الخامنائي يبكي على شهداء عراقيين سقطوا بصواريخ حرس الثورة في احد المدن العراقية

[احمد14]

نعتب على غير العراقيين فمن هو الذي يتفق على ادخال الاسلحة ومواد التخريب ومن هو الذي يخبئ ومن هو .

السلام عليكم ورحمة الله وبركاته :
احسنت اخي ...
يقولون ان الجمل اذا وقع تكثر سكاكينه ..
الجمل هنا مثل فقط واقصد فيه الشعب العراقي المسكين .
لايران الحق ان تحرق نصف العراق , ولدول الجوار الحجرية ايضا الحق ان تحرق نصف العراق , ولكن ليس من حق اي عراقي ان يحرق عودا من بناء العراق .
ايران دولة لها سياستها الخاصة بها , لماذا نشتمها ونملأ قلوبنا حقدا عليها , وفينا السبب , دول الحجار ايضا لها سياساتها الخاصة , لماذا نشتم تلك الدول ونملأ صفحة من التاريخ كلها احقادا لا فائدة منها , وفينا السبب .
هل امسينا كشعب عراقي يجيد صنعة السب والشتم ولا يجيد لغة الاعمار لبلده , هل امسينا " يقال عنا " كشعب يجيد صنعة قال هذا وقال ذلك , ولا يهتم بدخول الفساد الى وطنه وانتهاء ببيته .
لتفعل ايران ما تريد ,,, وما الضير في ذلك !!!
لتفعل دول الحجار ما تريد ... وما الضير في ذلك !!!
لكن لنتعلم من هذه المواقف دروسا , ثم نختار الطريق الامثل في وصولنا الى بر الامان , وان كانت العاصفة اقوى من شراع السفينه .
علينا مراجعة انفسنا جيدنا والاعتراف لها , ان لنا وطننا خاصا بنا , هو ملك لنا وليس ملك لايران او دول الحجار .
علينا ان نترك حديث العلماء وووو . ونتصور انفسنا اننا من شعوب القارة الهنديه أو امريكا أو القارة الاوربية , وليكون كل واحد منهم لنا مثلا , نأخذ منهم الهمم .
كأن حالنا اليوم ننتظر من احد ان يضع " المميه " في افواهنا , لاننا ما زلنا صغارا في العمر .
لا ,,, السبب فينا .. وليس في ايران أو دول الحجار وغيرها , بل اتجاوز الحدود لقول غير مرغوب فيه , ان تلك الشعوب افضل منا , فقد خلقت تلك الشعوب للاعمار والبناء وكان نصيبنا ان نكون من اجل التخريب والنفاق .
هذه محصلة سنوات ما بعد سقوط الصنم , فقد كان الصنم مخرجا لفيلم سينمائي كبير , غطى فيه الكثير عن العيوب , لكنها كشفت للعالم وامست العيوب لا تسرها غيوم السماوات والارض .

[The Truth]

حلوه مال الله ايساعد الايرانيين الي مجاورينه يا اخ الحقيقه، بس اسألك سؤال:
هل لإيران يد في زعزة الاستقرار في العراق ام لا؟
جواب نعم او لا ما اريد تفسير وتعطيني نسب واحصائيات.
شكر
شخصياً ما أتصور ايران اله دخل بزعزعة الوضع بالعراق لأن احنه العراقيين مكفين و موفين و اذا نحتاج مساعده فالسعوديه و الأردن جاهزين يدزونه الانتحاريين بلمح البصر بعد شتريد ايران متحتاج اتورط نفسه ويانه بعدين هو احنه شوكت اتحدنه علمود نتزعزع شو من يوم يومنه متفككين و مطشرين اني اكول خلينه انفكر ليش كل هذا الديصير بينه احسلنه من هل السوالف

[salam]

شكرا اخي الحقيقه بس انا اعزيك في حسك السياسي لأنه اذا كل هذا الي يصير في العراق من دول الجوار ومن ضمنهم ايران واسألك عن ان كان لايران دور تخريبي بالعراق وتقول لا. خلي اعطيك مثال بسيط عن دور ايران في تخريب وزعزعة الامن في العراق، احتمال سمعت بأنصار الاسلام الكردية التي تنشط في المناطق الحدودية العراقية الايرانية قرب حلبجه ومنطقة بيارة حيث يتخدون م داخل الاراضي الايرانية معسكرات الهم طبعا ما سمعنا يوم الايرانيين قاموا بتحرك ضد هذه المجموعة لأنه ولو اختلفوا في الفكر لكن يؤدون واجب مهم وهو زعزعة الاستقرار في تلك المناطق ويعتبر أنصارالاسلام ورقة ضغط على الاحزاب الكردية في تلك المناطق.
أما بالنسبة للمناطق الجنوبية من العراق فحركة الاطلاعات الايرانية والحرس الثوري اصبح شيء مقزز.
لكن في كثير من الاحيان الانسان يحتاج الى بصيرة لرؤية الشيء اكثر من البصر.
والسلام

[The Truth]

شكراً على تعازيك أخي الكريم بس هاي قناعاتي الخاصه بصراحه ما تربيت على الحقد على الايرانيين أو مله ثانيه فأحكم على الأمور من باب الحياد آني شايف انو أحنه العراقيين كاعد اندمر بلدنه و مو حاسين على نفسنه الناس بالعراق تربت على افكار البعث الي كله عنصريه طبعاً بدون ما تحس يعني منعرف الحق من الباطل اي تهمه نسمعه على ايران نصدكه و نبني عليه أثر بينما مفد يوم شفنه واحد ايراني فجر نفسه شو المساكين ييجون للعراق بس لزياره و نشوفهم يدكون و يلطمون على الأئمه بل بالعكس ناس ييجون من بلدان عربيه و يسوون المصايب و حكومتنه تتغاظى عنهم لا ويطمطمون القضيه هذا تناقض و نفاق بعدين لا صدك عدهم أدله ليش ميعرضوه على الشعب و على الحكومه الأيرانيه من شنو خايفين كل الاعلام وياهم راح ايطبللهم بس الي شايفه انو هاي التهمه ضاميه ليوم الحاجه يعني يعرفون شنو ليحرك مشاعر العراقيين و يستغلوه وقت الحاجه ثاني شي شنو ذنب العراقيين الي هاجرو الايران غصباً عنهم عاشو الغربه و المحنه و تحملَو الضيم و الصنيم و تالي من رجعَو ورا السقوط صارَو مخابرات ايرانيه و صار تفرقه بينهم و بين باقي العراقيين بس أريد اعرف وينهم الاطلاعات الايرانيه دلونه عليهم شو الكل عراقيين و اذا تقصد السياسيين الي جايين من ايران فكلهم عوائل معروفه و همه من كل الأحزاب مو بس من جهه معينه أقصد (المجلس الأعلى) ليش علبقيه ميكولون مخابرات ايرانيه زين الجماعه الي جايين من سوريه ليش محد ميتهمهم شو أكثرهم جان عدهم جوزات سوريه و آني متأكد من هاي المعلومه للأن واحد منهم من عائلتي طبعاً آني ما أتهمهم أبداً بس ليش هالحقد الي ماله داعي يعني ليش نرهق شعبنه بهل افكار الي ما جابتنه غير الخراب و الدمار الى متى ؟ شعبنه تعبان و البلد راجع خمسين سنه الى الوراء و السبب هالأفكار المتخلفه ليش منتقرب من الدول الي ساندتنه وقت المحنه مو أحسن من الي يطعنه بظهرنه؟يعني لازم انصير ببغاءات انردد وره الشرقيه و الجزيره و العربيه؟ قابل العروبه اهم من العراق؟ اذا نبقى على هالحاله ما راح ايشوف العراق العافيه و الازدهار أبداً على الاقل ايران اول دوله اعترفت بمجلس الحكم و ساندته و فتحت قنصليه مو مثل البقيه الي يحتقرون العراق و العراقيين و ميحترمون مسؤولينه