مثلك مالكينه ومااظن نلكه

[منازار]

[align=center]مثلك مالكينه ومااظن نلكه
عراق وبيك هذه الروح متعلكه
شبكني العشك بمحبتك وهنياله اليعيش ابروح متشبكه
عراق وياوطن مثلك حمل الام وتحده المنايه ومانكر عشكه
تحزم بالامل ماطاح من الضيم مدطوله اعل جرحه وجلب بعركه
الاصيل شما تعب حيله يرد اردود وشلون الكديش بلحكه ويسبكه
اذا انكلبت الدنيا وما بقت كيعان بس انته التظل ياعراقنه وتبقه
ويظل وجهك شمس تغزل ضواهه اشعار وبنص السما بكل حين متعلكه
ويظل صوتك ضمير لكل الشعب مظلوم مابكدر عليه الطاغي ويخنكه
احبك واليحب همه وعذابه ايزيد لوطالت عليه وزادت الفركه
جرحك بالقلب ما طاب من سنين والليالي البعد عن دجله اتغمكه
يابحر الموده قلبي بيك ايفوج اتوسل ابروجك بلكت ايغركه
هنياله اليموت بارضك وربحان لان ارضك حنينه بكل وفه اتشبكه[/align]

[محب الحسين]

يابحر الموده قلبي بيك ايفوج اتوسل ابروجك بلكت ايغركه

جميل جدا....وصح لسانك

الأخت الكريمه منازار

مقطوعة جميلة في عشق الوطن ....في عشق أبو النهرين وبلد الخيرات

نسأل الله أن يمن على أهله بالأمن والأمان والرفاهية.......فلقد أدمى قلوبنا مايجري لشعبه المتميز


لك تحياتي ودمت سالمة