صفحة 2 من 12 الأولىالأولى 1234 ... الأخيرةالأخيرة
النتائج 16 إلى 30 من 176
  1. #16
    الصورة الرمزية خادمة الزهراء
    خادمة الزهراء غير متواجد حالياً مشرفة واحة التربية والتعليم والاسرة
    تاريخ التسجيل
    Nov 2003
    المشاركات
    1,884

    افتراضي

    السلام عليكم
    شلونكم همزين دخلتو المطبخ اختفيت حتى منازار وام محمد هم يطبخون لعد بس عليه الطبخ بس ام محمد هم دجاج وانوب بشهر رمضان واني شكد احب الدجاج .
    المهم اليوم افطوركم عليه .
    طبختنا لليوم هي ...

    تبسي باذنجان بكبة البرغل يم يم يم طيبة

    المقادير:
    1/2 كيلو بطاطا مقطعة حلقات
    1/2 كيلو باذنجان
    1/2 كيلو بصل مقطع حلقات
    1/2 كيلو طماطم مقطعة حلقات ايضا
    حبة واحدة فلفل بارد اخضر او احمر مفروم ناعم او على شكل اعواد
    كبة برغل على حسب عدد افراد الاسرة او مكعبات لحم مسلوقة

    صلصة التبسي
    2 ملعقة كبيرة صلصة طماطم +تمر هند + ليمون جاف ( يعني نومي بصرة ) حبة واحدة مطحونة،فلفل اسود ، رشة فلفل احمر ،2 كوب ماء ،ملح

    الطريقة:
    تقلى الكبة بالزيت وكذلك الخضراوات الاخرى كل مجموعة على جهة منفصلة
    ناتي ببايركس زجاجي مسطح وندهنه بالزيت قليلا ونضع به الكبة اولا ثم حلقات الباذنجان ثم البصل
    ثم الطماطم ومن ثم الفلفل البارد.
    تخلط مواد الصلصة مع بعضها البعض وتوضع نصف الصلصة فوق طبقات الكبة والباذنجان والفلفل
    ندخل البايركس الفرن على حرارة معتدلة لمدة نصف ساعة ثم نزيد البايركس بالصلصة المتبقية من جديد
    وندخله لمدة ربع ساعة ثم يقدم مع الرز الابيض المفلفل والف عوافي مقدما
    [align=center] (`'•.¸(` '•. ¸ * ¸.•'´)¸.•'´)
    « ´¨`.¸.* أمـانـاً يـاعـراق *. ¸.´¨`»
    (¸. •'´(¸.•'´ * `'•.¸)`'•.¸ )

    [/align][align=center] [/align]

  2. #17
    الصورة الرمزية دجلة الخير
    دجلة الخير غير متواجد حالياً مشرفة واحة التجارة والاقتصاد
    تاريخ التسجيل
    Jul 2003
    المشاركات
    2,033

    Talking

    هلا والله حمدالله عالسلامة خيتي خادمة الزهراء
    يووووووووووه نسيت انتِ ماتحبين الدجاج ... اي حقي انسى صار فترة مازرتيني
    بعدين غيرج يمكن يحبه (آني ) ولهذا حطيته حتى اذا وحدة عزمتني (:D::) ماعندها حجة علمناها شلون تسوي الدجاج المحشي ;)

    عموما عاشت ايدج عالتبسي بس خيتي التبسي مال بيتنجان وماحطيتي شقد نستخدم بيتنجان
    بس شغلة الكيلو والنص مااعرفها تدرين هنا يبيعون كل شيء بالحبة على قولتج .
    *·~-.¸¸,.-~*وبَشــــــــِّـــــــــــــــــر الصـــــــــــــــابرين*·~-.¸¸,.-~*

    [align=center][/align]

  3. #18
    الصورة الرمزية خادمة الزهراء
    خادمة الزهراء غير متواجد حالياً مشرفة واحة التربية والتعليم والاسرة
    تاريخ التسجيل
    Nov 2003
    المشاركات
    1,884

    Wink

    الله ايسلمج صار هواي ما زايرتج عجيب ولا ادري
    لعد تعالي انت ِ حتى نطبخ سوه الدجاج لأن اني كلشي ولا الدجاج بس نوبات اسوي دجاج لكن بين فترة وفترة ..
    طبخت ونسيت اشكد احط بيتنجان .... ام محمد هم كيلو ونص هسة اروح اخلي كمية البيتنجان شكراً نبهتيني ..
    ما تعرفين شغلة الكيلو ونص اني اكلج شلون يعني كيلو وبعدين تخلين النص كيلو صارت كيلو ونص :D::
    واذا يمج يبيعون بالحبة تكدرين تاخذي كم حبة وتوزنيهن حتى يصيرن كيلو ونص هااااا مو خوش فكرة
    [align=center] (`'•.¸(` '•. ¸ * ¸.•'´)¸.•'´)
    « ´¨`.¸.* أمـانـاً يـاعـراق *. ¸.´¨`»
    (¸. •'´(¸.•'´ * `'•.¸)`'•.¸ )

    [/align][align=center] [/align]

  4. #19
    تاريخ التسجيل
    Jul 2004
    الدولة
    هناك
    المشاركات
    28,205

    افتراضي

    يا مية هلا والله، خادمة الزهراء،، أخيراً رجعتي مو قلنا بطلي طبخ ولائم أبقي على طيخة طبختين :D::


    أختي أم محمد كثري من الباذنجان على ضمناتي أربع أو خمس ورح تشوفي الطيخة مضبوطة ميه بالميه:p
    يا محوّل الحول والاحوال ، حوّل حالنا إلى أحسن الحال......








  5. #20
    الصورة الرمزية خادمة الزهراء
    خادمة الزهراء غير متواجد حالياً مشرفة واحة التربية والتعليم والاسرة
    تاريخ التسجيل
    Nov 2003
    المشاركات
    1,884
    اقتباس المشاركة الأصلية كتبت بواسطة منازار
    يا مية هلا والله، خادمة الزهراء،، أخيراً رجعتي مو قلنا بطلي طبخ ولائم أبقي على طيخة طبختين :D::


    أختي أم محمد كثري من الباذنجان على ضمناتي أربع أو خمس ورح تشوفي الطيخة مضبوطة ميه بالميه:p
    بس مية هلا لعد اخذي مني عشر تلاف هلا
    والله كالوها قبلي (زد بعداً تزداد حباً ) هسه اني هم بعد وهم طبخ :D::
    ليش هو اني كم طبخة طابخه هي بس وحده الي يريد يطبخ تمن يطبخ والمايريد كيفه يشربة هيج بدون لا خبز ولا تمن
    منازار والله تخوفين اخاف اجيج حتى ماء ما تنطيني =)
    [align=center] (`'•.¸(` '•. ¸ * ¸.•'´)¸.•'´)
    « ´¨`.¸.* أمـانـاً يـاعـراق *. ¸.´¨`»
    (¸. •'´(¸.•'´ * `'•.¸)`'•.¸ )

    [/align][align=center] [/align]

  6. #21
    تاريخ التسجيل
    Jul 2004
    الدولة
    هناك
    المشاركات
    28,205
    تسلمين والله يا وردة...


    خيتي انت من تيجين يمي اطبخ لج ولائم مو بس وليمة تدللي والله،،،



    تدرين اني هاي السنة مالي خلق أطبخ يعني طبخة طبختين أكثر لا وعلى فكرة هم الماء أعتبره طبخة أضيف عليه شغلات حلوه تخبل :)
    يا محوّل الحول والاحوال ، حوّل حالنا إلى أحسن الحال......








  7. #22
    تاريخ التسجيل
    Sep 2005
    المشاركات
    393

    افتراضي باذنجان مشوي مع بطاطس مسلوقة

    اخواتي العزيزات السلام عليكم
    هذه اكلة كلش طيبة وخلي نبتعد اشوية عن اللحوم وان شاء الله تعجبكم
    2 بطاطس كبير
    2 باذنجان
    1 فلفل اخضر
    1 بصل أحمر حجم كبير
    2 ملعقة كبيرة بقدونس مفروم
    2 ملعقة كبيرة ثوم مفروم
    1 ملعقة صغيرة كمون مطحون
    4/1 كوب زيت زيتون
    1 ملعقة كبيرة خل أحمر
    1 ملعقة كبيرة عصير ليمون
    ملح وفلفل

    الطريقة

    - تُسلق البطاطس في ماء حتى تنضج ثم تُقشر وتُقطَع حلقات سماكتها حوالي 2/1 1 سنتيمتر.
    - يُوضع الباذنجان مباشرةً على نار متوسطة حتى تُشوى قشرته الخارجية.
    - يُقشر الباذنجان ويُقطَع إلى نصفين وتُنزع منه أكبر كمية ممكنة من البذر.
    - يُقطع الباذنجان إلى مكعبات ويحفظ جانبا ويُخلط بعصير الليمون حتى لا يتغير لونه.
    - يُقلب الفلفل الأخضر على نار مباشرة حتى تُشوي قشرته الخارجية.
    - يُوضع الفلفل في كيس من البلاستيك لمدة خمس دقائق ثم يُقطع نصفين ويُتخلص من البذر والقشر ويُقطع إلى مربعات صغيرة.
    - يُقطع البصل الأحمر إلى قطع صغيرة ويُحمر في ملعقتين من زيت الزيتون لمدة 10 دقائق.
    - يُخلط الباذنجان والبصل الأحمر والفلفل الأخضر والبقدونس والطحينة جيداً وتُتبل المواد بالملح والفلفل.
    - يُخلط الثوم المفري وزيت الزيتون المتبقي والكمون المطحون.
    - تُرص حلقات البطاطس وتُرش بخليط الزيت والثوم والكمون ويُوضع سلطة الباذنجان بالمنتصف.



















  8. #23
    تاريخ التسجيل
    Jul 2004
    الدولة
    هناك
    المشاركات
    28,205
    وعليكم السلام أهلين أختي أم عباس



    عاشت ايديج




    الطبخة تصلح للسحور مو "_"
    يا محوّل الحول والاحوال ، حوّل حالنا إلى أحسن الحال......








  9. #24
    تاريخ التسجيل
    May 2005
    المشاركات
    50

    تهنئه

    السلام عليكم ورمضان كريم وكل عام وانتم بخير
    اسال الله لكم في شهر رمضان حسنات تتكاثر وذنوب تتناثر وهموم تتطاير وان يجعل بسماتكم سعاده
    وصمتكم عباده وخاتمتكم شهاده ورزقكم في زياده وبكل زخة مطر وبعدد من حج واعتمر اهنئكم بقدوم شهر رمضان قبل كل البشر.

    واسفه لتهنئتي المتاخره بسبب السفر
    واحب ان اشارككم بهذه الاكله



    سلطة الباذنجان ( شنو رايكم ؟ استمر لو لا .......يالله ان شاء تعجبكم )


    باذنجان مقشر ويقطع بالطول شرائح مثل السباكتي (نصف سم) باذنجانه واحده
    فلفل يقطع شرائح بالطول نصف سم (فلفله واحده او اثنتان )
    بصل يقطع شرائح بالطول (نصف سم) راس متوسط
    طماطم مفرومه ناعم
    واحد كوب صاص او عمبه .. ملح..توابل..وزيت الزيتون.

    العمل....
    يحمس البصل والفلفل والباذنجان بزيت الزيتون على نار هادئه لمدة ربع ساعه مع التقليب حتى ينضج قليلا
    تضاف الطماطم وتحمس معه لمدة عشر دفائق.. يتبل بالملح والفلفل الاسود ويبعد عن النار ثم يضاف الصاص
    او العمبه حسب الذوق او رب الرمان ويخلط قليلا ثم يصب في صحن ويقدم بارد .
    والطعم ........يمممممممممممممممممممممممممممممم

    بالعافيه

  10. #25
    تاريخ التسجيل
    Sep 2005
    المشاركات
    393

    افتراضي

    اهلا وسهلا اختي منازار وتسلمين
    احب اسال اذا مسوية حلاوة الجوكليت اشو اني متطلع مضبوطة عندي ممكن المقادير وطريقة العمل
    مع تحيات اختك ام عباس

  11. #26
    الصورة الرمزية خادمة الزهراء
    خادمة الزهراء غير متواجد حالياً مشرفة واحة التربية والتعليم والاسرة
    تاريخ التسجيل
    Nov 2003
    المشاركات
    1,884

    افتراضي

    هلا والله بسومة الحلوه وتنئتها هم الحلوه كل عام وانت بالف خير وشهر رمضان كريم
    خوش اكله نجربها تسلمين .
    خيتي ام عباس شهر رمضان كريم عليج وتقبل الله صيامكم واعمالكم .

    خلي نرجع للطبخ
    اليوم عاجبني افطر على كباب
    الكباب العراقي اللذيذ المشوي

    المقادير :

    كيلو لحم غنم مفروم ناعم مع دهن.
    كيلو لحم بقر مفروم ناعم.
    كوبين بقدونس مفروم.
    1 كوب بصل مفروم ناعم.
    8 ملاعق طعام طحين او اقل حسب الحاجة
    ملعقتان صغيرتان عصير الليمون.
    فلفل أسود
    ملح
    سماق





    الطريقة :

    ـ يمزج لحم الغنم مع لحم البقر في اناء ثم تضاف كل الموادالى مزيج اللحم وتخلط جيداً حتى يتجانس .
    ـ يشكل الكباب بالأسياخ ويشوى على الفحم لمدة 5 دقائق على كل جانب ثم ضعي الأسياخ في خبز وتسحب لاتحرقون نفسكم =X: اليوم حتى لوباردة راح اشوي كباب على الفحم اتفضلوووووووو ويانا ;) بس ممكن ان يشوى الكباب ايضا في الفرن لكن على الفحم اطيب خصوصا اذا خدرنا جاي على الفحم بعد الشوي
    يزين بالسماق وأوراق النعناع ويقدم ساخن مع السلطة والمخلل.
    علينا وعليكم بالعافية الكباب
    الي يجرب هذه الطريقة خلي ايخبرنا مو تشون وما تكولون :D:: يالله نشوفكم بعد الافطار ورانا شوي :D::
    [align=center] (`'•.¸(` '•. ¸ * ¸.•'´)¸.•'´)
    « ´¨`.¸.* أمـانـاً يـاعـراق *. ¸.´¨`»
    (¸. •'´(¸.•'´ * `'•.¸)`'•.¸ )

    [/align][align=center] [/align]

  12. #27
    تاريخ التسجيل
    May 2005
    المشاركات
    50
    شكرا اخيتي خادمة الزهراء

    وراح اقدملج حلاوة الجكليت بعد الكباب اللذيذ ولعيون ام عباس وراح تدعولي وردولي خبر رجاءا حتى اتشجع

    250 غرام حليب باودر. شيرة (2كوب سكر+ 1كوب ماء) . زيت .هيل

    نعمل الشيرة اولا .
    نحمس الحليب على نار هادئة مع التقليب المستمر تره تاخذ وقت وديري بالج يحترك حتى يشقر
    تضاف الشيرة مع الخفق جيدا ثم نضيف قليل من الزيت ثم تصب في الصحن وتترك لتبرد
    والف عافية بس حاسبوا على اصابعكم لاتاكلوها

  13. #28
    تاريخ التسجيل
    Sep 2005
    المشاركات
    393

    افتراضي

    تسلمين اخت بسومة ياحلوة على الطريقة الكلش حلوة ولاول مرة تنجح عندي هذي الحلاوة الف شكر الج حبيبتي
    ونسيت اشكر الاخت خادمة الزهراء على تهنئتها لي وكل عام وانت بخير حبيبتي

  14. #29
    الصورة الرمزية خادمة الزهراء
    خادمة الزهراء غير متواجد حالياً مشرفة واحة التربية والتعليم والاسرة
    تاريخ التسجيل
    Nov 2003
    المشاركات
    1,884

    افتراضي

    اقتباس المشاركة الأصلية كتبت بواسطة ام عباس
    تسلمين اخت بسومة ياحلوة على الطريقة الكلش حلوة ولاول مرة تنجح عندي هذي الحلاوة الف شكر الج حبيبتي
    ونسيت اشكر الاخت خادمة الزهراء على تهنئتها لي وكل عام وانت بخير حبيبتي
    علخير والبركة نجحت الطريقة عندج ام عباس بس اشو ما وزعتي جلكليت واني منتظرة هسه تجيني جكليته من ام عباس :D::
    مو مهم المهم نجحت طريقة عمل الجكليت عندج ام عباس ..
    [align=center] (`'•.¸(` '•. ¸ * ¸.•'´)¸.•'´)
    « ´¨`.¸.* أمـانـاً يـاعـراق *. ¸.´¨`»
    (¸. •'´(¸.•'´ * `'•.¸)`'•.¸ )

    [/align][align=center] [/align]

  15. #30
    تاريخ التسجيل
    Sep 2005
    المشاركات
    393

    افتراضي

    تسلمين اختي خادمة الزهراء
    وجنج على جكليت حبيبتي وان شاء الله ندزة الج بالافراح والمسرات

صفحة 2 من 12 الأولىالأولى 1234 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني