ومضه وقصيدة للامام علي (ع) للغدير الاغر
[align=center]مرات الشجاعه يخونها المفتاح = ويعصي الباب محد يفك مصراعه
بس حيدر ولايحتاج للمفتاح = لان الباب كله يشلعه من كاعه
علي صوت وسجود وسيف وكت الضيج = وعلي خبزة يتامه ودمع سالفته
والينكر علي ماعندي شي وياه = بس خل يسال أمه منين جايبته؟؟
هذا الجف الاول والبنه الاسلام = غيره شكثر عدنه جفوف هادمته
وهذا المن يهد تنحني لسيفه اركاب = ابو سيف الفقار الكلها هايبته
وهذا النذر عمره وصوته للتاريخ = تلتم السنين وتلبد بكبته
انه ادري بعلي عاشكته شمس الله = بس لتكلي ابو سفيان عاشكته
تكلي شلون باب الحصن بيده يطيح !!= وهو باب الحصن معروفه سالفته
واكلك مو علي الطيّح بجفه الباب = أهي خطفة مهرته الباب شالعته
من مسيجد لمسجد جسمه ظل يدور= ومن موت و ولاده اتخلدت قصته
لتكلي مجرد بشر مثل الناس = كل عقلك بشر والكعبه والدته؟
جاي تريد اسمه من الاذان يطيح = وعلي لو بيدك اسم الله طيحته
اسمع هم اكلك شيله كون تريد = مايحتاج حيدر تذكر اسمه انته
ولك هو الجبل يايوم جده الماي؟= اهو ماي المطر يتصابح بكصته
حرامي من الشمس معروف عدنه يخاف= جي طبع الشمس بالبوكه فاضحته
ولان حيدر شمس تخجل يضل وياك= خاف يشع ضواه ويفضح البكته
إذا نحسب زلم بعد النبي الكرار= تشهدله الحرب والمحن عارفته
وإذا نحسب زهد هو الخليفه الجان= خبز شعير يابس قوت عائلته
وعلم نهج البلاغه الماوصلّه انسان = بس قران ربك فوك مرتبته
واذا كل الحجيته وسولفه التاريخ = مااشبع غرورك والحقد عفته
بالعباس اكلك يظل حيدر سيف =غصبا فوك خشمك ردته ماردته
بالعباس اكلك يظل حيدر سيف =غصبا فوك خشمك ردته ماردته
ميثاق الهلالي[/align]
رد مع اقتباس
المشاركة الأصلية كتبت بواسطة ميثاق الهلالي
