حلاتك يابطل يلي اسمك محمد
حلاتك وانته كلك سيف وكت الموزمات تفوت ماترتد
يخيال السرج كوفان والجمعات الك تشهد
ابو القاسم وكف وياك طول بطول من تشهد
يكرار بوكت مابيه بعد كرار فوك ظهورهم يصعد
دكوم ولاتظل مطروح مو انت اليحب عل الكاع يتمدد
يزين بساحة الطوفان ما يكدر يكظك سد
صدر مات بسبيل الله ما مات بسبيل احد
لان الجنة ما تلاح الا بجف الستشهد
العلويات هواي معذورات اذا لبسن عليك اسود
واظن عيوني من حكهن اذا طيحن دمع علخد
يبوية وياضوة عيوني تره عيوني بكت ترمد
يبو طول الحلو ياحيف كل هل هييبة تتفرهد
محبتك بيش اوزنهة اذا من كل وزن ازود
حنين البلبل لعشه حنين لشوفتك وابعد
من كل هل مسافة وياك بحبال العشك ننشد
زهتلي الدنيه بس وياك وبجالك عشت مسعد
ضحكت وياك من كلبي وعشت بين ايديك شكد
مو انت التطمك كاع هذا خيالك توسد
الف لعنه على ابو التاريخ اذا مو انت تتخلد