قصيدة شعبية ... موجيران ..... للشاعر ابو حيدر اللامي


الشاعر ابو حيدر اللامي (هولندا)

همه ظنو ننسه ذاك الصار بينه كاع اطو لليموت ابقادسيته وذاك سياره ابمجانه
موتو ابغيظكم يلكلكم احقاد قائدكم ذليل وذاك سجانه
خلوه العراق الااهله وانتم لا لاموسى النعرفه شنهي جيرانه
كلت وين الجرايد واليغنون كالولي المهم مخروس عطوانه
وانتم يلجذب بيكم طبع صار عوفوه العراق ارجاله رهبانه
كلي ياعرب نشدو علينه ابيوم من جان الذبح لسنين ويانه
وبار اقماش الابيض بل محلاات مقابر بلجمل ماعايزه اجفانه
يلكلكم عيوب امن الجدم للراس ابوكم هو اميه وابنه سفيانه
اهو فرعون جدكم وانتم اتكولون ياعار العرب يلكلكم ادنانه
احنه اهل الاصل والاصل بينه احسين عاهد علرسالة وعهده ماخانه
انه ابن الفرات ودجلة الخير اتجرع السم ومرضه بمهانه
انتفض مي الفرات اعله اليصير وصار واختاض اعله راكه وطفح طوفانه
يلطبعك حلو ومابيك لوله اتصير اذم انه اليذمك واكطع السانه
يريدوني املك ياعراق اشلون انته ابحسي احسن بيك وانته البلكلب موصول شريانه
يلوجهك صبح وعيونك انجوم ويلجفك اشراع وماخذل بلروج سفانه
اذلهم مثل ماذلوك واسكيك ابدمعتي اتصير وردت طيب وينكسون الورد لو همه سندانه
موجيران انتم بل اسم جيران اتركوه العراق ابحاله وابشانه
موجيران انتم بل اسم جيران نهبتو العراق وفوكها ادمانه
موجيران انتم بل اسم جيران خلاكم يمينه وبيه جلدانه
كويت انجب.مصر اسكت.اردن انجب.سعود اسكت. صمت اتراب ابعراقي والله تسواكم يذوله
من احطه ابجفت الميزان شالتكم يذوله وانكسر ميزانه وطاح ابمجانه

.................................................. .................................................. ..

وصلتني عبر البريد الالكتروني الشخصي