|
-
أبوذيات....لذكرى أربعين أبي الأحرار عليه السلام
للشاعر: أبوكرار الأحســـائي
سُواجي الْهم رُوَت دلالِي يوماي
وانا لدهري علَيَّه بضيم يوماي
دِنَى حيني وغدى هاليوم يوماي
وإلك يالْمهدي أذكر هالوصيه
**************
لأم البنين عليها السلام :
بنينــﭻ طاحوا عْله الـﮕـاع يَمهُم
وْيُوْم اِلْهُمْ أبَدْ مَاصَار يُمهُم
وسَف وِحْسين عالتربان يَمهُم
ذبيح وضَمَّه تابوت الْمنيه
****************
الدهر مرمرنِي لاسبه وداعي
بنيني راحوا ورادوا وداعي
وعليهم ﮔـلبي يتحسر وداعي
أوالِمهُم واﮔـلهم شلِّي بِيّه
***************
الْهضم يهل الوفه علّيَّه تِراكَم
نسيتونِي وسط هَمي تَراكُم
يريت الساعه بس عيني تراكُم
واشاهدكم يفرسان الْحميه
**************
أون وانْحب واجر هَم بأثَرهَم
ضحايا الطف يريت الْحـﮓ بثرهم
وسف راحوا بـﮕـطع هام بثرهم
ويريت اوياهم اخذتني الْمنيه
يبويه النوح من فرﮔـاك مَسْكَن
ودمعاتِي ابد مايوم مَسْكَن
بنيت ابـﮕـلبي للأحزان مَسْكَن
وبيه ابــجــيك كل صبح ومسيه
****************
دموعك ياﮔـلب هاليوم سلهن
على اللي مني ﭼـف البين سلهن
يناعي دموعي عالْخدين سلهن
تِخبرك بالْمرار الصار بيَّه
****************
بَعد أهلي منو لدَلالِي يَمنه
وصرت اصفج يساري فوﮒ يَمنه
أمس ﭼــانوا هلي بالدار يَمنه
واشوف اليوم وحدي بلا تِــﭽــيه
للقاسم بن الحسن عليهما السلام
على جاسم لِفت لِجيوش .. لَمَّه
بعزم فرﮒ جَمعها وعاد .. لَمَّه
الشباب اليوم بالله شـصاح .. لُمَّه
عن الْشافه براضي الغاضريه
********************
يِـنادي للرُبه يايُمه .. حنيت
الْـﭽـفن ثوبِي اْوْﭼَـفِي بْدَمي .. حنيت
وبالْحومه لَعَدْلِ النَعِل .. حنيت
بغدر وَسْدُونِي تربان الْمينه
********************
يَيُمه لْهَالوكت تدريني .. منضام
شَباب بزفتي يايُمه .. منضام
وْيِشرب من لذيذ الْماي .. من ضام
وانا لْمِنْ دمي تروه سيوف اميه
********************
حَنِيْنِ الْوَالِدَه وْبَلْوَاكْ .. يابني
يَمَنْ حُبَّكْ اْبْوَسْطِ اْحْشَايْ .. يبني
بَعَدْ كِلْ هَالْتَعَبْ وَيَّاكْ .. يبني
أَشُوْفَكِ مِعْرِسِ ابْثُوبِ الْمِنِيَه
********************
أَنَا الْفَاجِدَهْ ابْنُوْحِي .. مَنْ يَلِمْنِي
وﮔِـلِتْ مِنّ اَكْبَرْ اَلْـقه .. مِنْ يِلِمْنِي
اْوْبِالْطَفْ هِمِتْ وَاْصْرَخْ .. مَنْ يِلِمْنِي
اْوْمِنْ يِجْـبُر اْصْوَابِ الْصَارْ بِيَّه
لقمر العشيره أبوفاضل عليه سلام الله
اجروحك ياﮔـمر للروح .. يِدْمَن
انا السيف اللي بيه نْحور .. يِدمن
بعد يَمنة علي توﭼـيت .. يَدمَن
يِمينك ياذخر حامي الْحميه
*************
لْيِحُورب للـﮕـمر يامات .. ياﭼَـف
وعجيبه عليه ذاك الْماي .. ياﭼِـف
ياعين انطفت وانـﮕـطع .. ياﭼَـف
ويارايه لْهوت بالغاضريه ؟
*************
يَمن سيفه شكثر فرسان .. ﭼـفه
وفيت وزودك الْموصوف .. ﭼـفه
أنا زينب يَمن مـﮕـطوع .. ﭼـفه
أصد لِجروحك ولالآم بيَّه
-
بسمه تعالى
احسنت اخي وجزيت خيرا وشكرا على الابوذيات الرائعة
تحياتي
-
يا محوّل الحول والاحوال ، حوّل حالنا إلى أحسن الحال......
-
عظم الله أجورنا وأجوركم ياغريب الدار والأخت منازار
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|