المساجله الشعريه في الدارمي

[راضي الخلف]

الاخت منازا مرحبا لم اسمع منك دارمي جديد شو القصة انتي مثل شمس الشتاء ما تطلع الا بالقوه علينه
أنهجم بيته الكال بالعشك راحة****خلصت خمس اسنين حزن ومناحة
انطبك واشي الليل وي واشي الغروب **** يسمر عساك اتموت واخلص فرد نوب

[خادمة الزهراء]

السلام عليكم جميعاً أخوتي أخواتي
أود أن اقول كل المشاركات هنا في هذه المساجلة جميلة ومعبرة وكل بيت يحتوي على أكثر من معنى ومعنى .
لكن هل لاحظتم معي أننا تناولنا كل المواضيع ونسينه موضوع واحد بس ...تدرون شنو ... الصبر... ياويلي ... وصبر العراقين فاق كل أنواع الصبرشنو رايكم نبدي ويه الصبر =X: والي يعجبة يشاركني أني راح ابدي وأقول عن الصبر .


[align=center]والله أنترس ماعون صبري وتبدا ***** كلشي تمجه الروح من يجزي حده
[align=center]الجواب[/align]
متعجب بماعون صبرك تبدا ***** خي جدري ست مرات يطفح وسده[/align]

أما كلمة ( تمجه الروح يعني تجزعه الروح )

[مخاوي الضيم]

ياخيه لاتخافين من ينترس ماعونج
عراقي حزام ظهرج وانا بعونج

وارجوا المعذره ان لم يكن موزون0000 فهذه اول مشاركه اتمنى ان تقبلوني عضو جديد

[مشير السعيدي]

الاخت خادمة الزهراء

تحياتي

صبر النخل بالريح صبري انا ويزود @ فرهدني كلي البين بس انا موجود


مشير السعيدي

[خادمة الزهراء]

السلام عليكم أخ مشير وتحياتك وصلت .
الله ايساعدك كلنا هيج لأن معروف عنا احنه العراقين موجود عدنه كل أنواع الصبر
راح تصير مناحة من جبنا طاري الصبر =X: اني شكول عن صبر العراقين .
[align=center]أكـــــــــــــــــــول[/align]
[align=center]صبر العراقين جزاه الحدود ***** وليش الصبر ياناس بس عدنه موجود [/align]
وأهدي هذا الدارمي الى كل أخوتي العراقين والعراقيات .

[خادمة الزهراء]

محد جاوبني اني راح اجاوب روحي لأن انفتحت قريحتي للصبرررررررر :D::
[align=center]صبر العراقين جزاه الحدود ***** وليش الصبر ياناس بس عدنه موجود [/align]

[align=center]الجـــــــــــــــــــــــــــــــــواب[/align]
[align=center]صبر العراقين ماظن لهو حدود ***** والصبر ياهناس بس النه مشهود[/align]

لاتضوجون لابد من الصبر =X:

[مشير السعيدي]

الاخت خادمة الزهراء

تحياتي

شكرا لك على مجاراتي

الصبر مو عنوان بينا الصبر دم @ بالرحم واحنه انلوع لن بينا الف هم



مشير السعيدي

[خادمة الزهراء]

الله
حياك وصح السانك أخونا العزيز مشير والله مو الف كلول ملاين الهموم عند كل عراقي .

[align=center]اني اجاوبك وأكـــــــــــــــــــــــول[/align]

[align=center]علكم ترهو الصبر وعدنه شحلاته ***** بس لاتطب للدار ريحة شماته[/align]

[مشير السعيدي]

الاخت خادمة الزهراء

حياكم الله

الصبر بي ميزات منهن حلاته @ نوكف ولو كاضين ضد الشماته


اخوكم

مشير السعيدي

[ابو علي]

مابي مثل الناس نبض وابد دم
من يفحص الدكتور مايلكه بس هم
السلام عليكم اخواني الاعزاء اني اخوكم ابو علي جديد اليوم دخلت
ارجوان تتقبلوا مني فائق الاحترام التقدير مع خالص تمنياتي لكل الاخوه المشاركيين بالتوفيق في مشاركتهم الادبية
ارجوا ان تتقبلوا مني هذه المشاركة المتواضعه مع الشكر
اخوكم ابو علي

[مخاوي الضيم]

اسموحولي ان اشارككم بهذا الدارمي

شهد ألنا الصبر نصبر ونرد ردود 000 بلكي يجينا الفرج وهذا الله موجود

وعسى الله يفرج هم كل عراقي 00 امين

[خادمة الزهراء]

حياكم الله أخوتي كل من الأخ ابو علي والأخ مخاوي الضيم والدار داركم وخلي نستقبلكم بهذا الدارمي هدية مني لكم .

[align=center]اهلاً وسهلاً بيك صارت قديمة ***** نفرش ترى العينين ولكلب خيمة [/align]

وأن شاء الله نشوفكم دائماً هنا في هذه الشبكة .

[مخاوي الضيم]

شكرا على الترحاب اختي خادمه الزهراء000000 نتمنى ان نكون عند حسن الظن
تحيه خالصه من الكويت000

يل سميتي اسمج للزهره خدامه 00000 مادريتي الصبر والضيم للزهره علامه

واتمنى ان مانتكتبه يكون من الدارمي

ياخي لاتجزع ادواك بالصبر تلقاه 0000000 روح اعلق بشباج بوفاضل وتنخاه

[ابو علي]

السلام عليكم
تحية طيبة اختي الزهراء ومشكوره على التحيه
مشكوره على الترحاب يختي ارد احيج
من كل عسر واهمومياربي ييحميج
مع تحياتي لك الاخوه الاعزاء
********* اخوكم ابوعلي

[خادمة الزهراء]

وعليكم السلام أخوتي الأعزاء وربي يحميكم وياي أجمعين
شكراً لكم أخي ابو علي والأخ مخاوي الضيم على هذه الأبيات الرائعه تسلمون وجزاكم الله الف خير تحياتي لكم :=