گالوا طاح
ـــــــــــــــــــــــــ
گلتلهم نِسِر جَمــــــــــــــــــــــــــــــــــــــــــــــا ح
مايـِلتِوي اذارعَه إولاتِهِزَه أريــــــــــــــــــــــــاح
يـِتلاوَه إويَ چَف إلموت يـِكسِر كِل جـِرِن نـَطاح
مايـِلفِت رِگبتـَه إولا يهاب إلليل
ولايـِهتـَم لـَعاوي إولا چَلِب نـَباح
گالوا طاح
گِتِلهم يـِغـَربـِل كِل وَسِخ بالكون
وِيذِرهم ذ َرَه إلمحصول بالمِرواح
ماگـَصَر فِزَع مِن هَلهَل إلبارود
طاح إوشَل جـِروحَه إوگام لا ماصاح
لاماطاح
إهي كَبوَة فـَرس هِدنـَة محارب يوم
وإلفارِس لِزوم إمن إلتـَعَب يـِرتـــــاح
لا ماطاح
شيطيح إلجبل لو ثار بيه بركان
شامِخ بَس جَهَنـَم مِن غضاه إلســـــاح
لاماطاح
بَحَر مِن زود فيضـَه إيخيف حتى إلموت
بَس طبع البَحَر مايغدر إبسَبـــــــــــاح
لاماطاح
رَغم كِل إلخناجـِر بيه صَح يـِعتـَل وكت ويگوم
نـَجم إسهيل كِل عمر إلفـَلـَك لـَــــــــــــواح
إومِثِل بَدر إلتـَمام إمزوگ إلنـَجمات
دوم أربَع تـَعَش يـِبرِج يـِظـَل صَـــــــــداح
قامَت يارسول الله حَل يوم إلبَعَث بالگاع
طاح الطاح منها إبسَيء الاعمال
بَس ظـَل العراق أوداعِتـَك ماطـــــــــــــاح
قامَت والضمائِر موصِدَه إلبيبان
وإخرَسَت لِسِنها إوسَبـِطـَة لِلموت
مثِل شاة إلصحاري إبليل مِن تِنــــــــــــداح
قامَت يارَسول الله
وَضونا إبدِمانـَه وإلصِيام إسنين
وإلبارود سووه لِلنـَخـَل لِگــــــــــــــــاح
قامَت يارَسول الله
بـِدموع إليتامَه إوبَسمَة إلاطفال
نِشرَب من نـَخَب خِدر إلحراير كاس مو تِفاح
قامَت والحچي إبلا ســـــــــــاس
قامَت والچذِب نومـــــــــــــاس
وإلحَج تـَل أبيب إوَقـَع أبتكساس
مِن شارون يـِستاهِل لـَقـَب سَفــــــــــــــــــــــاح
مِنعوا يارَسول الله
كِل معنى إلتظامن وإلزَكاه أرهاب
حِرمونا إلعَواطِف والحچي إلمعروف
وإلي إبلا ضمير إلهاي بَس إرتـــــــــــــــــــاح
قامَت يارسول الله
سِلبونـَه إلهويه وإلارض والدين
طـَشونا إعلى كُبر إلگـــــــــاع
طـَش حَب إلطماطه إبواحة إلفـــــــــــــــــــلاح






مشير السعيدي