عبد المهدي يقول أستقالتي بجيبي ..... علينا عبود !!
أنتم وأقصد كل السياسيين لو يخطفون نسوانكم ما تعوفون الكرسي
لو ينذبح نص الشعب العراقي ما تعوفون الكرسي
لو تتهدم جميع حرمات العراق ما تعوفون المنصب
أنتم مصاصين لدماء الشعب فكيف تتركون هذه الوظيفة
لأنه ما أن تتخلوا عنها تتوقف وظيفة المص تصير عدكم حساسية !!
فشلون استقالتك حاضرة وبجيبك عيوني !!!
4 آلاف وأكثر صار جريح نتيجة التظاهرات وأكثر من 100 قتيل ... ولا يهمك
تطلع وفوق كل هذا : تقول ( ما عدنا عصا سحرية !!! ) وهذا كل الكلته = كلشي ما تكدر تسوي
خلف الله على أبو البرلمان طلع وبيض وجه أشوية وألا ما بيكم من بيض وجه
بكلام بسيط وبحرف قليل ماذا يدل هذا ... ؟
انتم لستم أهل سلطة
أنتم وأشباهكم تحتكرون السلطة ليس إلا
أنتم لم تجيئوا لخدمة البلد بل لخدمة نفوسكم وأحزابكم
أنتم كما لو وحوش كاسرة تنقض على فريسة ( أحزاب سلطة الفساد )
الدم العراقي رخيص لديكم
عنوان الكرامه رخيص لديكم
ماذا كان مطلب الجمهور المنتفض ؟
يريد وطنا فيه قانون وفيه أحترام وفيه حقوق
يريد كرامة عيش
يرد وظيفة يريد فرصة عمل
هل يذهب ويناشد الأمريكي ويطالبه بفرصة عمل
شباب متخرج سنة بعد سنة يذبل
آلاف متخرجون وعاطلون
وربما يصل الرقم المليون وأكثر
فلمن ينظروا ......
16 سنة لم تعيدوا بناء مصانع عطلت
لا برامج عندكم في البناء والأعمار
فقط همكم الكرسي وكيف تستغلون الكرسي
وطال الأنتظار
وزهقت الناس
لم تعد تصطبر
فأنفجرت