ناعور الليالي
كلمن ينجرح أيام ويداوي الزمن جرحه
بس كتاب كل لحظه الزمان يقرر يذبحه
هوه كتاب جان كتاب لكن تشكر الأيام ما خلتله كل صفحه
فارس جان لكن طاح وبصدره أنكسر رمحه
راد يطير لكن بيش طار الريش من جنحه
كل الي بنيته نهار00لا ضل بيت لا أم بيت لا أولاد لا ضل حيل لا صحه
لا جلمة حبيبي كتاب00لا غناوه لاموال لاردحه
خلص كل حياته بكيض ما مر الربيع عليه
بس اللاهب يلفحه000أخ وأخ وشجم أخ
هم البيه شيشرحه
ميت أني صار سنين بس عيوني مفتحه
أرد أفرح ولو بالطيف ياربي شكثر مشتاق للفرحه
شييرد الفرح لوراح وانه بلاعمر ضليت ليل ومجفي عن صبحه
وهاي الدنيا لعبة زار حظ تريد واني الحظ أجيبه منين أذا بالطيف ما لمحه
هاي الدنيا ذيب تريد ينسى الزاد والملحه
وأنه أكره طبع كل ذيب وأعشك كل نفس سمحه
خل تكثر بواجي الروح كلمن نايم بهل الكون من وناته خل يصحه
وهنه البقن كم يوم والأيام شو هالتركض مطفحه
وناعور الليالي يدوروالايام للعمر سبحه
أي يكتاب موت وسرك أخذه وياك
طبع الدنيا للمثلك أذا مامات تهتك سره وتفضحه
أي يخوان خلو كتاب لتلوموه لتنصحوه هوالمات شينصحه
خل كتاب خل يرتاح خطار وبعد كم يوم يمشي محزم بجرحه
000000000000000000000000000000000000000
رد مع اقتباس
