحة وأنا أؤيد فضيلة الشيخ بهذا الكلام لأنه فعلا نحن نصنع الطغاة فصدام نحن شعب العراق من صنعه
https://twitter.com/ahmad_alwaeli/st...85233918119936

[محمد الربيعى]

كافي بس عاد صارت مسخرة خلي نخلينا احترام شوية لنفسنا لأنه أنا أيضا ما أقبلها
والصورة هذه التي أنا ناشرها بغير موضوع مالت المسيحي مالها صلة بأي موضوع
وحتى فرضا لو أنا أقصد التشبيه برجل دين عراقي شنو الداعي حتى أشبه هذا بذاك ( لأنه ما تصير)
أهل السنة هم عدهم رجال دين وأكلك يابه مو هيج تكول لا هيج شنو أنت نبي