ثلاث مقطوعات شعريه00للأمام الكاظم (ع)وكارثة الجسر

[ميثاق الهلالي]

[align=center]ياموسى أبن جعفر شوف الجروح = كثرن والعراق عله الجسر عاد

ياباب الحوائج كسروا الباب = بْعد منين كلي نحصل مراد؟

فك بابك يموسى وعاين الصار = وعلي بغداد دم تبجي أعله بغداد

////////////////////////

من زود الكلام أتعرف الرجال = ومن شدة حزمهه تبين إسباع

امس بس الف صعدوا عالجسر طاح = وحدر أجدامهم مثل الثلج ماع

وإذا كل شيعتك مو بس جسر طاح = جا رجفت حدرنه وطاحت الكاع

///////////////////////////////////////////

تاهت ماعرف ياهو الأناديه = حرامي البيت ياهو وياهو ناطور

من كثر الجثث والدم والدموع = شهيد بروحه كام يروح مامور

نواعير البشر تفتر على الماي = وأحنه بدم شعبنه أفتر يناعور

جا وين الحكومه الدكت صدور؟ = مو وصلت بعد بس نفخة الصور

بس تخلص تره والفات ننساه = ساعه وماتحس دنياك وتدور

أمن ياوطن شيعة علي وياك = وحكك من نهد نطيّح جسور[/align]

[ابو ذر]

تاهت ماعرف ياهو الأناديه = حرامي البيت ياهو وياهو ناطور


احسنت شاعرنا المبدع ميثاق الهلالي

[موج البحر]

نواعير البشر تفتر على الماي = وأحنه بدم شعبنه أفتر يناعور

الله اكبر

[ميثاق الهلالي]

[align=center]

شكرا لمروركما

وتحياتي لكما 00وأقدم أحترامي للجميع مع حبي

ميثاق

[QUOTE] [/align]

[منازار]

ألف رحمة على الأرواح الطاهرة......

والشكر للاخ ميثاق لتمثيل الواقع الاليم والفاجعة التي حلت علينا. والتي كوت قلوبنا حزناً وألماً

[محب الحسين]

أحسنت أيها الشاعر المبدع الجميل.....لافض فوك يبن الفراتين

وفرج الله عنكم بحق محمد وآله الطيبين الطاهرين

[ميثاق الهلالي]

[align=center]

بارك الله بك أخي محب الحسين ووفقك الله بحق جد الحسين وأمه وأبيه

وفرج الله عن الجميع

ميثاق[/align]

[ابو ياسين]

أمن ياوطن شيعة علي وياك = وحكك من نهد نطيّح جسور
بارك الله فيك اخي الشاعر ونتمنى منك المزيد

[دجلة الخير]

[align=center]
ياموسى أبن جعفر شوف الجروح = كثرن والعراق عله الجسر عاد

ياباب الحوائج كسروا الباب = بْعد منين كلي نحصل مراد؟

فك بابك يموسى وعاين الصار = وعلي بغداد دم تبجي أعله بغداد[/align]

الاخ ميثاق الهلالي
قصيدتك توثيق لحدث لايمكن ان نسميه عابر
رحم الله شهدائنا
وبارك لله بك

[ميثاق الهلالي]

[align=center]

ام محمد انا اشكرك من كل قلبي يااختي الطيبه

تحياتي لك
ميثاق[/align]