ابميلاده انتبارك .... وبالفرحه انتشارك
رددت فرحان .. علي
للهدى اركان .. علي
ابميلاده انتبارك
.................................................. ............
من هل علي واسمه علي والعلي علاه
والي وشفيع الشيعته والباري خلاه
مولاه علي وصه النبي من كنت مولاه
والي اليوالي حيدره وعادي اللي عاداه
بث هاي الوصيه
دستور للبريه
وصارلنه عنوان .. علي
وبحبه ولهان .. علي
ابميلاده انتبارك
.................................................. ...........
ياعلي اسمك بالگلب ثابت كيانه
ابوجه الاستعمار الكفر نعلن ولانه
تدرينه حيدر شيعتك محد لوانه
خل يفرح البايع علي ضامن جنانه
اشما كادوا علينه
انبايع وصينه
هذا احله برهان .. علي
يمحارب الجان .. علي
ابميلاده انتبارك
.................................................. ...........
الكعبه بيك اتشرفت يوم الولاده
من السمه النور انولد جبريل ناده
للمسلمين اتوسمت هاي القياده
وبالدين ندري ياعلي نلت الشهاده
شع نور الامامه
هاي افضل كرامه
للباري قرآن..علي
نورت الاكوان..علي
ابميلاده انتبارك
.................................................. .......
نفرح نبارك نبتهج رغم الاستعمار
ونغيض كلمن حاربك ياحامي الجار
وبمولدك يابا الحسن شع نور الانوار
وبحبه بستان الورد تزهي بالاثمار
يامحله هالسعاده
فرحان بالولاده
ونردد الحان .. علي
واسمك بالآذان .. علي
ابميلاده انتبارك
خادم خدمة الحسين
علي السعدي المسيباوي