مجموعة دارميات

[AL7USSINE]

[align=center]السلام عليكم
ها انا اعود ومعي باقت ورود لكم
&&&
&&
&
خادم انا وممنون وخدم المزيون
نكمل وحك عيناج خلهم يسمعون
&&&
شمس وتطر الراك ما حاجه تحلف
سامحني يا ابن الناس وبفيكم ازلف
&&&
بلكَلب انت اشلون تنبض احسك
زهره وحزن محلاك وتنخه بسمك
&&&
ما غبت عنكَ يوم صدكَني مهموم
محتار ارد عليكَ وتكَلي محشوم
&&&
شرد اقرة من البيت اتهجه ورتد
محلاته هذا البيت بس كَلبه اسود
&&&
اكتب وريد اجواب لوزيجي اشكَه
مثل التفكَد اثنين ولثالث انته
&&&
&&&
خلي البرد تموز والحر نسينا
متعوده يبن الناس يوميه وجعا
&&&
اسكن ونا الممنون هنيالي جارك
وبخوت الطيبين نجفل بدارك
&&&
&&&
انطر وظل اتناك مترجي العيون
بلجت يمر منا ويا اليمرون
&&&
يالخادم اشمحلاك من تخدم حسين
وتمنه كون وياك وتشيلك العين
&&&&
مشتاك امر للهور ونصب الشبجه
وبحجت السمجات ونسوي ملجه
&&&
امحزم زماني وياي دين ويطلبه
عكَس الحبل مجبور يرخه من اظبه
&&&
عمي الزرع مبخوت لليزرعونه
وحنه بزعهم سيل هل يحصدونه
&&&
اتمنه كَلبي جناح وتمنه بي ريش
وتعنه للياذيك ونفلشه تفليش

&&&
خل دمعي يجري دموع ما اكَول امسحه
جيف الوطن مذبوح ماريد اجرحه
&&&
مجنون اضل لدوم يل تحاجيني
جنني حب حسين خلني بونيني
&&&
نرخص فده ولحسين كَلحنه بديَن
ولما يصدك زين كَافر ولحسين
&&&

اخوكم

الحسيني[/align]

[خادمة الزهراء]

[align=center]السلام عليكم
ها انا اعود ومعي باقت ورود لكم
اكتب وريد اجواب لوزيجي اشكَه
مثل التفكَد اثنين ولثالث انت
اخوكم
الحسيني[/align]

حياك الله معنا من جديد أخ الحسيني ... ولو اني كاتبه موضوع مساجله بالدارمي بس هذا البيت عجبني اريد أرد عليه أن شاء الله يعجبك ..


[align=center]آنه أرد اجواب واكتب ياعيني **** بس لا تشك الزيج خويه الحسيني[/align]

[ام عباس]

مشكور اخي الحسيني وعاشت ايدك دارميات جميلة جدا
اتمنى لك المزيد من النجاح ان شاء الله
تحياتي

[AL7USSINE]

السلام عليكم

الاخوة المشرفه خادمة الزهراء ولاخت ام عباس

لكم احترامي ودمتم .

الاخت مشرفتنه الفاضله ارد عليج ولتمس الصمت اذا سمحتو.

بطلت ما شك زيج وشلون اشكَه
صاحت عليه الكاع مشكَوك وتشكَه

[AL7USSINE]

اوظح البيت الاخير انا غلطت فيه.


بطلت ما شك زيج وشلون اشكَه
صاحت عليه الكاع مشكَوك افتكه

[محمود الكناني]

جواد الامة لنت ومقتداها وصرت لجيوش مهدي مقتداها ليش الروح عشكت مقتداها شافت بيه حسين الغاضرية

[محمود الكناني]

تعديل: ورد خطا كلمة انت كتبتها لنت وارجوا المعذرة

[AL7USSINE]

بيت رائع وجميل اخي محمود

دمت

اخوك

الحسيني

[حسن هادي المالكي]

الاخ العزيز الف شكر على هذه الدارميات الجميلة والرائعة وانشاء الله يوفقك

[محمد عمران جياد]

اشكر الاخ الحسيني على هذه الابيات الجميله جدا......

كما اشكر جزيل الشكر الاخ محمود على بيت الابو ذيه لسماحة السيد القائد مقتدى الصدر ونطلب المزيد وشكرا

[AL7USSINE]

الاخ محمد شكرا لك عزيزي وممنون

اخوك

الحسيني