إحراق منزل نائب بعثي "شيعي " في البرلمان العراقي

[طركاعة1]

إحراق منزل نائب شيعي بارز في البرلمان العراقي


بغداد ـ د.ب.أ: صرح قاسم داوود النائب الشيعي في مجلس النواب العراقي بأن مجهولين أحرقوا في وقت مبكر من صباح امس منزله في حي العامرية غرب بغداد.
وقال داوود، وهو عضو في كتلة الائتلاف العراقي الموحد، صاحبة الاغلبية في البرلمان في كلمة أمام أعضاء مجلس النواب إن جماعات مجهولة «أحرقت فجر اليوم منزلي في حي العامرية وتم إبلاغي من قبل الجيران». واتهم النائب «البعثيين وأتباع صدام» بالوقوف وراء هذا الحادث. المعروف أن داوود شغل مناصب وزارية مهمة في العراق عقب سقوط نظام صدام حسين على يد القوات الأميركية عام 2003.

[babil]

عيوين انت ليش زعلان هي ظلت على هذا البعثي ليش مشروح المصالحة او المباطحة مع من ؟؟ ليش انا زعلان منك حتى اتصالح معاك هو في واحد من عندنا ماقتلو البعثية واحد من عائلته يعني كلنا ضحايا نفس العصابة ونحن غير زعلانين من بعضنا..بس هذه المصالحة بين الحكومة وبين البعثية لان البعثية لمدة ثلاث سنوات اعطوا الحكومات المتعاقبة العين الحمراء فالجماعة قالو خلي نتصالح احسن مانطير وتروح الكراسي والا رحم اللله على موتاك البعثية بكل دوائر الدولة ولما تقول لهم ياعيوني هذا بعثي وقاتل له كم عراقي ايام الانتفاضة لو هاتك عرض فلانه او مغتصب بيت فلان ولازم على الاقل يتقاعد او يتحول لوظيفة ثانية ..يجيك الرد الديمقراطي الحر اليتفلس على البرياني عيوني عندك دليل عليه ..تصور يردون دليل على ادانة بعثي بانه ارتكب جريمة يعني حتى لو تجيب شهود عليه محد راح يجي لان محد راح يحميهم .. والحكومة كانها ماتعرف ان البعثي مايترك اثر لجريمته وراه ..بس شتسوي هذا حال الغشيم ..
مع الاسف .. لحد الان لم يعد اي مهجر فقط لان اكثر المهجرين هم شيعة!!
مع الاسف لحد الان لم تسلم البيوت التي صادرها النظام لاصحابها ..فقط لانهم شيعة!
مع الاسف لحد الان لم تعاد الجنسية العراقية لاكثر من نصف مليون عراقي ...فقط لانهم شيعة!
مع الاسف لحد الان لم يتم التوقف بالعمل بشهادة الجنسية ..لان المهجرين هم من لايملكها بعد ان اتلفها النظام الكافر ..وايضا لانهم شيعة!
مع الاسف لحد الان لم يتم منح عوائل الشهداء بالمقابر الجماعية اية شهادات وفاة..فقط لان اكثر من في المقابر هم شيعة!
مع الاسف لحد الان لم الاعمار بالمحافظات الجنوبية.. فقط لان سكانها من الشيعة!
والكثير الكثير فلا تشكي لي لكي لاابكي لك..
ويتقعون الجماعة انه الشيعة راح ينتخبوهم من جديد .. الله اعلم ..

[zeelm_aliraq]

ضل دك والطم
صادروا بيوتنا , كتلونا , حركونا
ثبرتونا
اذا الشيعه كلهم مصادره بيوتهم ومكتولين ومذبوحين
لعد منو هسه الموجود بالعراق منين اجوي
صدام مجان يندك بالي ميندك بيه

[طركاعة1]

هذا "هم" سؤال؟؟؟؟؟؟؟؟؟؟؟

[babil]

الظاهر الاخ zeelm_aliraq
كان ساد باب بيته ومعليه بالذي يحدث لاخوانه العراقيين بزمن صدام.!!
لان نظريته تقول الي ميندك بصدام ميندك بيه يعني صدام كان عادل بحكمه ولازم نعبده حتى لايتعرض لنا..وماننقاشه ولانعترض على حروبه ولا على اضطهاده لنا .. لانه اذكى من في العراق ..والعبقري الوحيد ..ولذلك عبده الكثيرين من المنتفعين واولئك الذين لم يشغلو عقولهم.. وتعودوا قول كلمة نعم سيدي امرك سيدي..
والي تهجروا او اعدموا اولادهم كانو هم السبب لانهم تحارشوا بصدام لانه بقى بالحكم 35 سنة وكان لازم يظل طول ماهو هايش وبعدين يطلع عبقري من سلالته ويستلم الحكم مثل باقي الدول العربية يبقى الزعيم مادام لئيم..
واعتقد الحق على صدام غير يعطي الي تحرشوا بيه من هباته مثل مااعطى الذين سكتوا على ظلمه وقالو معلينا مدام احنا بخير خلي باقي المسلمين من العراقيين يروحون لجهنم..
وحسبما ماتعرف يااخي فالشيعة هم الاكثرية بالعراق ومن هجرهم صدام كانوا نسبة لاباس بها منهم والان عادوا لاسترجاع ماسلبه منهم مرتزقة صدام وعبيده وهذا حق ولااعتقد انك تقف ضد الحق المسلوب ظلما لانهم لم يحصلو على بيوتهم تلك من هبات صدام بل عملوا لسنوات بشرف لبناءه..

ونحن نعاتب الحكومة لانها لم تقف معهم بهذه المحنة ولم تتركهم ياخذون حقهم بايدهم من القتلة ابناء الزنا من البعثيين.