قصيده لطميه شعوري نحو الحسين

[الحركاني]

[شعوري عندما ازور الحسين
لمن ازورن قبرك..................وحين الاشمن عطرك
ادموعي تجري..يحسين..ادموعي تجري
يبن البتول اصورك................مخظوب بالدم نحرك
ادموعي تجري.. يحسين. ادموعي تجري
انتحب يمك .......اي وحق امك
**********
من اطب المرقدك ياجنة احزاني
تشب ابظامري ماتطفه نيراني
اشم عطر الضريح ايغير الواني
وتهيج الام قلبي اتناغي شرياني
وبشفافي من اقبل حظرتك اني
احس طعم الشهد ذايب عله الساني

تجري الدموع ابخدي...........و.تلهب النار ابجبدي
ابد مي تسري ..يحسين ..ايدمي تسري
ابحظرتك افقد رشدي........تكويني جمرة ودي
وبدمي تسري ..يحسن..ابدمي تسري
حين الاشمك ...........اي وحق امك
********ٍٍٍٍٍٍٍٍٍٍ
نسيم الحظره من ايداعب اجروحي
مثل غافي ويفز من نومته روحي
صور بعيوني تتجسم الي توحي
جسد ينزف اهيم ابونتي ونوحي
تصب دمعات عيني مو دمع موحي
وكل المهجتي عن الجسد روحي

طوفي ابضريح الضامي.......جن الشلل بعضامي
لن نفذ صبري ..يحسين ..لن نفذ صبري
بعيوني اشوفك دامي........تشتد عليه الامي
لن نفذصبري..يحسين..لن نفذ صبري
انظر الدمك .......اي وحق امك
*************
بضريحك روحي لمن يعتريه الهم
اشم عطرك انوح وجرحي يتبسم
صور من الطفوف ابفكري تتجسم
واشوف ابعيني منك يجري نهر الدم
ٍدليلي بالحشا ينصب الك ماتم
ويساورني شعورك ونته تتالم

جروحك احس ابجسمي.........وروحي تذوب ابهمي
وعبرتي ابصدري ..يحسين..عبرتي ابصدري
افقد ابقربك عزمي........لني اشوفك يمي
وعبرتي ابصدري ..يحسين ..عبرتي.ابصدري
بعيوني رسمك..........اي وحق امك
***********
اطوف ابحضرتك لون الشمس لوني
وجبل من القهر شايل عله امتوني
اناجيك ودمعتي اتودع اجفوني
وعله اجروحي تخط اقدامي بظنوني
اجس الناس جنهم مايشوفوني
وجن كل الحجب مكشوفه لعيوني

اعيوني ابدمعهه اتنظرك...............توسد رضيعك صدرك
يابعد عمري ..يحسين ..يابعد عمري
الاكبر اشوفه ابكترك.........حير دليلي صبرك
يابعد عمري ..يحسين ..يابعد عمري
عذبني همك...............اي وحق امك
********
حين اللي اهم بوداعك اتحير
وظل ابحايرك وحزاني تتفجر
مثل نسمة هوه روحي القبر تفتر
وتصب ادموع عيني وحالي يتغير
يهزني الشوق الك يمك يبو الاكبر
اشلون ابعد عليك ومنك اتعذر

لحظة وداعك كلفه ...........ونارك تشب ماتطفه
في قلبي تدري ..يحسين ..في قلبي تدري
دمع الحزن ما نشفه ..........جمره اعله خدي يغفه
في قلبي تدري ..يحسين ..في قلبي تدري
واصرخ اباسمك .........اي وحق امك
...........
*******

[منازار]

لمن ازورن قبرك..................وحين الاشمن عطرك
ادموعي تجري..يحسين..ادموعي تجري
يبن البتول اصورك................مخظوب بالدم نحرك
ادموعي تجري.. يحسين. ادموعي تجري
انتحب يمك .......اي وحق امك

[align=justify]كم نحن مشتاقون لزيارتك يا ابا عبدالله أخي الحركاني مأجورين هيجت فينا الاحزان [/align]

[الحركاني]

شكرا ولكم الاجر والثواب

[ام عباس]

ماجور اخي الحركاني وبارك الله فيك

[الحركاني]

عظم الله اجوركم

وشكرا للمرور مولاتي
ولكم الاجر والثواب

[جعفر الموسوي]

السلام عليكم ورحمة الله وبركاته انا جعفر الموسوي عمري اربعة عشر سنة احب ان اصبح شاعر كبير و رادواد فاريد المساعدة انا اخذ قصيدة واقراها في الحسينية في السويد مع علم انا حاليا ساكن في السويد فا اريد ان اعرف القصيدة لي شاعر لما اقرا القصيدة يطلبون مني الشاعر فا الان اريد اسم الشاعر بسرعة ارجوكم واريد الجواب على اميلي و هو jaafer95@yahoo.com_jaafer45@hotmail.com مع تحيات جعفر الموسوي مع السلامة ولكم الاجر والثواب واحسنتم على هذه القصيدة الرائعة

[الحركاني]

[align=center]السلام عليكم
عظم الله لك الاجر
انا شاعر القصيده واسمي حيدر الحركاني
وماجور[/align]

[ميثاق الهلالي]

حي الله ابو كرار

جميل ما خط يراعك

احزان وجراح بمثابة قناديل

امنياتي

ميثاق

[الحركاني]

حروفك قناديل انارت صفحتي
مولاي ميثاق
تحياتي

[maryam]

عاشت يداك الجميلتين
اختك مريم

[ابو علي]

وفقكم الله لمافيه كل الخير
اخي وعزيزي
ابوكرار

تقبل فائق الاحترام من اخوك ابو علي

[الحركاني]

عاشت يداك الجميلتين
اختك مريم

اخيتي
مرورك اسعدني
ومرورك الاجمل
شكرا
تحياتي

[الحركاني]

عاشت يداك الجميلتين
اختك مريم

اخيتي
مرورك اسعدني
ومرورك الاجمل
شكرا
تحياتي

[الحركاني]

وفقكم الله لمافيه كل الخير
اخي وعزيزي
ابوكرار

تقبل فائق الاحترام من اخوك ابو علي

مولاي ابو علي
ادعي من الله التوفيق للجميع
تحياتي

[خادمة الزهراء]

[align=center]لك جزيل الشكر على كتابة هذه القصيده أخي الحركاني

فعلاً هو هذا الشعور الحقيقي والأحساس الذي ينتاب كل من يحب الحسين (ع)

اللهم صل على محمد وال محمد الطيبين الطاهرين

تقبل تحياتي أخي الحركاني

أختك خادمة الزهراء[/align]