ابهيده ياشعبان

[ابن العراق]

قصيدة مرسلة من الاخ الشاعر ابو نصير الفتلي
----------------------------------------------------------

يدهدينه الزمان ابكل كتر ويّاه واحنه اسنين حدر ابطه تتجينه
نوكف ننركع بالكاع نتصفن على الريجان واعلى الماكو هدينه
صفت جيلات دنيانه تثور ابلا عرس واتنوح كل ساعه اوتبجينه
تدغدغنه اونصيح ابهيده ياشعبان يل ذجرك ذجر عاشور مثله اشكثر فوك الصدر دكينه
ياحنه اعلى جف اوديرم احديثات يازمزم عطش حجاج ياكوسر عشج للروح واحنه ابسده جلينه
ياخبزة يتيم اميبسه امن اسنين ماتلاج
ياصبخة ارامل والعطش جتال عكبك من يروينه
ياصرخة خزاعل والمضيف ادموع
ووجاغ المضيف الهافت امن سنين
ذكرنه ابهوه اجويريد والجمر اليدفينه
ياشعبان الك رنّة فناجين ابرفيف الروح
ياموال غربه اوبي تغنينه
ياجرح الجبور المايطيب اسنين يدي اولا يفيده
الروف لو كل العمر بيه احنه شلينه
اوياصرخة ذبيح العينه عالذباح من ايحد سجاجينه
اوياحسرة كبر حس بيها كل دفان للي انكرضت اسنينه


المخلص:ابو نصير الفتلي
_:-

[ابن العراق]

صعبه صعبه والله صعبه اهوايه صعبه
صعبه لو مات العزيز ابغربه مو يم اهله صعبه
يادمع جذاب ينشغ والدمع شامت يشربه
ابطاسه لميت الدموع او حسبت عد الضروره الدمع اشربه
او حسبه حسبه اتمر عليه اوياهه نحبه
وآنه اجلب الليل اصوغن بالنجم خرزه اعلى خرزه اوكمت ارتبه
او كلبت همي العتيج اومالكيت اويه الجديد ابسده نسبه
او بينت صفنت حزن غيمه اعلى خدي اوما حسبت الحلفه عالعنبر تشلبه
صعبه صعبه ابن العشاير يمشي مركوع البشت بمتونه حربه
اويزعل الريحان لوشاف الورد محد يشمه اومحد ايغني اعلى دربه
صعبه ابو الشيمه الشماته اوفوك المغيسل غدر كل سا تكلبه
امغازل الشّمات تذبح لمّن اتشوف العزيز ايمّد اديه او ينطرد من رابي كربه
يالخلك والهادي صعبه
صعبه عالمطرود اول لليطرده ايدنك اعلى ايدّه اويحبه
والله صعبه أي وحك الحمزه ابو احزامين صعبه


ابونصير الفتلي

_:-