المساجلة الشعرية في الأبوذية

[عمار جابر العطاوه]

ولك دوم بسواد ماشافت عيني سِفرهه

بيه مجبور حظي كل فرحه عني سفرهه

كل نايبه الي فرحانه شدت سفرهه

هاي حالتي وياك والفكر يشهد عليه
ــــــــــــــــــــــــــــــــــــــــــــــــــ ـــــــــــــــــ
آنه السجاجين فوك راسك ماحد

ولاخليت ظهري لسنون غيرك محد

من أسألك منو غير تكلي محد

شلون بعد هاي السنين لنك مو اليه
ــــــــــــــــــــــــــــــــــــــــــــــــــ ــــــــــــــــــ

عضاي الك صارن منازل

وحك عينك مانبي بالوصل منازل

بعشرتك وياي فلاوحد منه زل

شجاك تغيرت وانته الذخر ليه
ــــــــــــــــــــــــــــــــــــــــــــــــــ ــــــــــــــــــ
تقبلو تحياتي
__________________________

[سهل العقابي]

هلالك هل وسط كلبي فهلك وعيوني الما فهن لحد فهنلك فقط بيك الكلب فكرفهلك كلب مثلي ويفكر فقط بيه

[احمد14]

السلام عليكم ورحمة الله وبركاته :

شكرا للشاعر عمار وسهل العقابي , ونتشوق الى المزيد .

[احمد14]

السلام عليكم ورحمة الله وبركاته :

ولو إني مو شاعر , لكن الجميع يحب الشعر , فليش هذا الغياب عن هذه الواحة

الدنيا من تحارب رجل تنفيه
تضكه ولا تخليله نفس تنفيه
اثاري الضحك للمغبون تنفيه
تحسده الناس والعله خفيه

[الحلفي1]

حزن غير المصايب فاتحت من
وسهمك وسط كلبي فات حتما
كتلتني وجاي تنشد فاتحت من
ولاجنك فتت جناز بيه
....................................
الك حن الكلب يسمر ولك مال
وذاب الكلب من هجرك ولك مال
لاني ناجح بحبك ولا كمال
ولاراسب وكولن حيل بيه
.............................
عليك سهام صدري ترف شرعا
وسفن حبك خليج الكلب شرعا
ابي مذهب يحل البوس شرعا
واذا ماكو ارد للجاهليه

[ام البصرة]

هـلا ومرحبا كل ساع كل ساع
يبو سوالف لذيذة وحلو الطباع
انا احبك لشخصك موش بطماع
أجيت وفيـــــّـت الدنيــــــــا عليّ

[جواد]

و لا حــن
صديقي المارحم حالي و لا حـن
و علايم هجر بانلـّــه و لاحــن
وكت زعلي تره ما جــه و لا حان
لجن لو حان أشك هدمل العليـّــه

[الحلفي1]

منو مثلي تعب لجلك وداره
وعاش بعيد عن اهله وداره
اضن واحد حجه براسك وداره
وصرت هواي متغير عليه

[الحلفي1]

هله يلمانساك الكلب مره
وصدك كل ليالي جفاك مره
شيضرك بالحلم لوتمر مره
وكولن ماكطعت الوصل بيه

[الحلفي1]

الكلب هام بودادك وانت مالك
ورفض غيرك يملكه وانت مالك
نزف لجلك محنه وانت مالك
ثلج مايوم هزك شوك اليه

[الحلفي1]

سرت نار بدليلي ومنك ابره
شتظن انساك انه ومنك ابره
تعال الخيط مني ومنك ابره
نخيط كلوبنا ونلتم سويه

[kadhum]

حنينة الروح بودادك شجاها
وبنات الدوح من وني شجاها
الناس تكاطعت كلي شجاها
تحب تسعى بخراب الناس هيه

[مسكين الدارمي]

حبيبي البطن صيني موش ** معدان
وحجاياكم أ بلب الكلب ** معدان
سأ لني ألأ صل كلت ألأ صل ** معدان
أ لمسكن دبن وأ لعيشه هنيه[align=center][/align]

[مسكين الدارمي]

[align=center]أ بشوغاتي أ نكضه حري ** وبردي
ويدنيا حدي بسيوفج ** وبردي
ألكصب ينحب على حالي ** وبردي
وانه كل أ لحزن مشتول بيه[/align]

[مسكين الدارمي]

[align=center]ذبنا أ بشوك أ لعماره *** وهمنا

ولا نكدر نفاركها *** وهمنا

أبوسع أ لهور دمعتنا *** وهمنا

وعذاب أ لحال من وسع أ لوطيه[/align]