شارك في ابيات الشعر الدارمي .كي تدخل المسابقة

[kadhum]

ارد الحكام والدمع من دم .....ليش السواد يلوك لـ الما عليه هم

[kadhum]

ارد انشدك يا صاح صابتني حيرة .....قصتي انه ذيب وشاة وبنص جزيرة

[kadhum]

اهلا وسهلاً بيك وبداخل السوك...وعلاكة المسواك بس بيدك تلوك

[essa]

بسم الله الرحمن الرحيم
أًرد أًشد ويّه البين لو بيّه لو بيـــه
لو بيّه وأذعن دوم لو بيه واخزيه

[علي السعدي المسيباوي]

جوّه الجسر ياناس غرّاگي ذبيت
تالي صدت شبوط وديته للبيت

الغّراگي يعني نوع من انواع الشص ....

ــــــــــــــــــــــــــــــــــــــــــــــــــ ـــــــــــــــــــــــــــــــ

ماصدت لا شبـــــــــــــــــــــــــــوط لا اجنبيه
بس صدت ابو الزمّير عضني من اديــــــــه

اجنبيه ( يعني نوع من انواع السمك )
تحياتي للجميع

[علي السعدي المسيباوي]

الدهر بس وياي عالنهه حربـــــــــــــــــــــــــه
مو چيله حط بالروح حط بيهه بمبــــــــــــه

(بمبه ) هاي الي الطك البيهه صوت

تحياتي الكم .................................

[علي السعدي المسيباوي]

الى اخوتي واخواتي السلام عليكم

بالنسبه الى حرف ال ( گ) تضغط ( كلمة alt ) +

0144 وترفع يدك من ال ( alt )

ثم يظهر گ

وحرف ال ( چ ) تضغط alt + رقم 0141

وترفع يدك من ال alt

ثم يظهر حرف ال چ

ارجوا ان ينال رضاكم تحياتي من تحت سماء المسيب الحبيبه

[الشاعر محمدالعيساوي]

الاخ علي الخطاط مع التحية
اهدي هذه الابيات اليك والى الاخوان في المنتدى
لعلها تنال استحسانك وقبولها لدى الاخوة المشاركين


بعفت نفس داويت ونجبر كسري
ويوم الجعت شديت بطني اعله ظهري
*********************
لا تعتقد فد يوم بي اكدر انساك
كل كتر بيه يصيح يالغالي اهواك
*********************

لغير الله ما طخيت راسي وحنيته
وماورجت عالحال يوم وشكيته
**********************
ادعيلك بكل عام وانته بألف خير
صافي وعشرتك دوم ما بيهه تقصير
**********************
ليش انته دوم وياي ماعندك انصاف
كلبك صخر جلمود من الله متخاف
************************
مثل النخل لومات لومتنه وكفه
والشهم من يعتاز ما يمد جفه
***********************
ثق وعتقد اهواك ما اهوه غيرك
وبعشرتك وياي انته وضميرك



الشاعر
محمد العيساوي

[باب المعظم]

بالگلب بالشريان بالروح أخليك
حزب الله لو يرضون نصرالله أسميك

[احمد الناصري]

اخوتي الاعزاء السلام عليكم جميعا
بعد التحية اقول اغلب ما قراته من الدارمي هو من الشعر القديم الذي مضى عليه عهد من الزمان
فلنقل الحديث ليكون اكثر استمتاعاً
ولكم هذا ادارمي
كلك وفه واخلاص كلك مودة
طبعك نجف ما يوم ميت تردة

[نجمة الاحزان]

[align=center]يادهر كافي ارجوك كف كافي مني .... خلصت عمري أنياح ماضحك سني

لاللسمه أتعليت لاصرت للگاع.... الدنيه هاي تخون بس تغفل بساع

ناشدت ماخليت حتى البلمهاد.... ليش الصديج يخون من ياكل الزاد[/align]

[الشاعر محمدالعيساوي]

بالگلب بالشريان بالروح أخليك
حزب الله لو يرضون نصرالله أسميك

حب حيدر الكرار بالحي ضميره
وحب الصدر موجود بالعندة غيره


الشاعر
محمد العيساوي

[علي السعدي المسيباوي]

[glow=CC3300][align=center]شكرا لك اخ محمد علي الدارميات الجميلة .

وهذا الك مع التحية .

لو وذروني بريح كل ذره مني
تصرخ تصيح اهواك حبك كتلني [/align][/glow]

[علي السعدي المسيباوي]

بالگلب بالشريان بالروح أخليك
حزب الله لو يرضون نصرالله أسميك

[align=center]
هذا رد لك اخي وحبيبي باب المعظم

اتشرف اتسميه نصر الله لبنك
ولو مقتدى مسميه بالبيت اخدمك

[blink][align=center]تحياتي لك اخي وحبيبي[/align][/blink] [/align]

[abozhra]

[quote=علي الخطاط;115345]الدهر بس وياي عالنهه حربـــــــــــــــــــــــــه
مو چيله حط بالروح حط بيهه بمبــــــــــــه

ابو حسین حبیبی
الدهر بس وياك عالنهه حربه...!!!؟؟؟
جا شنهی های الناس موش على دربه

وهذا الثاني للزلاطة

الدنيه كلهه تصيح مو كافي حروب
ملت جميع الناس من سد الدروب