ابوذية

[دجلة الخير]

الشاعر عبيد سعيد حسين الظالمي


اريد الطم واسوي اللطم بلوان عليه ويصب دمع العين بلوان
انه اللي عليه اطبكن بلوان شيبي والهوى محرب عليه



ريت الموت الي ابها لحال يدنه نموت او لا نمد للغير يدنه
لاسيد وكول ابجاه يدنه شكل للناس لو مديت اديه


فرد عليه الشاعر عريان السيد خلف قائلا
الوكت زل وعلى الطيبين يداك وشمنهه لو تمد للناس يداك
لاسيد وتكله اهناك يداك ويلومك ليش مو نفسك ابيه




يروحي بسج من اللوم عني وطارش لليودج دوم عني
اشلون انشد على المانشد عني اونن عاليون دايم عليه




من مثلي ابجثير اهموم عالاي اومن مثلي انهزم والطرد عالاي
ركبت الجمل عود احتسب عالاي الجلب عضني ونيابه اثرن بيه



لكط ما فادبيه الغسل وشار حسافه ماتبعت العذل وشار
ابيوم اطلك يمينه او ضحك وشار هيام البيت واجب صاراليه



على طك الزمان ارداف ولحاك اشلون اتبع وره اليمشون ولحاك
زمان الضاع بيه الصدك ولحاك مصادف راح بيه الشوف اليه






اشوحشك ياكلام النذل مرداك وبحري ما يكيشه طرف مرداك
حلاتك ضيف من تنضاف مرداك وتعد نفسك من ارجال البهيه









--------------------------------------------------

[دجلة الخير]

الشاعر جاسم محمد السميحي



دهـري إمحـورِب عَلــَي مايوم كًًلبي يسر

خلـٌـصت عمري إبضنـَك ما شفت ساعة يسـر

ويمناي مِنشــل عكًًب ما كان طالج يســـر

وآنه أرتجي للفرح لكن فرح مايـــــه

وسيِلي بلغ للزبى وزاد وصعد مايــــه

ناديــت وين إخوتي وإخوان إلي مايــه

لكن حســافه وأسف بالزيــنه مَـحـٌد يسـر




الشاعر راضي كاظم الغزي


ياصاح ضيم الوكت من لاحكم لاحنه
بس ظل ظهرنه عدل لاقوٌس ولا حنــه
لو نبته وحده تظل مزهر يظل لاحنـه
دنياك ياصاحبي لعبة ورق والزار
ماتلحم فتوكها لا با لخياطه والزار
شدينه كل الحزم وموزرين اوزار
كل هذا وإلكم كًًلب لا رفرف ولاحنـــه




الشاعر سـامي عبد المنعم


يـاما نِـشَـفْ نَهركم ومن الدمِع ملـٌيت
وكل الكِتَـبتـَه أنه!! إنته إالعـَلـَي مَلـٌيت

مهمــموم مسكًــومْ كل عمرك تِظل مليت
الكًلب خــزٌن قـهر من ظِيـمكمْ وَدٌه
و إشــكَد مراسـيل للمايكتـرث وَدٌه
العدو يركًــص فرح وبفراكًنــه وِدٌه
حتـٌى الصبر مَـلٌـنـي وآنه ولا مَلـٌيت

[thirkam]

يا صاحبي الناس بافعال الوكت ياهله
الّلي ملك مال اصبح عندهم ياه اله
والما ملكله فلس كلي بعد يا هو اله
خل يسهر الليل ويناغي النجم ونجاي
ويكول وين انهزم من هالخلك وانجاي
لو كبل ليهم فكر الكل تصح وين جاي
ولو كبل ليهم غني الكل تصح يا هله

[ام عباس]

تسلمين اختي دجلة الخير على هذا النقل الجميل
تحياتي لك

[علاء الشمري]

مابيه الدهر وياي مدري شبيه مابيه
شممد ايدي على هذا الجيب مابيه
مصرف والدهر محرب عليه