قال وزير الكهرباء إن أهل الناصرية والبصره لايملكون الحس الوطني وأقول له

[ميثاق الهلالي]

[align=center][frame="1 80"]


قال وزير الكهرباء إن اهل الناصرية والبصره لايملكون الحس الوطني

واقول له

وزير الكهرباء أسمحلي أنت منين ؟= من يابلد جاي تريد تلغينه؟

يبويه أحنه جبل تلغينه بيش تري؟د= كبلك دكوا وماكدروا علينه

يالترسوا صوانيك ذهب والماس= تره غير الشمع ماكو بصوانينه

كلي الوطني الباع العراق وراح؟ =وعالسبلت ورد رمان خدينه

لو أبن العراق الظل يلاوي الموت= خلص واجبه وماغمضت عينه

ولك بلوه ابتلينه بناس مدري منين =اجاك اولة امس ويريد يمحينه

ردنه وياك نعبر كبل بس ماصار = شو يم الحدود وبجن رجلينه

يعمي احنه الفشك واحنه النخل والماي= واحنه اسم الوطن وترابته وطينه

لو مو تحجي ذوله احنه العراقيين = ثوب المايعجبك لايك علينه

خط الوطنيه بدمنه ماتطفيه= ظنك كهرباء تريد تطفينه؟

أحنه الناصريه العبرينه الضيم = لهسه من السواتر ظل اثر بينه

حبايب عالشجر تكتب أسامي الشوك =واحنه عله الدروع نخط أسامينه

كتبنه الذكريات بساحة التدريب = وعلى ابواب المواضع نلغي ماضينه

بميدان الرمي احلام عدنه ازغار= لكن بالهجوم تطيح امانينه

تراب المعركه هذا الصبغ لو جوه = مو ربك تره الصابغ معانينه

على خط المنايه الواحد بميتين = وواحدنه بعد ماعبر عشرينه

خلصنه المكابر هالكد احنه نموت= واجرنه السمه لكبور اهالينه

وتعبنه المغيسل وابتله الدفان = وخطيه اهل النجف بلوه أبتلوا بينه

ومو كل موت يتسجل على التاريخ =بس موت الشرف ركزت عناوينه

واحذرك ياوزير الانطفاء انوب= تعلم للحجي وافهم قوانينه

ماتعرف تكحل00 خلها هيج العين = مرات اليكحل تنفكس عينه

مرات اليكحل تنفكس عينه


[/frame][/align]

[دجلة الخير]

ماتعرف تكحل00 خلها هيج العين = مرات اليكحل تنفكس عينه

قصيدة رائعة جدا اخي ميثاق وهذه الروعة ليست بغريبة على الشاعر الذي طالما دأبنا ونطمع في قراءة كل جديد له
احسنتم
فقط سؤال للاخ ميثاق : كيف يتجرأ وزير على قول مثل هذا الكلام على أناس هم عنوان الوطنية والتضحية وفي اي مناسبة قال هذا الكلام . ؟
بارك الله بك

[ابو ذر]

خلصنه المكابر هالكد احنه نموت= واجرنه السمه لكبور اهالينه

وتعبنه المغيسل وابتله الدفان = وخطيه اهل النجف بلوه أبتلوا بينه

ومو كل موت يتسجل على التاريخ =بس موت الشرف ركزت عناوينه


اي والله

احسنت اخي الحبيب

[ميثاق الهلالي]

[align=center]
أشكر مروركم أخوتي

وشكرا لأطرائكم وكلماتكم الجميله حبي لكما

قال ذلك الوزير عندما ألتقي بمحافظي الجنوب وقد ظهر ذلك على شاشات التلفاز[/align]

[موج البحر]

وزير الكهرباء أسمحلي أنت منين ؟= من يابلد جاي تريد تلغينه؟

يبويه أحنه جبل تلغينه بيش تري؟د= كبلك دكوا وماكدروا علينه

يالترسوا صوانيك ذهب والماس= تره غير الشمع ماكو بصوانينه

كلي الوطني الباع العراق وراح؟ =وعالسبلت ورد رمان خدينه


حاشى لمن بداخله هذا الاحساس ان يكون خال من الوطنية .
تقبل تحياتي اخي الحبيب ابن الناصرية من ابن بغداد .

[ميثاق الهلالي]

[align=center]
أنا ممنون منك حبيبي وأخي موج البحر


وتحيات الناصريه وأهلها لك

و شكراً لكم على هذا المقال [/align]

[ابو احمد]

[align=center][frame="1 80"]




يعمي احنه الفشك واحنه النخل والماي= واحنه اسم الوطن وترابته وطينه

حبايب عالشجر تكتب أسامي الشوك =واحنه عله الدروع نخط أسامينه

خلصنه المكابر هالكد احنه نموت= واجرنه السمه لكبور اهالينه

ومو كل موت يتسجل على التاريخ =بس موت الشرف ركزت عناوينه

ماتعرف تكحل00 خلها هيج العين = مرات اليكحل تنفكس عينه

مرات اليكحل تنفكس عينه


[/frame][/align]

بارك الله بيك ياميثاق على هالابيات

[ميثاق الهلالي]

بارك الله بك أخي أبو أحمد ولمرورك الذي نور صفحتي

شكرا لك

ميثاق

[سانا]

ميثاق شعرك كتير حلو بس يمكن عشان هيك بتنقطع الكهرباء عنكم كتير لانو وزير الكهرباء مو راضي عنكم فديرو بالكم عليه عشان ما تنقطع عندكم الكهرباء
و انشاء الله تبقى على هادا الرقي في الشعر يا رب باااااااي

[ميثاق الهلالي]

[align=center]
سانا أشكرك على المرور الذي نور صفحتي000

وتحياتي لك

ميثاق[/align]

[الناصري]

السلام عليكم ورحمة الله وبركاته
بارك الله بكم اخي ميثاق على هذه القصيدة الرائعة في معانيها وفي قوة اسلوبها و في الطرح الذي تبنيته مشكورا ......

[ميثاق الهلالي]

[align=center][align=center]شكرا لك اخي الناصري

وفقنا الله واياكم لخدمة الدين والعراق

ميثاق[/align][/align]