شعر شعبي

اخنك عبرتك

أرض السواد - ابو حيدر اللامي




يسمونه روافض نفتخر بيها لثلث

حطات وسمع يلتذم

سجل



هذولة احنه نحب حيدر علي الكرار

واولاده كل ظنك نملهم

بطل انته وحل



اخذ من روحي هل اهات يم

شباج حيدر يلتحب

ارسل



وخبره اعلى الدموع الجتت من اسنين

بس الخد يواسي العين

من تهمل



نحبهم واليحب موعيب حبهم

بلنفس من يصعد

وينزل



عود روحك الشوغات واتعود

عليها وبالك انته

اجل



للمذهب دماك افديه وانه

ادري اليحب مايوم ابد

يبخل

خشبتك علمتن شايله من اسنين

زلمة ادور اعلى الموت يلطبعك

طبع دعبل



لوعايش دهر بلخير ماتسواش

ساعة اتعيش بلذل

تمرد وتجتل



خليك اعلى نهجك لاتساوم ها

يلتفرح عليك الموت

من يجبل



صكر معروف من شبيت ماتعرف

تسالم يلترجف

الظل



هابالك تعرف اجروحك الشمات

مابيهم محنه اكلوبهم

بس غـل



جابر علجروح ولاتطخ الراس

زلمة ادريك تكدر بيدك

انته اتشل



انته ابن الفرات وطينته الحره

وشحده اليحط رجلـة

عليها اتزل





انته ابن المظيف الماطفه اوجاغه

يلشبيت بحظان النشم

مزعل



انته ابن الجبايش والكصب والهور

شما طكك زمانك تصبر

وتحمل



انته ابن الصدر وبمنهجة اتربيت

واسمه اعلى الشفاف ويلتحب

رتل



تموت انته سبع موتات ولا اصدك

تعيش اهناك

بتوسل



واذا طك الفشك ابصدرك اتلكاه

ولو ظليت وحدك ما اظن

تختل



هابالك تخوفك دنيتك يلحيد

ادري الموت يمك لو كرب

يجفل



حط فاله ابدليلك ولا تصيح احاه

هابالك يجابر بالك

انته اتمل



انه احلف بلحسن وحسين والمهدي

نريد الموت كلنا ولا نعيش

الذل


http://www.iraqsawad.net/a3344.htm