يا طير .....سلمـــنه على اهالينــــه((ابرونه الذمـــه))

[AL7USSINE]

[align=center]اللهم صل على محمد وال محمد

السلام عليكم

ابرونه الذمه اخواني اخواتي انه على سفر الى اهلي
وألى زيارة اهل البيت(ع) السيده زينب ولامام الرضا وكربلاء والنجف وسامراء ولكوفه
وكل بقعه طاهره
وما انساكم من الدعاء وأنتم كذالك..........في امان الله يوم الغد راحل وليروح في امره
ما يرجع في امره
×××

الى اهلنه ولوطن وكل من فقد غالي
من اجل وطن وفقد اعز انسان ابياتي

&&&&
&&
*
يا طير من اطير عندي اوصيه سلمنه على اهالينـه
***

ومن توصل يطير هناك فوك الراس بوس امي الحنينـه
***

وسكن جناحك عليهة ومسح ادموع الحزينــه
***

وكلهة من ابنچ سلام ايودي ابدمعته ونينــه
***

ولاتنسه تكلهة ادموعه ليليه تصبح تغسل اسنينـه
***

من يذكر صباح الخير من حلكَچ يطرينـــه
***

احس العافيه ابصوتـــچ تعافينــــــــــــه
***

ولا چلمت اجانب صــارت اتعوچ محاچينــه
***

ما تلوكَ اشلون يايمــه خشن صوتي ولا لينـه
***

وخبرهة طحت طيحــات وتوچه على اسامينـه
***

شو خنچر احسه اسمــج غمك بينه ويبچينـه
***

وسلمني اعله ابــوي وكَلــه جازينــــــه
***

صرت بعيد بس اشتــاكَ لدلالــه ودواوينــه
***

ومن ترجع يطـير اهـــنا اتحاچينــــــــه
***

جيب اخبار مــن عدهـــم تسلينــــه
***

موش اتكـول كبـــــرو لا لا تأذينـــــه
***

اريد ارجع وحس بيهم وطن طابوكَ يبنينـه
***

وذا كَتلي الوطن مبيوكَ چا ابوي الوطن عينـه
***

ولكَلب بمي كلنبضه تصيح اعراق غالينــــه
***

يا طير ابوي اليوم لا دجــله وفرات التنزل ابعينـه!
***

او ماتسمع نشيد امــي الكَلب ينبض يغالينـه!
***

يعني ابوي اعمــه يطيــر وصــار ناسينــه
***

چا ومي يطير اشلون جاوبني الكَلب وينـه
***

مامش كَلب يلتنشد ومك ما شفتهة اهناك بس ونه تحاچينـه
***

كَالو ماتت من ازمان من صار الوطن يخبط دمه ابطينـــــــــــــــه
***

وسود بيتكم ثوب الملبسينـــــــــــه
***

وسود بيتكم ثوب الملبسينـــــــــــه


&&&&


الحسيني[/align]

[منازار]

[align=center]يا طير من اطير عندي اوصيه سلمنه على اهالينـه [/align]

اخي الحسيني هنيالك والله ،،،، تروح وترجع بالسلامة ان شاء الله،،، لا تنسانا من الدعاء في كل بقعة طاهرة من ارض العراق الطاهرة،،،

وسلامنا لاهلكم


تحياتي لكم

[خادمة الزهراء]

[align=center]محروس ياسم الله تروح وترجع بالسلامة يارب
لا تنسانا من الدعاء
ومقبوله اعمالكم وزيارتكم أن شاء الله
أخي الحسيني
تقبل من أختك خالص الدعاء والتحية[/align]
[align=center] [/align]

[فائق]

اخي الحسيني تروح و ترجع بالسلامة انشاء الله و لا تنسانا من الدعاء في ارض العراق الشريفة و ارجو منك ان تدعو لي ان اذهب الى هناك و الله الشوك راح يموتنة و سلامي الى الاهل و الاصدقاء
تروح و ترجع بالسلامة انشاء الله

[bariqa]

اهلا بك مابين الفرات ودجلة والعيون وعلي وزينب والرضا والحسين حبيب كل الطيبون

[AL7USSINE]

اخواني اخواتي
السلام عليكم
الف شكر لكم على هذا الكلام وأدعو من الله ان يمن عليكم بلخير ولامان
تبارك الرحمن اخواني اخواتي شكرا مره اخره

[نجمة الاحزان]

اخي العزيز الحسيني تروح وترجع بالسلامة وتشوف الاخير وهمه بالف خير والله قطعت قلبي بهذة الكلمات الشجية صحيح والله ماكو بيت بالعراق مالبس السواد وماكو واحد بالعراق مافقد اعز احبابه وناسه فانا لله وانا اليه راجعين ولاحول ولا قوة الا بالله
مع جزيل الشكر والتقدير
زمان
الحسيني

[belady]

الله معاك اذا كنت راجع واهلا بيك اذا انت باقي

قال الامام علي عليه السلام) اعجز الناس من عجز عن اكتساب الاخوان , واعجز منه من ضيع من ظفر به منهم

الله وياك