هنيئا لكم ايها المتصدين لقد اشفيتم صدور هذه العوائل ...للشاعر ابو حيدر اللامي
[align=center]حگه أمك
قصيدة للشاعر ابو حيدر اللامي
اصبر ياعراق الظيم صبرت اسنين
لابد يوم تفرح والفرح يوصل يدگ بابك
----
اسمك لويمر علناس
من اسمك نشم والوادم اتهابك
----
هذاك انته العهدتك زلمه من
ازغير تخاف الموت شجاك اشبيك واشصابك
----
انغرس بيك الوفه من ساعت
الشبيت وسيفك ماخمد لحظات بگرابك
----
تطلگ الدنيا ماترظى ابمذله
اتعيش ماتغمض جفنه وتطبگ اهدابك
----
تختاض وتشگ زيجك لعد الگاع
نشم معروف زحمه اتشوف عينك ذلة اصحابك
----
تحملت المصايب وماهدالك بال
تخوف الموت حتى الموت خايف يوصل اعتابك
----
رعيد اتسكت اليحچون
اريد انه دماك ابچفك اخظابك
----
ابدل اسمك الميهوب اذا
تنسى هذاك الصار وامصابك
----
اتوچه اعله جرحك ولاتگول
احاه وانچخه ابدليلك حفنه احرابك
----
يابيرغ عشاير ماهدت رايه عمت
عينه اليظن الخوف ينتابك
----
تهز الگاع لو تختاض تزامط بيك
كل اهل السلف وتبوس اترابك
----
اشكثر طبعك صبور وتحمل
الشوغات تاليها ابچياس اتلملم احبابك
----
حگه امك تزامط بيك تفخر
بل بطن يل ظمك وجابك
----
مهداة الى من يبحث في المقابر الجماعية على احبابه ولم يجد منهم سوى ثياب بالية.
هنيئا لكم ايها المتصدين لقد اشفيتم صدور هذه العوائل بمواقفكم ونسيتم وتناسيتم حال هذه الضحايا ومن كان
سببها.
allami1959@yahoo.com
الشاعر ابو حيدر اللامي
http://www.mumehhidon.net/ibda3at/p-...bo7aider23.htm[/align]
رد مع اقتباس
