(((امي))) قرأه وستماع
[frame="2 80"]بسم الله الرحمن الرحيم
الحمدلله والصلاة والسلام على رسول الله وعلى آله الطيبين الطاهرين
السلام عليكم ورحمة الله وبركاته
(((امي)))
لمينه الجروح هنا وشدينه الالم حسره
وصار الحجي جيب وروح ودموع الوالده كبالي تبجي وياي وتكلي الكلب شيصبره
يمى البيت وحشه بلايه وجهك هاذ
يمه البيت شيكبره
عيونك حاظرات وياي بكل ليله وصبح متسحره
يمه وبوك الشايب التعبان تطويه السنين بساع وعكب عيناك كل البيت مايسوه
يمه السفر عذبنه يمه القلب مايرضه
كالولك جنه اوربه وأمان وراحه للعصاب
يمه جروف الوطن تعبانات حزنات منتظرات صلاتك يمه بل حظره
وربعك ذوله هم وياك شدوه الرحال بليل الهم ناس مليانين بطيبه ودموع الصغار تصيح بلعبره
بكل واحد الف قصه
وبكل قصه الف شفره
يمه يمه اكلج حجايات العقل هل راس تنظره
احنه امفاركين البيت مجبورين متألمين وبفركه الاحبه النار متوجره
و موش السفر غايتنه ولا فيزه في ملاين اشتريناهة
لاكن بتهديم الكرامه الشرف مايرضه
وعزت نفس بناهة الزمن بلوعات
ويم الضالم الساعات والايام ماتسوه
يايمه صحيح اجروحي ملتهبات
وصحيح العمر يتعارك على ثلاتين كلت بلكت اشعل اشموع وأنور هل درب بظلمه
وخواني وخواتي العفتهم كاعدين هناك منتظرين اخوهم واكف وما طاح وهوى امحمل بصبره
ومسافات الكطعناهة بعيده وباعدنه الروج عن ديرت اهلنه وليالي السمر والعشار والبصره
يبن الناس اصيل وعلماني الوكت بيك بساع وطبع الزين وين اتكشفه بل حصره
لابد هل غربه تخلص وكلنا ولاد عز وطيبه وي الجاه
وعمدان المظايف صافات هناك ويلاكن الكمره
وهلنا الي بنونه بحسره وب اهات بنيان النثر كل الكاع ومتاني الحصاد يجيب كل الريع والثمره
يايمه مو سهلى اليفارك روحه والشريان ويظل هل جسد امدد ابكبره
بس الزرع خير وطيب عند الناس يظل اسمه جريده شوك كل الي يجي يقره
عزيزه الروح يبنادم وجميل الخطط الدنيى
يظل يتأمل الباجر ويخلي الروح مبتشره
وقوافي الشعر يايمه حزنانت من تاه العزيز وظاع بل صحره
مو كلمن لازم الكرطاس يكتب شعر يايمه
ولاكلمن يغني بصوت يطرب الحزنان ويسره
هجرتنه البديناهة بحسره وب اهاة انتهت يمه
راجعين لديار الوطن لو رجعه عزيزه
بلا ندم لجرف الوطن بم الاهل والربعه
لل استماع الى القصيده بصوت الشاعر [/frame]مناف الحسيني
http://s56.yousendit.com/d.aspx?id=0...Y1965GKBJAYCK3[media]http://s56.yousendit.com/d.aspx?id=0P49IZKILF1AY1965GKBJAYCK3[/media]
[ramv]http://d56.yousendit.com/D/0P49IZKILF1AY1965GKBJAYCK3/renamed_.wav[/ramv] السلام عليكم ورحمة الله وبركاته
رد مع اقتباس
