|
-
منهو الكال......قصيدة للشاعر أبو حيدر اللامي
[align=center]منهو الكال
قصيدة للشاعر أبو حيدر اللامي
============
العذر لله والك يا بو الحسن وحسين
شما اكتب شعر ماكفت الاوزان
----
عشكتك من زغر سني
وشوفك بلجلد نيشان
----
عجز منه الصبر صبرك حزن
حتى الصبر لجلك وانته الماكلت حزنان
----
اشمارادو يخلون الخلك تنساك
صبح مكلوب واسمك اول الحلفان
----
من روحي الشعر كتبيته الك
حيدر وحكك مو شعر بطران
----
حرف ع عالي ومحد اينوشه
وحرف ل لله وكلكم أتعرفون
----
وحرف الياء اذا ممسوح
نكصت جلمة الايمان
----
علي يلحيد ما ننساك يلصبرك صبر
ايوب وشتمه الكال للدنيا اصبحت غضبان
----
علي اشطول اسمك
امننكول بس اول حرف ينترسن الحيطان
----
علي امجلبين بذيالك مثل
ذاك الغريج امجلب ابعودان
----
علي جم ايه الك نزلت
دكلبوا شوفو القران
----
علي يلبات بفراش الرسول
وما يهاب الموت فز وشرد العدوان
----
علي موبيدك الكوثر
تشرب لو شفت عطشان
----
علي وعبادته اتعجب منهو الكال
لا خايف عذاب ابجنه ما طمعان
----
علي كول وفعل معروف علي
شجرة رسالة وكل خلكها اغصان
----
علي هذا اخيه احتاج دك بابه
يريد المال نز وجوته النيران
----
علي مارد غريب ويجهب البابه
علي صاحب كرم واحسان
----
علي يا ابو الحسن وحسين
نوح ابمحنته وناداك نجة وماغركه الطوفان
----
علي وكل الاسامي اتروحلك
فدوة ياغم الوكت من صادراك افلان
----
علي انه امنكولن ع صدك
ينكطع نفسي واسمك بعده ماخلصان
----
علي ياطبعك الطيبة
الصدك وياك علي يلمانمت شبعان
----
علي يلماتنام الليل
لوتسمع يون جيران
----
علي الله ورسوله
اليعرفونه واحلف مايعرفـه انسان
----
نجيب اسمك علي اهنانه
سلام الله تصيح اعليك اهل نجران
----
جم ليلة يدك بابك يتيم وماله كل واحد
زاد اعيالك اطيته وبتت جوعان
----
فرض عدي اكولن كل صلاة
اسمك ابعلات الصوت لاخايف ولاندمان
----
نزل جبريل يحمل بشرى
للمختار بلغ يا اعزالناس اليوم انختمت الاديان
----
بكتاب الله واهل بيتي تمسك يلتريد الدين
تعيش اتموت صدك بلحشر ربحان
----
منهو البلغه جبريل علي البنتك
نبي الرحمه زفـه وسوي للعرسان
----
منهو الي انطوتله الكاع
راح وكبر السلمان
----
بس هوه انفتح بيت
الله من ولدوه والامه انطرت الحيطان
----
اول من سجد لله
زغير وماسجد لو ثان
----
وبحجة الوداع اتجمعت كلها علي
بعدي امام ومولى كل هلناس هلاهل سوت النسوان
----
اجاه اوكال بخ ابكل وكاحت عين مشه
وامدلهم ادلهم مشه اوزعلان
----
ابعلات الصوت صاح
المصطفى المختار المدينه انه وعلي البيبان
----
تذكرون الغدير اشكال علي واخيتك ابروحي
اخوي انته وابن عمي حجاها وسمعت العربان
----
اهيسك كل وكت
بلروح وحسك كل فريضه اوذان
----
اشحلات اسمك علي
امننكول واسمك ما يلمه السان
----
يا جذع الرسالة وما تهزك ريح لو
صفنيت نحلف صفنتك عرفان
----
هزي ابهلجذع يمج وصلي اعله النبي وبيتته
ابعيسى انبشرج مريم يبت عمران
----
بعد شوصف علي يا ناس اشما اوصف
ابو الحسنين اضل طول الدهر خجلان
----
صفات البيه لاملك
الحملها ولاحواها انسان
----
شعد بيك الصفات الما وصله احد
اشما اكتب اضل طول الدهر حيران
----
شيعه وماتبربنه نحب اسمك يداحي
الباب كومه اتكطعت شبان
----
هذوله احنه حجر منه سعد منه
شبع تعذيب مات وماشتم علوان
----
تمنيتك تجي وتشوف
اشلون انباعت الاوطان
----
يبو حسين الجروح اعله الوطن
تدي والوادم صفت عميان
----
تشكبنه ابمصايب محد ايعده
وصفينه اليوم بديار الغرب عدوان
----
جايمته الفرج يلفينه يلكرار جم
واحد غريب وفاكد الاوطان
----
شسولف ششجي حالتنه بعد
ذيج الدمه السالت فتحوا بيها الف دكان
----
واحدنه ينام امكدر ابحزنه
واذا يفرح فرح خرسان
----
ركن بلدين عدنه اولاية الكرار
ولينكر وحكك لاتظن ربحان
----
شذكر لو وكف صلى يرجف ماتكظه
الكاع واذا نعس توسد حيدر التربان
----
يعمار الخلك لو سارت ابكل صوب
اتبع صاحب الكلفات لو وحدة مشه الوديان
----
يكفرونه الخلك لو كلنه انته الكال بيك
المصطفى احجايه كعد يمشي علي القران
----
حظنك لليتيم افراش سويته ابياب
اعيونك الحلوات تنوم لو شفت نعسان
----
موهوه اليساعد شيعته
اهناكه موحبه اليخفف كفت الميزان
----
منهو الكال لو مامش
ابو الحسنين جان اول بشر هلكان
----
تامر علنبي وبيته ابن عباس
كال اعليه ماخاف وخشه الرحمان
----
العنه اشما رمش جفني يسمي
اللي يحبه الله رجل خرفان
----
كعدو بلسقيفه اتامروا كلهم وعافوا
حيدر الكرار وحده امكابل الجثمان
----
الرسول الكال موش اني علي
حبك علامه وبغضك العصيان
----
صلى اعله النبي وبيته نبي
ابراهيم بلنار وصبح بردان
----
القدير الكال لجل
المصطفى وبيته خلقت الدنيا ولاكوان
----
زغير انه وتوصيني يمه اذكر علي الكرار
واذا تنساه احلف فاكد الوجدان
----
اشلون انساه وانه اسمع
اسم حيدر ييمه ابكل كتر ومجان
----
حفنه اسنين وانته انته الخلك
تهواك واسمك مايمله انسان
----
زغير انه وسمعت اسمك علي امي
اتصيح لورادت تكوم وشالت الشكبان
----
جذب ننساك يلحبك
دمه ومافارك الشريان
----
نموت انحب علي ابكل زود
نعيش انحب حبك للصبر عنوان
----
وحكك من اجيب اسمك
ابشته جويريد اهيس بلجسم عركان
----
موسى احتار من وده عليه فرعون اجاه الصوت
صلي اعله النبي وبيته عصتك تنكلب ثعبان
----
راح الجان يتفكد
رعيته وللفجر سهران
----
علي نثغب ثغيب وما تهيد الروح
من نذكر طبرتك وابشهر رمضان
----
علي موش انته وصيت الحسن وحسين طبره
ابراسه سووها لااريد الزياده ولا احب نكصان
----
علي موش انته ويه الليطبر
راسك تصيح اطوه اكل جوعان
----
واذا شبت مضيف اطيح
عليمن واجف الصيوان
----
شتفيد الدلال اعله الجمر
تركص لوغاب الكليط ومامش الفنجان
----
علي يلبيك اسولف دوم
وحزني عليك ماينفل حزن معدان
----
عله حبك يبو الحسنين
نحلف نفطم الرضعان
----
بس اسمك سمعته من امي جابتني علي
يا صاحب الشدات صاحت حيل من يوم الطحت فرحان
----
[email protected]
الشاعر ابو حيدر اللامي
http://www.mumehhidon.net/ibda3at/p-...abo7aider6.htm[/align]
albasry
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|