قصيدة ( الجسر ) مهداء لشهداء الكاظميه

[مشير السعيدي]

الجسر
ـــــــــــ
ياجرح التِشَلـَه او ياصواب ايهيد
اوياريح التِصِدها اوتِشكف اشجَم ايــــد
ومخالف عليك اسيوف فوك اسيوف
مِثِل احسين طاح ابين اميه اوحيــــــــد
بَعده اصواب بغداد الجديده ايلوع
وانت بأربعينك اربعين اتعيــــــــــــــــد
طـَلـَع هارون ثاني اوعاد نفس الطاس
نفس الجسر والتاريخ بالتحديـــــــــــــد
هو الشِمِر بالطف شِمِر هذا اليوم
والحجاج نفسَه اونفِس ذااك ايزيـــــــــد
بس الذنِب ذنب النام وي الذيب
لـَن الذيب وي جينه الغدر والصيــــــــد
لامختار عدنا اويهِد ياخذ ثار
ولا حيدر نهَض وامجاد بَدرَه ايعيـــــــد
صرخ صوت الحسين امن الف عام ونيف
لِسَه الصوت يدوي الكاع مِنه اتميـــــــد
خدرانين ماجَنـَه الحسين ايصيح
بَس ازماط جذاب اوحجي اوتهديــــــــد
وبيوم الطبك نِلطم لطم رداد
مِثل البَبَغاء انعرف بَس ترديــــــــــــــــد
بـِري مِنـَه الحسين المانهض وياه
ويبين المراجـِل يترك التنديـــــــــــــــــد
يتبرغث وطنا اوبيه وكيحه اجروح
واعدانه مِلِح فوك الجروح اتزيـــــــــــد
وابن موسى اللعين ابكل صلافة عين
بالكص نحر اخوي ابن الرذيله ايشيــــد
انتم مو عرب انتم سَهَم مسموم
متعودين عل الخِسَه أمن اصل تعويـــد
شوصدام يذبح بالعراق اسنين
توك جاي تزع من سمعت ارعيـــــــــد
لا أيس يموسى اوهاك اخذ وياك
دم صاغ امن اهلنه اوزيد دَمك زيـــــد
بلجي امن البدمنه ايفز شرفكم عاد
واتكِفونه شَركم لحد يوم الويـــــــــــــــد

مشير السعيدي

[ميثاق الهلالي]

[align=center]الله الله الله

قصيده رائعه أستاذي العزيز وفقك الله وأ‘عانك على الغربه

وتحياتي لك من ارض العراق الذبيح

ميثاق[/align]

[الحر الناصري]

قصيده من الالم الذي ينبض بها شريان الشهداء
الى كل عراقي شريف عشت يا اخوي العزيز وعاشت الليد
اللولتلك
اخوك من الناصريه علي ( الحر الناصري )

[منازار]

ألف رحمة على ارواحهم الزكية الطاهرة........

[محب الحسين]

قصيدة رائعة ومعبرة لواقع أليم


أحسنت أخي الكريم ووفقك الله لكل خير


رحم الله الشهداء وخفف على قلوب ذويهم


دمت سالما

[مشير السعيدي]

الى جميع الاخوه الكرام

اشكر لكم ثنائكم ومروركم هنا

المصيبه اعظم واكبر وجرحنا عميق وانا لله وانا اليه راجعون


اخوكم مشير السعيدي

[المراقب]

أحسنتم شاعرنا الكبير مشير السعيدي على هذه القصيدة الجميلة والتي تعبر عن واقع الحال أفضل تعبير.

[ابو احمد]

بارك الله فيك على هذه الكلمات و أرجعك من غربتك سالم غانم بحق غريب كربلاء

[ابو علي]

حياك ابورحاب تعيش بعد كَلبي تسلم
تحياتي الخالصه