باقات من الشعر الشعبي في قضاء المجر الكبير / للشاعر علي كاظم الدرجال

[علي كاظم الربيعي]

حراميه
***************
 كالــــــولي انبكـــــــت كلتلهـــــــــم انــــــه
 ابد ماصــــــــدكت كلت اصطــــــوانـــــــه
 لأن انــــــــه المجر ناســــــــه وزمانـــــــه
 انه المـــــــــــــاي الجـرى ودكاك دانــــــه
 انه ريحة اشجاره عثوك بستانــــــــــــه
 وانه الواصــــــفه وزين اعرف الـــوانــــه
 وانه الشتل ســــــــــدره ابحضن ديوانـــــه
 وانه الحضـــــر عرسه اوشارك احزانــــه
 وبسده انام الليل واتنومس ابذرعانـــــــــــه
 لأن ظله نخل فيه اعلـــــــــــــى جيرانــــه
 عمت عين الزمن ســــــــد باب صيوانــــه
 وعمت عيـــــــن الليالي الهدمت اركــانــــه
 مجر والمجر رفعــــــة راس صـــحبانـــه
 يادانك الطر الهور ياملعب الســــــــــفانـــه
 ياموكد جمر ديوان حف البردي جولانـــــه
 ياريحة هلي الطيبين يامشـــــبع الجوعانــه
 ياوسفه صدك مبيوك والباكوني الدنانــــــه
 لان عرك البشر دساس وعروك الردي عفانه
 ولك انت التبوك الناس هاي الناس تعبانــــــه
 لجن طبع الذيابه ذياب دوم امكشر اسنانـــــه
 حتى لو رضع من ديس نعجة هله الحنانــــه
 صح انه انبكت والباك لابد الكه عنوانـــــــــه
 واكله اتدوس بيت الناس واتسولف ابطروانه
 واظنك مو رجل والله لعبه ابحضن عريانه
 الك يوم التطيح ابير اظلم ملسه حيطانــــــــه
 وحك عزت علي الكرار وبشيمته وتيجانــــه
 بس اوصل الراس الخيط اوسدنك الجبانـــــه
 لأن انت ردي ومذموم نفسك دوم سكرانــــه
 تدري الصبر عزم رجال للدك عوز بيبانـــه
 مو ينهب حلال الناس واليوزن ابميزانــــــه
 حدت بينا سنين عجاف اكلنه سحاله وســيانه
 مامر بينا طاري البوك بعنه العفش وغطانـه
 دك رجلك ابحلك العوز عربد واكطع لسانـه
 تره الناس التكلك بوك دوم الدهر خوانـــــــه
 ولك حاسب ضميرك زين لاتتبع البطرانه
 تره اليركب سفينة بوك خل يحسبها غركانه
 -----------------------------------

[علي كاظم الربيعي]

دارميات ألأزابج
--------------------------
لو بالحسد بلواك يشفيها نوحـــــــي
بس المصيبه عليك توجعني روحي
-----------------------------
بشرني حي لـــو مات شخبار الفراك
كل لحظه الك اشتاك هم مثلي تشتاك
-----------------------------
احركني اصير ارماد ونثرني بالريح
التم واردن نــــــار بس اسمع تصيح
-----------------------------

[علي كاظم الربيعي]

يتامه اجروحي وادري 000 بس انا الهن
وشفت سم الليالي 000 بسّن الهن
ولا لحظه سعيده 000 بالسنه الهن
يكسرن خاطرك والله خطيه
---------------------
الاستاذ خادم الحسين الشاعر الكبير عبد الحسين كاطع الفريجي000 شاعر كبير ومن اعلام المجر الكبير
المصدر /
الشاعرعبد المطلب المحمداوي

[علي كاظم الربيعي]

وقفة مع الشاعر الحاج مطشر بن عبد النبي دلدل المجراوي
----------------------
مشه مشي الحبردج دبج *&* برجال
أيتخطه أوناكل العرجون *&* برجال
تحت زيجك يناهي أثنين *&* برجال
مشامش قيس راوني المنيه
----------------------
وقفة مع الشاعر المرحوم عبد النبي دلدل المجراوي
--------------------
لو جنت ميت وصل هل جيف يرهم *&* لحم
ماجور غصبن علي مالوم كلبي *&* لحم
خميت شرق وغرب ما من صديج *&* ولحم
ال يشلهني من الوحل يوم الوكت *&* غالبه
وهموم كلبي تجد وكدورها *&* غالبه
جليت عزيت يامن قدرتك *&* غالبه
السبع ياكل تبن والثور ياكل *&* لحم!!!!

******
فأجابه ولده الشاعرالحاج مطشر عبد النبي المجراوي
----------------------
ياصاح عودي ذبل له كل دوه *&* ما يصح
والدمع من مقلتي هل وجرى *&* ما يصح
حتى مخلول النيب مثلي لو صحت*&* ما يصح
من حيث مصيوب ما بين الجوانب *&* تبن
ومعالي الروح سري لما اموتن *&* تبن
لا تنهظم للسبع لو جان علفه *&* تبن
اليوم علف السبع حتى التبن *&* ما يصح
--------------
ويقول المرحوم الشاعر عبد النبي دلدل المجراوي
جنت طاغي ولعد المال *&* بذال
اوسفه اعله المعاش الصار*&* بذال
انه الشبوط اكدر الماي *&* بذال
شبج رايج زلجني وخان بيه
---------------

[علي كاظم الربيعي]

يقول شاعر المجر الكبير الرائد مطشر عبد النبي دلدل المجراوي
---------------------
أجيت أبغي درع شفتك *&* بلاعين
معاه أوشمع وجناتك *&* بلاعين
يسيل الدمع من عيني *&* بلاعين
على ولفي الجفاني أوعم عليه
*****

تمعنه ألله بجمالك *&* قبل نامه
ولجل هذا أتخذتك *&* قبل نامه
جنت ساهي اوليلي *&* قبل انامه
شح وصلك وشح نومي عليه
*****
روح الي تذل للنذل *&* تنقص
وهاذي موعضه للناس *&* تنقص
أيد ال لايكه بالسيف *&* تنقص
شلون تلوك للتقبيل هيه؟؟؟؟؟
************************
رحم ألله الشاعر الرائد مطشر عبد النبي دلدل المجراوي شاعر المجر الكبير الذي يقول :::////
--------------------
عثگ لاحــــگ رطــبنة *&* ما حمل ني
ثگيل وجبل شــــــامخ *&* ماحمـــلني
الزمن قسمني واصبح *&* ماحي مني
عيــــــوني ورايــــد يشــــلع اديــــة
*****

شنرش لوشعرك نشر*&* وشنذر
شفط شطي شطش شرني *&* وشنذر
شسوي شلون شوحيره *&* وشنذر
شدهني وشوف شبده شعمل بيه
*****

حلاة الرجل لو عنده *&* وجاهه
يحل المشكله بوجه *&* وجاهه
أهل هل الوكت شلفاها *&* وجاهه
على الطيبه يميزون الرديه
*****
ايم على الماي شفته *&* واو الف ري دال
ينسل اجعوده ابطيب *&* الواو الف ري دال
ناديت شمسك حبيبي *&* ميم الف ري دال
ثنيت منسمك يعيني *&* عن لا اوي
ناديت يهل القصور *&* ال عين لا اوي
مامرعليكم حبيبي *&* ال ميم الف ري دال
*****
ذابت ولك مهجتي والدمع *&* سين ولام
مانام جفني وغمض للنجم *&* سين ولام
حملتك طفل من انصبت ب *&* سين ولام
انبيك عن الكلب للراس *&* شين وباء
وعلكت نار الهجر بحشاي *&* شين وباء
دره انه جنت احبك وطلعت *&* شين وباء
مدروك درب الهوه مدرينه *&* سين ولام

**************************

[علي كاظم الربيعي]

ذكريات من قضاء المجر الكبير
-------------------------------
رحم ألله ألشاعر مطشر عبدالنبي دلدل النداف المجراوي
-----------------------
هجرك علي يا ترف حنظل اقيسه *&* ومر
ما تجرعه الروح جيف احكم عليهه *&* ومر
لهفان اجي لشوفتك واوصل لدارك *&* ومر
واصيح يا منيتي صوت الصدى*&* ينبيه
المادره ابعلتي كال الرجل *&* ينبيه
حدر الضلع ما علم شج السهم *&* ينبيه
اطلع ثلث جبدتي وادعي بدليلي *&* يمر
------------------------

[علي كاظم الربيعي]

أبو ذيات مجراوية
------------------
بلا عين
أجيت أبغي درع شفتك *&* بلاعين
معاه أوشمع وجناتك *&* بلاعين
يسيل الدمع من عيني *&* بلاعين
على ولفي الجفاني أوعم عليه ....
*****
ودفن
افنون الحب الك وديت *&* ود فن
الجلل من نار كلبي حمن *&* ودفن
خاف اموت يا محبوب *&* ودفن
الك فوك الجفن كاتب وصية ....
-----------------------
رحم ألله الشاعر مطشر عبد النبي دلدل المجراوي