مساجله بالدارمي على الموبايل بين { عبدر الرحمن الجبوري و ميثاق الهلالي}
عبد الرحمن الجبوري
ليش الهجر يهواي يالبيه منحوت؟
ثق يفرح النقال بس رقمك يفوت
===
ميثاق الهلالي
ثق يرجف النقال بس يسمع الصوت
صايرلي عزرائيل بس تحکم نموت
===
عبد الرحمن الجبوري
لو هيست رجليك تعبت فرد يوم
ثق السبب عالبال رايح تظل دوم
===
ميثاق الهلالي
سهله عله بالك كون نتعده وتحن
صرت العگل والله بس تبعد انجن
===
عبد الرحمن الجبوري
وي روحي گلت انساك يمته الخبر جاك؟
ما أدري حتى الروح جاسوسه وياك
===
ميثاق الهلالي
زين انت بس الروح جاسوسه اليه
انه الحواس وياك شدن عليه
===
عبد الرحمن الجبوري
يمته البعد ننسا وننسه المواعيد
يمته انت يمته تعود ويعيد العيد
===
ميثاق الهلالي
تدري انه گبل العيد عاشورك وياي
حاسمهه لو مو عيد ماتضحك اشفاي
===
عبد الرحمن الجبوري
تدري انه صار سنين مچتف شفاي
خافن افكهه تصيح الحگني بهواي
===
ميثاق الهلالي
روحك جمر وشفاك تطفيه جمرهه
التفگه من تغتاض يصرخ زمرهه
===
عبد الرحمن الجبوري
چان الورد عالناس بالفرحه منثور
شاف الوطن مذبوح ظل يرجع بذور
===
ميثاق الهلالي
چانت الورده تبوس حتى المنايه
هسه الورد لوطاح ينزل شظايه
===
عبد الرحمن الجبوري
غشمه احنه ومتانين خنشوف الافراح
ماندري نبچي عيون مو بس دمع طاح
===
ميثاق الهلالي
مو مهم نبچي عيون للحزن تذكار
بس المصيبه تموت من تبجي الاعمار
===
عبد الرحمن الجبوري
صح العمر ياصاح وكت البچي يموت
بس گلي تلگه منين من طوله تابوت؟
===
ميثاق الهلالي
مو مشكله التابوت گلبك يحظنه
بس المصيبه گبور مامش برضنه
===
عبد الرحمن الجبوري
الماتدفنه الگاع تدفنه السنين
ياما انست شبان وي غمضة العين
===
ميثاق الهلالي
متگلي اچم دوب تدفن هالسنين
واحنه بعددهه نطيح يوميه ميتين
===
عبد الرحمن الجبوري
هذا الشعب معروف من خان امامه
مايلگه راحت بال حد القيامه
===
ميثاق الهلالي
للينكر اهل البيت اول علامه
بالدنيه حظه يطيح گبل القيامه
[glint][glow=000000][align=center]هنا على باب المحطة ليس سواي
القطار هاجر وهاجرت معه أوراق حياتي
ليس سواي في المحطة والحارس الكئيب
اغلقت الابواب
و
وطردني الحارس[/align][/glow][/glint]
رد مع اقتباس
